Фойда солиғи ҳисоб-китобида харажатларни моддалар бўйича акс эттириш тартиби

Тавсияда:

– Ҳисоб-китобга 2-илованинг II қисмини тўлдириш тартиби:
        хом ашё ва материалларга харажатлар;
        моддий сарфларнинг алоҳида турлари;
        меҳнатга ҳақ тўлаш харажатлари ва ижтимоий солиқ;
        асосий воситалар ва номоддий активлар амортизацияси;
        қайта сотиш учун сотиб олинган товарлар қиймати;
        жорий ва капитал таъмирлаш;
        маркетинг ва реклама харажатлари;
        транспорт хизмати харажатлари;
        оператив ижара бўйича харажатлар;
        солиқлар;
        фоизлар;
        салбий курс фарқи;
        қўшилган қиймат солиғи;
        умидсиз қарзлар бўйича харажатлар;
        захира фондлари;
        моддий наф;
        пенсияларга устамалар ва қўшимча тўловлар;
        моддий ёрдам;
        хайрия;
        талон-тарож ва камомаддан зарарлар;
        бошқа шахслар учун тўланган солиқлар;
        текширув натижалари бўйича  қўшимча ҳисоблашлар;
        тадбиркорлик фаолиятини амалга ошириш билан боғлиқ бўлмаган харажатлар;
        қонун ҳужжатларини бузганлик учун жарималар;
        мол-мулк (хизмат)ларнинг бепул берилишидан зарарлар;
        нотижорат ва халқаро ташкилотларга тўловлар;
        шартномавий мажбуриятларни бузганлик учун жарималар;
        норезидентга доимий муассасасининг тўловлари;
        норезидентнинг бошқарувга оид ва умуммаъмурий харажатлари;
        бошқа харажатлар.

Фойда солиғи ҳисоб-китобига 2-иловасининг II қисми қандай тўлдирилади 

Харажат моддалари бўйича харажатларни фойда солиғи ҳисоб-китобига 2-иловасининг II қисмида акс эттиринг (0101–01350-сатрлар).

Харажатларни қуйидагиларда акс эттиринг:

• 3-устунда – харажат моддалари бўйича жами;
• 4- устунда – 3-устунда келтирилган харажатлар ичидан солиқ солиш мақсадларида чегирилмайдиганларини .

Таннархга киритилган сарфлар ўтган (солиқ) ҳисобот даврларида амалга оширилган, жорий ҳисобот даврида харажатларга киритилган бўлиши мумкинлигини ҳисобга олинг.

Мураккаблик томони шундаки, сотилган товар (хизмат)ларнинг ишлаб чиқариш таннархи бўйича харажатлар 9100-счётлар гуруҳида номенклатура бўйича ҳисобга олинади, харажат моддалари бўйича эмас.

Сотилган товар (хизмат)лар таннархи таркибидаги сарфларнинг аниқ бир тури суммасини қуйидагича аниқлашингиз мумкин:

Сотилган товар (хизмат)лар таннархи таркибидаги сарфлар = Ишлаб чиқарилган товар (хизмат)лар таннархи таркибидаги сарфлар : Ишлаб чиқарилган товар (хизмат)лар таннархи  х Сотилган товар (хизмат)лар таннархи.

Бухгалтерия ҳисобига боғланган ҳолда ушбу формула қуйидаги кўринишга келади:

Сотилган товар (хизмат)лар таннархи таркибидаги сарфлар = харажатлар 2010-счётининг субконто бўйича айланмаси : 2010-счёт бўйича жами айланма х  9100-счёт бўйича айланма.