Ijaraning minimal stavkalari tirkamaga tatbiq etiladimi

Firma jismoniy shaхs bilan furgon (yengil avtomobilga budka sifatida tirkama qilinadi) uchun ijara shartnomasini tuzdi. Teхpasportda u yarim tirkama sifatida koʻrsatilgan. Yengil avtomobil uchun ijaraning minimal stavkasi oyiga 575 000 soʻmni, yuk avtomobiliga - 1 150 000 soʻmni tashkil qiladi. Furgon uchun bir oy uchun ijara haqini qanday stavka boʻyicha belgilash zarur?

Buxgalter.uz iltimosiga binoan savolga yurist  Ikrom ABDULQODIROV javob berdi:

- 2021 yil uchun mol-mulkni ijaraga beruvchi jismoniy shaхslar uchun belgilangan ijara toʻlovining eng kam stavkalari binolar va avtotransportning ayrim turlariga tatbiq etiladi . Aynan:

• yengil avtomobillar;
• mikroavtobuslar, avtobuslar va yuk avtomobillari.

Bunday mol-mulkni ijaraga berishdan olingan daromadlarga shartnomada belgilangan ijara haqi summasidan, biroq mol-mulkni ijaraga beruvchi jismoniy shaхslar uchun belgilangan ijara toʻlovining eng kam stavkalaridan kelib chiqib hisoblab chiqarilgan summadan past boʻlmagan summadan kelib chiqqan holda soliq solinadi.

Yengil avtomobil - bu yoʻlovchilar va bagajni tashishga moʻljallangan hamda haydovchi oʻrnini hisobga olmaganda 8 tadan koʻp boʻlmagan oʻrindiqqa ega boʻlgan avtotransport vositasi. Avtobus - yoʻlovchilarni, bagajni tashishga moʻljallangan va haydovchi oʻrnini hisoblamaganda 8 tadan ortiq oʻrindiqqa ega boʻlgan avtotransport vositasi .

Binobarin, yarim tirkama - bu belgilanishi boʻyicha yengil avtomobil emas, shuningdek avtobus ham, mikroavtobus ham emas.

“Avtomobil transporti toʻgʻrisida”gi Qonunda yuk avtotransporti vositalari jumlasiga yuk avtomobillari, shatakchi avtomobillar, tirkamalar va yarim tirkamalar kiradi . “Yarim tirkama” va “yuk avtomobili” tushunchalari qonunda ajratilgan, aynan oʻхshash emas.

Xulosa: avtomobil transportining barcha boshqa turlari, jumladan yarim tirkamalar boʻyicha ijara haqi ijara shartnomasiga binoan tomonlarning oʻzaro kelishuviga koʻra belgilanadi.

Bunday mol-mulkni ijaraga berishdan olingan daromadlarga shartnomada belgilangan ijara haqi summasidan kelib chiqqan holda soliq solinadi.

Shartnomada belgilangan ijara haqi summasi qonunchilik bilan belgilangan ijara haqining minimal stavkalaridan past boʻlishi mumkin.