Қачон ва қайси турдаги онлайн НКТ тизими чекини харидорга бериш керак

Тавсияда:

– онлайн-НКТ чекида қандай тўлов турини кўрсатиш керак ва нима унга боғлиқ бўлади;
– онлайн-НКТ чеки қачон электрон шаклда берилиши мумкин;
– тўлов терминали ёрдамида тўловлар ҳисоб-китоб қилинганда онлайн-НКМ ёки виртуал касса аппаратларидан чекларни бериш хусусиятлари;
– маркетплейслар ва электрон тўлов тизимларидан фойдаланган ҳолда тўловлар ҳисоб-китоб қилинганда онлайн-НКМ ёки виртуал кассалардан чекларни бериш хусусиятлари;
– онлайн-НКТ чекини қандай ҳужжат билан ва қандай ҳолларда алмаштириш мумкин.

Аҳоли билан барча пул ҳисоб-китоблари онлайн-НКТ чеки билан амалга оширилиши керак. Харидорга чекни ўз вақтида ва тўғри тақдим этиш сизнинг тушумингизни солиқ (айланмадан олинадиган солиқ ёки ҚҚС) ҳисоб-китобида тўғри акс эттирилишини таъминлайди. Эслатиб ўтамиз, бу автоматик равишда солдир бўлади.

Ташкилотингиз сотувчилари ва кассирларига мижозлар билан ҳисоб-китобларни амалга оширишда онлайн-НКТ тизимидан чекларни ўз вақтида ва тўғри беришлари юзасидан кўрсатма беринг ва уларни назорат қилинг.

Онлайн-НКТ чекида қандай тўлов турини кўрсатиш керак ва у нимага таъсир қилади

Онлайн-НКМ ёки виртуал кассада чекни яратиш қуйидаги тўртта тугмачадан бирини босиш билан бошланади:

• «Сотиш»;
• «Қайтариш»;
• «Бўнак/Олдиндан тўлов»;
• «Кредит/Бўлиб-бўлиб тўлаш».

Танлашда хатоликка йўл қўймаслик ва яратилган чекда унинг номи  тўловнинг моҳиятини тўғри акс эттирган тугмани босиш муҳимдир. Сиз кўрсатган тўлов тури онлайн-НКТ чекида акс эттирилади ва айланмадан олинадиган солиқ ёки ҚҚС бўйича солиқ ҳисоботини тузишда чек билан ишлов берилган суммаларни ҳисобга олишга таъсир қилади.