2023 yilda suv soligʻini qanday toʻlaymiz

preview

SKga tuzatishlar kiritilishi bilan suv resurslaridan foydalanganlik uchun soliq qismida ham koʻp narsa oʻzgaradi: toʻlovchilar doirasi kengaytirilmoqda, hisobotni taqdim etish va soliqni toʻlash muddatlariga tuzatish kiritilmoqda, stavkalar indeksatsiya qilinmoqda:

 

Nima oʻzgarishsiz qolmoqda

Suv resurslaridan foydalanganlik uchun  soliqni hisoblab chiqarish tartibi saqlab qolinmoqda.

 

Soliqni toʻlovchilar doirasi kengaytirilmoqda

Quyidagilarga ega boʻlgan jismoniy shaxslar uchun soliqni toʻlash joriy etiladi:

  • tadbirkorlik faoliyati va (yoki) daromad olish uchun moʻljallangan noturar joy maqsadidagi koʻchmas mulk ob’yektlari. Ular boʻyicha yakka tartibdagi tadbirkorlar uchun belgilangan soliq stavkalari qoʻllaniladi;
  • qishloq xoʻjaligiga moʻljallangan yerlar. Ular boʻyicha dehqon xoʻjaliklari uchun belgilangan soliq stavkalari qoʻllaniladi.

Soliq soliq organlari tomonidan hisoblab chiqariladi.

 

Soliq stavkalari indeksatsiya qilinmoqda

2022 yilda amalda boʻlgan soliq stavkalari oʻrtacha 10%ga indeksatsiya qilinmoqda.

 

Hisobotni taqdim etish va soliqni toʻlash muddatlariga oʻzgartirishlar kiritildi

Quyidagi muddatlar belgilandi:

  • Oʻzbekiston yuridik shaxslari (bundan qishloq xoʻjaligi korxonalari mustasno) uchun yillik hisob-kitobni taqdim etish va soliqni yakuniy toʻlash (boʻnak toʻlovlarini hisobga olgan holda) –hisobot yilidan keyingi yilning 1 martidan kechiktirmay. Ilgari ushbu muddat yillik moliyaviy hisobotni taqdim etish muddatiga toʻgʻri kelgan;
  • soliq organlari tomonidan soliqni toʻlash toʻgʻrisidagi toʻlov xabarnomasini dehqon xoʻjaliklari va ayrim jismoniy shaxslarga topshirish – hisobot yilidan keyingi yilning 1 martidan kechiktirmay. Ilgari ushbu muddat hisobot yilidan keyingi yilning 1 fevralidan kechiktirmay belgilangan edi.

Qishloq xoʻjaligi korxonalari uchun soliq toʻlashning quyidagi muddatlari belgilanmoqda:

  • 1 oktyabrga qadar - korxona oʻtgan yilda qishloq xoʻjaligi yerlarini sugʻorish va baliq koʻpaytirish (yetishtirish) uchun foydalanadigan suv hajmi asosida soliq organlari tomonidan aniqlangan yillik soliq summasining 70%i. Agar oʻtgan yilda foydalanilgan suv hajmi toʻgʻrisidagi ma’lumot mavjud boʻlmasa, soliq summasi suvdan foydalanish va suvni iste’mol qilish sohasidagi vakolatli organ tomonidan tasdiqlangan suv iste’moli normativlari boʻyicha aniqlanadi;
  • 15 dekabrga qadar - soliqning qolgan summasi.

 

Quyidagilar soliqni hisobot yilidan keyingi yilning 1 mayidan kechiktirmay toʻlaydilar:

  • dehqon xoʻjaliklari;
  • qishloq xoʻjaligiga moʻljallangan yerlar va tadbirkorlik va daromad olish uchun moʻljallangan noturar joy maqsadidagi koʻchmas mulk ob’yektlariga ega boʻlgan jismoniy shaxslar.

Ilgari hisobot yilidan keyingi yilning 1 mayiga qadar soliqni faqat dehqon xoʻjaliklari toʻlashgan.

 

 

Suv resurslaridan foydalanganlik uchun soliq Oʻzbekistonda: hisoblash suv soligʻi, suv resurslaridan foydalanish, tabiiy resurslar soligʻi, hisob-kitob, soliq hisoboti Suv resurslaridan foydalanganlik uchun soliq: kimlar toʻlaydi, qanday hisoblanadi, stavkalar qanday belgilanadi va hisobot qanday taqdim etiladi. Qonunchilikdagi asoslar, imtiyozli holatlar, xato va tekshiruvlarga oid barcha javoblar Buxgalter.uz saytida! /oz/publish/doc/text187073_2023_yilda_suv_soligini_qanday_tulaymiz