Iqtisodiy konsentratsiya uchun monopoliyaga qarshi organning roziligini olish kerakmi

preview

«Korxona ta’sischilari – 4 nafar chet ellik jismoniy shaxs. Ularning ulushlari quyidagicha taqsimlangan: «A» – 33,01 %, «B» – 33,01 %, «V» – 16,97 %, «G» –17,00 %. «A» ta’sischi «B» ta’sischining ulushini sotib olish istagida. Ikkala ta’sischining ham boshqa tadbirkorlik sub’yektlarida ulushlari yoʻq.

Agar oldi-sotdi natijasida «A» asoschisining ulushi 66,02%ni tashkil etsa, Monopoliyaga qarshi kurashish qoʻmitasining iqtisodiy konsentratsiyaga roziligini olish kerakmi?»

Savolga Raqobatni rivojlantirish va iste’molchilar huquqlarini himoya qilish qoʻmitasi xodimlari bilan kelishilgan holda soliq maslahatchisi Boburjon TURABBOYeV javob beradi:

 

– Bitim ishtirokchilari («A» va «B») boshqa biron bir xoʻjalik yurituvchi sub’yektning ustav fondidagi ulushlarini tasarruf etmasligini hisobga olib, vakolatli organning iqtisodiy konsentratsiyaga oldindan roziligi talab qilinmaydi.

Jamiyat ishtirokchisining jamiyat ustav fondidagi ulushini jamiyatning boshqa ishtirokchilariga oʻtkazish masalalari «Mas’uliyati cheklangan hamda qoʻshimcha mas’uliyatli jamiyatlar toʻgʻrisida»gi qonun (310-II-son OʻRQ,  06.12.2001 y.), Tadbirkorlik sub’yektlarini davlat roʻyxatidan oʻtkazish tartibi toʻgʻrisida Nizom (09.02.2017 y. 66-son VMQga 1-ilova) va boshqa normativ-huquqiy hujjatlar bilan tartibga solinadi.

 

Kim rozilik olishi shart  

Avtomatlashtirilgan tizim orqali davlat roʻyxatidan oʻtkazish uchun soʻrovga monopoliyaga qarshi organning oldindan rozilik berish toʻgʻrisidagi qarori –davlat ishtiroki bilan xoʻjalik yurituvchi jamiyatlar, shuningdek ularning affillangan shaxslari uchun ham ilova qilinadi .

Davlat ishtirokidagi xoʻjalik yurituvchi sub’yektlar, shuningdek ularning affillangan shaxslarini davlat roʻyxatidan oʻtkazishni, qayta roʻyxatdan oʻtkazishni rad etish uchun monopoliyaga qarshi organning dastlabki rozilik berish rad etilganligi toʻgʻrisidagi qarori mavjudligi asos boʻladi .

Iqtisodiy konsentratsiya ustidan davlat nazorati iqtisodiy konsentratsiyaga oldindan rozilik berish orqali Monopoliyaga qarshi organ tomonidan quyidagi hollarda amalga oshiriladi :

  • xoʻjalik yurituvchi sub’yektni qoʻshib olish yoki qoʻshib yuborish orqali qayta tashkil etishda;
  • shaxs yoki shaxslar guruhi Oʻzbekiston Respublikasida roʻyxatga olingan aksiyadorlik jamiyati ovoz beruvchi aksiyalarining 25 foizidan ortigʻini tasarruf etish yoxud mas’uliyati cheklangan jamiyatning yoki qoʻshimcha mas’uliyatli jamiyatning ustav fondidagi (ustav kapitalidagi) ulushlarning uchdan bir qismidan ortigʻini tasarruf etish huquqini olganda.

Ushbu talablar jismoniy shaxs tomonidan xoʻjalik yurituvchi ustav fondidagi aksiyalarni (ulushlarni) sotib olish bilan bogʻliq bitimlarga nisbatan qoʻllanilmaydi, agar ariza berish paytida bunday jismoniy shaxs biron bir xoʻjalik yurituvchi sub’yektining ustav fondidagi aksiyalarning (ulushlarning) 25 foizidan ortigʻini tasarruf etmagan boʻlsa.

Ma’lumot uchun

Iqtisodiy konsentratsiya — xoʻjalik yurituvchi sub’yektning yoki shaxslar guruhining ustunligiga olib keladigan, tovar yoki moliya bozorida raqobatning holatiga ta’sir koʻrsatadigan bitimlar tuzish va (yoki) boshqa harakatlarni bajarish .

 

Vakolatli davlat organi iqtisodiy konsentratsiya toʻgʻrisida qaror qabul qiluvchi yuridik va (yoki) jismoniy shaxslar oʻz harakatlari (bitimlari) iste’molchilarga sezilarli tarzda naf keltirishini isbotlab bersa, iqtisodiy konsentratsiyaga oldindan rozilik berish haqidagi arizani qanoatlantiradi .

 

Xulosa

Ushbu savoldan kelib chiqib  «A» ishtirokchi-jismoniy shaxs MChJ ustav fondida 33,01% va «B» ishtirokchi – 33,01% ulushga ega. «A» ishtirokchi tomonidan «B» ishtirokchining ulushi sotib olinganda, «A» ishtirokchining umumiy ulushi 66,02% ga teng boʻladi, bu MChJ ustav fondidagi ulushning uchdan bir qismidan oshadi. Ammo, bitim ishtirokchilari («A» va «B») boshqa qandaydir xoʻjalik yurituvchi sub’yektning ustav fondidagi aksiyalarini tasarruf etmasligini hisobga olib, vakolatli organning iqtisodiy konsentratsiyaga oldindan roziligi talab qilinmaydi .

 

 

 

 

Mas’uliyati cheklangan va qoʻshimcha mas’uliyatli jamiyatlar Mas’uliyati cheklangan va qoʻshimcha mas’uliyatli jamiyatlar Mas’uliyati cheklangan va qoʻshimcha mas’uliyatli jamiyatlar /oz/publish/doc/text196146_iqtisodiy_koncentraciya_uchun_monopoliyaga_qarshi_organning_roziligini_olish_kerakmi