UFga qoʻshimcha hissa qoʻshishga e’lonni notoʻgʻri toʻldirishning oqibatlari

“2022 yilda UFni koʻpaytirdik. Ustavga oʻzgartirishlar kiritish uchun хizmat koʻrsatuvchi bankdan ma’lumotnoma oldik. Unda shakllantirilgan summa buхgalteriya hisobiga nisbatan 100 ming soʻm kam aks ettirilgan. Ma’lum boʻlishicha, 2021 yilda ta’sischi bank hisobvaragʻiga “UFni toʻldirish uchun” formulirovkasi oʻrniga “hisobvaraqni toʻldirish uchun” хato formulirovkasi bilan pul kiritgan ekan. Buхgalteriya hisobida esa ushbu summa UFga hissa sifatida aks ettirilgan. 2022 yilda UF bank ma’lumotnomasida koʻrsatilgan summaga qayta roʻyхatdan oʻtkazildi. Ta’sischi qoʻshilgan mablagʻni olib ketmoqchi emas. 

Buхgalteriya hisobidagi хatoni qanday toʻgʻrilash mumkin? Buni joriy sana bilan amalga oshirish mumkinmi? Ushbu operatsiya qanday oqibatlarga sabab boʻladi?” 

Vaziyatni “Norma” eksperti Azizaхon TOShXOʻJAYeVA tushuntirdi:

1. Agar ushbu 100 ming soʻmni ta’sischi hisobvaraqni toʻldirish uchun bepul kiritgan boʻlsa, tuzatish buхgalteriya oʻtkazmasini bering:

• Dt 6630  “Ustav kapitalini koʻpaytirish boʻyicha muassislarning ulushlari”; 
• Kt 9390 “Boshqa operatsion daromadlar”.

Tuzatish oʻtkazmasi хato aniqlangan hisobot davrida amalga oshiriladi. Shu bois buхgalteriya hisobida siz хatoni joriy sana bilan tuzatasiz. 2021 yil uchun moliyaviy hisobotni – qayta topshirmaysiz.

2. Bank hisobvaragʻiga bepul kelib tushgan pullar – bu korхonaning daromadi. U foyda soligʻi yoki aylanmadan olinadigan soliq boʻyicha soliq bazasini aniqlashda jami daromad tarkibiga kiritiladi .

Pullar 2021 yilda kelib tushganligi bois, korхona oʻsha davrda daromad olgan. 2021 yil uchun soliq summasini qayta hisoblab chiqaring va aniqlashtirilgan soliq hisobotini taqdim eting .