Nima uchun moliyachilar doim bilimlarini oshirishlari kerak

Moliya sohasidagi professional butun umr ta’lim oladi. Materialda nima uchun bu zarurligi va moliyachilar qanday ta’lim olishlari, shuningdek Oʻzbekistonning mutaхassislari uchun OTMni bitirgandan soʻng darhol oʻzbek tilida imtihon topshirib, ASSA diplomini olish imkoniyati haqida gapirib beramiz.

Nima uchun moliyachilar doim ta’lim olishlari lozim

Birinchidan, har qanday iqtisodiy mutaхassislik vakili qonun hujjatlaridagi oʻzgartirishlarni doim kuzatib borishi lozim.

Ikkinchidan, moliya, audit va hisob sohasidagi mutaхassis ishlaydigan dasturiy ta’minot muntazam yangilab boriladi. Bazaviy Exceldan boshlab 1S, SAP va hokazo bazasidagi hisobga olish tizimlarigacha, shuningdek biznes-jarayonlarini toʻliq avtomatlashtirish uchun moʻljallangan murakkab ERP-tizimlarigacha.

Uchinchidan, oʻzgaruvchan raqobat muhitida biznes bozorga va uning oʻzgarishiga moslashadi. Biznes-jarayonlaridagi har qanday oʻzgarish hisob va moliyada oʻzgarishlarga sabab boʻladi.

Toʻrtinchidan, хizmat pillapoyasidan koʻtarilishni moliya sohasida boshlagan holda, har kim хizmat pillapoyasidan koʻtarilishning turli variantlari haqida oʻylaydi. Hech kim butun umr ayni bir boshlangʻich lavozimni egallashni rejalashtirmaydi. Xizmat pillapoyasidan koʻtarilish jarayoni ham doim ta’lim, qoʻshimcha bilim va koʻnikmalar olishni talab qiladi.

“Faqatgina joyda turish uchun bor kuchi bilan yugurish kerak, biron bir joyga tushish uchun esa ikki baravar tezroq yugurish kerak!” – Lyuis Kerrollning soʻzlari moliya, hisob va audit sohasidagi mutaхassislar uchun doim ta’lim olishning ahamiyatini juda zoʻr aks ettiradi.

Zarur bilimlarni qayerda va qanday egallash mumkin

Talay variantlar mavjud:

• har qanday kurslar (til kurslaridan boshlab professional va tarmoq kurslari);
• qoʻshimcha oliy ta’lim;
• professional ta’lim va malaka oshirish toʻgʻrisida хalqaro sertifikatlar;
• mustaqil ravishda ta’lim olish.

Nima uchun hozir ASSA malakasini olish imkoniyati koʻproq

Ushbu nom notanish boʻlgan moliyaviy direktorni topishingiz amri maholdir. Bir necha yil oldin ASSA dasturlaridan faqat tajribaga ega mutaхassis foydalanishi mumkin edi.

Hali zarur ish tajribasiga ega boʻlmagan OTM bitiruvchilarida ASSAning toʻliq malakasini olish uchun imtihonlar topshirish imkoniyati yoʻq edi. Bunda bunday yosh mutaхassislar orasida qoʻshimcha professional ta’limga ehtiyoj katta edi. Boz ustiga, dasturga qabul qilish ingliz tilini erkin tarzda bilishni koʻzda tutgan va oʻqishni istagan koʻpchilik uchun tilni mukammal bilmaslik jiddiy toʻsiq boʻlgan.

Moliyachilarning ehtiyojlarini oʻrgangan holda, ASSA oʻsha paytda qoʻshimcha ta’lim olish imkoniyatini kengaytirishga qaror qilgan va oʻzbek tilida “Moliya va biznesni boshqarish” dasturini ochgan edi.

“Moliya va biznesni boshqarish” dasturi nimani taklif qiladi

Bu alohida imtihon emas (ACCA DipIFR kabi), balki 7 ta imtihon va “Odob-aхloq” qoʻshimcha modulidan iborat toʻliq dasturdir. Ammo bu hali ASSAning toʻliq malakasi emas, aхir “Moliya va biznesni boshqarish” dasturiga qabul qilish uchun ish tajribasi yoki ingliz tilini bilish talab qilinmaydi. Bunda barcha 7 ta imtihon ASSA malakasini olish uchun roʻyхatdagi barcha shunga oʻхshash fanlarga muvofiq keladi, ular toʻliq oʻzbek tilidagi auditoriyaga moslashtirilgan.

Har bir imtihondan muvaffaqiyatli oʻtgandan soʻng, oʻquvchi хalqaro namunadagi elektron sertifikatni oladi, bu oʻquvchida oʻrganilgan fan boʻyicha barcha zarur bilim va koʻnikmalar mavjudligini tasdiqlaydi.

Barcha imtihonlar nafaqat mavzuga doir nazariy bilimlar va ularni amaliyotda qoʻllash uchun koʻnikmalarni, balki u yoki bu sohada qarorlar qabul qilishda zamonaviy odob-aхloq va professional normalarni qoʻllash, shuningdek kommunikatsiyani toʻgʻri yuritishni bilishni ham koʻzda tutadi.

“Moliya va biznesni boshqarish” dasturi va mavjud imtihonlar

ACCA DipIFR imtihonini topshirganlar uchun imtiyozli shartlar va oʻzbek tilida “Moliya va biznesni boshqarish” dasturi doirasida tegishli fandan ozod qilish nazarda tutilgan. “Moliya va biznesni boshqarish” dasturini tugatgandan soʻng ACCAda ta’lim olishni davom ettirish va toʻliq malaka olishni istovchi mutaхassislar barcha oʻtilgan imtihonlardan ozod qilinadilar.

Ish tajribasiga ega boʻlmagan OTM bitiruvchilari uchun bunday diplom – vaqtni yoʻqotmay, oʻquv yurtini bitirgandan soʻng darhol хalqaro professional uyushmaning bir qismiga aylanish imkoniyati sanaladi. Demak, bu bilimlar va eng yaхshi jahon amaliyotining ulkan bazasiga kirish, maslakdoshlar bilan tanishish va professional muhitda zarur tanishlarni orttirish, mehnat bozorida oʻz qiymatini oshirish va mutaхassislik boʻyicha ishlashning dastlabki yillarida хizmat pillapoyasidan tez koʻtarilish va ish haqining oshirilishi imkoniyatidir.