2300 – Ёрдамчи ишлаб чиқаришларни ҳисобга олувчи ҳисобварақлар

123. Ташкилотнинг асосий ишлаб чиқариши ёки асосий фаолияти учун ёрдамчи ва хизмат кўрсатувчи ҳисобланган ишлаб чиқариш харажатлари тўғрисидаги ахборотни умумлаштириш 2310-«Ёрдамчи ишлаб чиқариш» ҳисобварағида амалга оширилади.

124. Мазкур ҳисобварақ қуйидагиларни таъминлайдиган ишлаб чиқариш харажатларини ҳисобга олиш учун қўлланилади:

а) энергиянинг ҳар хил турлари (электр энергияси, буғ ва б.) билан хизмат кўрсатиш;

б) транспорт хизмати кўрсатиш;

в) асосий воситаларни таъмирлаш;

г) асбоблар, тўртбурчак муҳрлар, эҳтиёт қисмлар, қурилиш деталлари ва конструкцияларини тайёрлаш ёки қурилиш материалларини бойитиш;

д) тош, шағал, қум ва бошқа норуда материалларни қазиб олиш;

е) ёғоч кесиш ва арралаш;

ж) қишлоқ хўжалиги маҳсулотларини тузлаш, қуритиш ва консерва қилиш.

Бундан ташқари, ушбу ҳисобварақларда ташкилот балансидаги илмий-текшириш ва тажриба-конструкторлик бўлинмаларининг харажатлари акс...