Туризмда бухгалтерия ҳисоби

Тавсияда:

– лицензиялаш;
– сертификатлаштириш:
        туризм соҳасидаги ташкилотларнинг хизматларини сертификатлаш;
        туроператор ходимларини сертификатлаш;
– сарфлар ва туристик маҳсулотнинг қийматини калькуляциялаш;
– туроператорнинг ишлаб чиқариш сарфларини бухгалтерия ҳисобида қандай акс эттириш лозим;
– тур таннархининг калькуляциясини қандай тузиш лозим;
– туроператорнинг технологик йўқотишлари.

Лицензиялаш

Туроператорларнинг фаолияти лицензияланади  .

Талабгор лицензия олиш учун ҳужжатларни тақдим этганда аризани кўриб чиқилиши учун йиғим тўлайди. Унинг миқдори БҲМнинг 2,5 бараварига тенг ва уни Ўзбекистон Республикаси Туризмни ривожлантириш давлат қўмитасининг ҳудудий бўлинмалари ёки туризмни ривожлантириш департаментига тўлайди. Лицензия туридан (ички, чиқиш, кириш туризми) ёки йўналишлар сонидан катъи назар йиғим миқдори ўзгармайди.

Агар лицензия талабгори берилган аризадан воз кечган тақдирда ёки лицезияловчи орган унга лицензия беришни рад этса тўланган йиғим  талабгорга қайтарилмайди .

Лицензия бериш рад этилганда лицезияловчи орган талабгорни  ёзма ва электрон шаклда хабардор қилади. Унда рад этиш сабаблари, уларни бартараф этиш ва қайта ариза билан мурожаат қилиш муддатлари келтирилади .  Аризани такроран кўриб чиқиш учун ҳақ олинмайди .

Агар талабгор лицензия олиш учун такроран мурожаат қилмаса ёки уни олишдан бош тортса, йиғим миқдори унинг бошқа операцион харажатларига олиб борилади (9430 счёт).

Ижобий жавоб олганда талабгор давлат божини тўлайди. Давлат божи ставкаси...