9 oyni xatolarsiz yopamiz:
Kuryer vazifalarini bajaruvchi xodim pasportini ID-kartaga almashtirdi. Endi qanday qilib uning nomiga elektron ishonchnoma yozib berish mumkin? Tez orada unda yangi elektron raqamli imzo olish zarurati tugʻiladi, e-imzo.uz shakli esa pasport ma’lumotlari va pasporti bilan suratni talab qiladi. Buxgalter.uz iltimosiga binoan vaziyatni DSQ soliq toʻlovchilarni roʻyxatdan oʻtkazish va hisobga olish boshqarmasi boshligʻi oʻrinbosari Komil SAYIDOV tushuntirdi:
- ”ID-kartalar ichki foydalanish uchun biometrik pasportlar oʻrniga joriy etilmoqda. ID-kartalarda biometrik pasportdagi kabi, seriya va raqam mavjud.
Interaktiv xizmatlar olish va elektron hujjatlarni rasmiylashtirishda pasport oʻrniga ID-karta ma’lumotlaridan foydalanish zarur.
ID-karta rekvizitlari tegishli ustunlarni toʻldirish uchun talablarga toʻliq javob beradi va axborot tizimlari tomonidan toʻgʻri oʻqiladi.
ID-kartaga ega fuqarolarning soni ortishi bilan axborot tizimlari maydonlari nomida va ularga yoʻriqnomalarda “pasport” soʻzi “ID-karta”ga almashtiriladi, ba’zi hollarda esa bunday ustun butunlay chiqarib tashlanadi”.
Eslatib oʻtamiz, ilgari DSQ xabar berganidek, 2021 yil 1 iyuldan boshlab soliq toʻlovchilar-jismoniy shaxslarni soliq organlarida hisobga olish jismoniy shaxsning shaxsiy identifikatsiya raqami (JShShIR)dan foydalanilgan holda amalga oshiriladi.
Oleg GAYeVOY tayyorladi
