Вахта усулидаги ишларда меҳнатга ҳақ қандай тўланади

Тавсияда:

– вахта усулидаги ишларда иш ҳақи;
– вахта усулидаги ишларда устамалар ва компенсациялар;
– вахта усулида ишланганда таътиллар ва касаллик варақалари учун тўловлар.

Вахта усулидаги ишларда иш ҳақини қандай тўлаш керак

Вахта усулида ишланганда меҳнатга ҳақни қуйидагича тўланг:

• ишбай ишчиларга – амалдаги нархлар бўйича бажарилган ишлар ҳажми учун;
• вақтбай ишчиларга – ўрнатилган разрядларнинг белгиланган тариф ставкаларидан келиб чиқиб ҳақиқатда ишланган соатлар учун;
• объектда бевосита раҳбарлик қилувчи усталар, прораблар, участка (смена) бошлиқлари ва бошқа линия (цех) ходимларига – разрядлар бўйича белгиланган тариф ставкаларидан келиб чиқиб график бўйича ҳақиқатда ишланган вақт (соатларда) учун. Ходимларнинг соатбай ставкасини аниқлаш учун ойлик лавозим маош суммасини календарь ҳисоб-китоб ойидаги иш соатлари сонига бўлинг;
• вахтада ишловчи бошқа раҳбарлар, мутахассислар ва хизматчиларга – белгиланган ойлик лавозим маошларидан келиб чиқиб ҳақиқатда ишланган вақт учун (кунларда).