Fevral oyida ekspertlarning materiallari siz uchun foydali boʻladi:
2024 yil 1 yanvardan e’tiboran iqtisodiy sudlar tomonidan koʻrib chiqiladigan soliq organlari ishtirokidagi ishlar ma’muriy sudlar yurisdiksiyasiga oʻtkaziladi. Shuningdek, soliq nizolari boʻyicha da’vo qilinadigan muddatlar ham qisqartiriladi 
. Joriy qilingan yangilik haqida Soliq qoʻmitasining soliq solish metodologiyasi departamenti mutaхassislari batafsil ma’lumot berdilar.
Bugungi kunda iqtisodiy sudlar quyidagilar bilan bogʻliq da’volarni koʻrib chiqadilar:
- yuridik shaхslar va yakka tartibdagi tadbirkorlar soliqlarini hisob-kitob qilish;
- moliyaviy jarimalar;
- byudjet oldidagi qarzlarni hisoblash, majburiy undiruv choralari;
- toʻlovga noqobillik sababli yuzaga keladigan nizolar;
- buzilgan huquqlarni himoya qilish yoki huquqlarga oid nizolar.
2024 yil 1 yanvardan boshlab mazkur da’volar, shuningdek ma’muriy huquqbuzarliklarga oid ishlar ma’muriy sudlar tomonidan koʻrib chiqiladi.
2024 yil 1 yanvardan boshlab kiritilayotgan yana bir muhim oʻzgartirish – 3 yillik da’vo muddati. Soliq majburiyatiga oid huquqbuzarlik haqidagi da’voni taqdim qilish mumkin boʻlgan vaqt 5 yildan 3 yilgacha qisqartirilmoqda.
