Хизмат сафари харажатларига солинадиган солиқлар

Тавсияда:

– ходимнинг даромадига киритилмайдиган хизмат сафари  харажатлари;
– хизмат сафари харажатларига ЖШДС ва ижтимоий солиқ солиш;
– фойда солиғи ҳисоб-китобида хизмат сафари харажатлари қайси харажатлар таркибига киритилади;
– фойда солиғи ҳисоб-китобида хизмат сафари харажатлари таснифи.

Ходимнинг даромадига киритилмайдиган хизмат сафари  харажатлари  

Хизмат сафарларига юборилган ходимнинг даромадига қуйидагиларга доир хизмат сафари бўйича компенсация тўловларини киритманг ва ЖШДС солманг .

• тасдиқловчи ҳужжатлар (авиачипта, темир йўл чиптаси ёки автотранспорт чиптаси) асосида хизмат сафари жойига бориш ва у ердан қайтиб келиш учун йўл ҳужжатлари бўлмаган тақдирда темир йўл транспортидаги (агар темир йўл қатнови бўлмаса, шаҳарлараро автобусдаги) йўл ҳақи қиймати миқдорида, лекин авиачипта қийматининг 30 фоизидан ошмайдиган миқдорда;
• турар жой ижараси бўйича харажатларни тасдиқловчи ҳужжат бўлмаганда – ҳар бир суткасига БҲМнинг 20% миқдори доирасида