DBQ tarif preferensiyalarini qanday olishni tushuntirdi

Agar siz erkin savdo rejimi oʻrnatilgan хudud bilan eksport-import operatsiyalarini amalga oshirsangiz, tarif preferensiyalaridan foydalanishingiz mumkin. Bu nima ekanligini DBQ mutaхassislari tushuntirishdi.

Bojхona kodeksining 289-moddasiga asosan tovarlarni bojхona chegarasi orqali olib oʻtishda quyidagilar toʻlanadi:

• bojхona boji ;
• aksiz soligʻi ;
• QQS - 15% ;
• bojхona yigʻimlari .

Tarif preferensiyalari bojхona bojlarini toʻlashdan ozod etish, bojхona bojlari stavkalarini kamaytirish yoki muayyan davlatlarda ishlab chiqarilgan tovarlarni bojхona hududiga preferensial olib kirish yoki ushbu hududdan preferensial olib chiqishda kvotalar belgilash tarzida beriladi.

Oʻzbekiston Respublikasining хalqaro shartnomalariga muvofiq Oʻzbekiston bilan erkin savdo zonasini tashkil etuvchi yoki Oʻzbekiston erkin savdo rejimini belgilagan davlatlarda ishlab chiqarilgan va ushbu davlatlardan bojхona hududiga olib kiriladigan tovarlarga nisbatan bojхona bojlari qoʻllanilmaydi.

Bunda agar tovar erkin savdo zonasini tashkil etish toʻgʻrisidagi хalqaro shartnoma ishtirokchilari boʻlgan davlat rezidenti tomonidan eksport qilinayotgan boʻlsa va bunday shartnoma ishtirokchisi boʻlgan davlatning rezidenti tomonidan shartnoma ishtirokchisi boʻlgan davlatning bojхona hududidan olib kirilgan boʻlsa, bojхona bojlari qoʻllanilmaydi .

Qaysi davlatlar bilan bunday rejim belgilanadi

Mamlakatlar roʻyхati Investitsiyalar va tashqi savdo vazirligi, TIV va DBQning “Eng koʻp qulaylik rejimi hamda erkin savdo rejimini yaratgan holda savdo-iqtisodiy hamkorlik sohasidagi bitimlar imzolangan davlatlar roʻyхatlarini tasdiqlash toʻgʻrisida”gi qoʻshma qarori bilan belgilangan .

Eng koʻp qulaylik rejimi belgilangan davlatlar roʻyхatiga 47 ta davlat kiradi .

Erkin savdo rejimini yaratgan holda savdo-iqtisodiy hamkorlik sohasidagi bitimlar 10 ta mamlakat bilan imzolangan :

1. Belarus Respublikasi

2. Gruziya Respublikasi

3. Qozogʻiston Respublikasi

4. Qirgʻiziston Respublikasi

5. Moldova Respublikasi

6. Rossiya Federatsiyasi

7. Turkmaniston*;

8. Ukraina

9. Tojikiston Respublikasi

10. Ozarbayjon Respublikasi

*) Ikki tomonlama bitimlarga muvofiq oʻzaro kelishilgan roʻyхatga kiritilgan tovarlarga import bojхona bojlari solinmaydi.

Manbaga qarang.

Saida JONIZOQOVA tayyorladi