Nima uchun Oʻzbekiston BEPS 2.0. dasturiga qoʻshildi

Oʻzbekiston BEPS inklyuziv hadli dasturiga qoʻshilgan holda oʻz zimmasiga – davlat darajasida dunyo miqyosidagi IHTT loyihasi – BEPS 2.0.ni amalga oshirish majburiyatini oldi. Uning qoidalariga asosan хalqaro kompaniyalar guruhlari ular qayerda faoliyat koʻrsatishmasin, soliqlarning haqqoniy ulushini toʻlashadi.

BEPS 2.0 loyihasi  хalqaro kompaniyalar guruhlari foydasiga soliq solish boʻyicha 2 ta modul –  Pillar 1 i Pillar 2 dan iborat.

Pillar 1 bunday kompaniyalarning soliq solinadigan foydasini ularning yurisdiksiyasi oʻrtasida – yurisdiksiyada jismonan hozir boʻlish yoki boʻlmaslikdan qat’i nazar, taqsimlash imkonini beradi. Pillar 1 soliq solish meхanizmi ostiga dunyo miqyosidagi 20 mlrd yevrodan ortiq aylanmaga ega va rentabelligi 10%dan ortiq хalqaro kompaniyalar guruhlari tushadi.

Pillar 2 dunyo miqyosidagi foyda soligʻining kompaniyalar guruhlari tadbirkorlik faoliyatini amalga oshiradigan shtab-kvartirasi yoki yurisdiksiyasi joylashgan joydan qat’i nazar, kamida 15% toʻlanishini koʻzda tutadi. Pillar 2 yillik konsolidatsiyalashgan tushumi 750 mln yevro boʻlgan kompaniyalarga nisbatan qoʻllaniladi.

BEPS 2.0 loyihasi qayta ishlash bosqichida turibdi. Ammo Pillar 2 2024 yildan boshlab ommaviy qoʻllana boshlanishi taхmin qilinmoqda.

Oʻzbekiston dasturning boshqa a’zolari bilan teng ravishda soliqlarni toʻlashdan boʻyin tovlashga qarshi kurashish, хalqaro soliq qoidalarining kelishilganligini oshirish va ancha shaffof soliq muhitini ta’minlash boʻyicha 15 ta chora-tadbirdan iborat BEPS paketini amalga oshirishda ishtirok etadi.

Iqtisodiy hamkorlik va taraqqiyot tashkiloti Pillar 2 ni milliy qonunchilikka kiritish uchun Namunaviy qoidalar va Sharhlarni ishlab chiqdi. Siz “Oʻzbekistonda ikkiyoqlama soliq solishning oldini olish toʻgʻrisida хalqaro shartnomalarning qoʻllanilishi” onlayn-uchrashuvida ishtirok etishingiz mumkin. Uchrashuvda Oʻzbekistonning BEPS 2.0. da ishtirok etishining asosiy masalalari muhokama qilinadi.

Onlayn-uchrashuv 2023 yil 29 iyun kuni soat 17:00 da oʻtkaziladi. Havola boʻyicha yozilish mumkin.

Saida JONIZOQOVA tayyorladi