Kameral soliq tekshiruvi boʻyicha qoʻshimcha hisoblangan soliqlarni boʻlib-boʻlib toʻlash mumkin

2023 yil 28 dekabrdagi 891-son Qonunga koʻra soliqlarni toʻlash boʻyicha kechiktirib (boʻlib-boʻlib toʻlash) toʻlash shartlari oʻzgardi.

2024 yil 1 yanvardan boshlab soliq toʻlovchilarga kameral soliq tekshiruvi natijalari boʻyicha qoʻshimcha hisoblangan soliq summalarini boʻlib-boʻlib toʻlash imkoniyati beriladi. Endilikda qoʻshimcha hisoblangan soliqlar va moliyaviy sanksiyalarni boʻlib-boʻlib toʻlashga  – soliq organining qarori kuchga kirgan kundan boshlab 6 oy mobaynida teng ulushlarda – faqat soliq auditi natijalariga koʻra yoʻl qoʻyiladi .

Qoʻshimcha hisoblangan soliqlarni toʻlashni kechiktirish (boʻlib-boʻlib toʻlash) uchun soliq toʻlovchi soliqni hisobga olish  joyi boʻyicha soliq organiga хabarnoma yuborishi kerak. Bunda Markaziy bankning kechiktirish yoki boʻlib-boʻlib toʻlash davrida amal qilgan qayta moliyalashtirish stavkasidan kelib chiqib qoʻshimcha hisoblangan soliqlar va moliyaviy sanksiyalar boʻyicha qarz summasiga foiz hisoblanadi.

Eslatib oʻtamiz

Soliq toʻlovchining moliyaviy ahvoli ushbu soliqni belgilangan muddatda toʻlashga imkon bermasa, soliqni kechiktirish yoki boʻlib-boʻlib toʻlash imkoniyati berilishi mumkin. Bunda kechiktirish yoki boʻlib-boʻlib toʻlash taqdim etilgan muddat davomida soliq toʻlovchi soliqni toʻlash imkoniyatini topishiga yetarli asoslar mavjud. Kechiktirish yoki boʻlib-boʻlib toʻlash uchun asoslar roʻyхati bu yerda keltirilgan .

Tekshirishlar natijalari boʻyicha qoʻshimcha hisoblangan soliqlarni toʻlash tartibidagi ushbu oʻzgarishlar Oʻzbekiston Prezidentining tadbirkorlar bilan ochiq muloqotida belgilangan vazifalarni amalga oshirish boʻyicha «Yoʻl хaritasi»da nazarda tutilgan .