Геология-қидирув ишларини олиб бориш спецификаси

Тавсияда:

– геология-қидирув ишларининг ўзига хос хусусиятлари;
– геология-қидирув фаолияти субъектлари;
– рухсат берувчи ҳужжатлар;
– геология-қидирув ишлари давлат дастури;
– смета нормалари тўпламлари;
– шартномавий муносабатлар;
– геология-қидирув корхонаси ҳисоб сиёсатининг спецификаси.

Геология-қидирув ишлари қандай ўзига хос хусусиятларга эга  

Геология-қидирув ишлари (кейинги ўринларда – ГҚИ) ишлаб чиқариш тузилмасини белгиловчи ҳамда уларни ташкил этишга ва самарадорлигига, шунингдек бухгалтерия ҳисобини ва солиқ солишни ташкил этишга таъсир кўрсатувчи қуйидаги хусусиятларга эга:

1) текширилаётган объектларнинг ҳудудий жиҳатдан тарқоқлиги ва меҳнат шароитлари.

ГҚИ бажариладиган майдонлар ривожланган инфратузилмадан олис бўлган, ҳатто йўлсиз туманларда жойлашган. Геология-қидирув корхонаси кўпинча бир вақтнинг ўзида нафақат битта ёки қўшни вилоятлар, балки бутун мамлакат географик ҳудудида бажариладиган кўплаб лойиҳаларни амалга оширади. Ҳатто битта лойиҳа доирасида ГҚИ ўтказиладиган майдонлар ўнлаб гектар билан ўлчаниши мумкин. Геология-қидирув корхоналари кўпинча турли истиқболли майдонларда базаларга эга.                                     

Бухгалтер учун бу нима сабабдан муҳим:

• материалларни ташиш ҳужжатлари, иш вақти ҳисобини юритиш табеллари, наряд-топшириқлар журналлари, бурғулаш журналлари, ҳисобдан чиқариш, фойдаланишга топшириш далолатномалари, нуқсонлар далолатномалари билан моддий ҳисоботлар ва б. каби бошланғич ҳужжатларнинг аксарият қисми ишлар бажариладиган участкаларда ёки базаларда тузилиб, бухгалтерияга топширилади. Географик ва логистик таркибий қисмларни ҳисобга олган ҳолда бошланғич ҳужжатларни тайёрлаш ва бухгалтерияга топшириш вақтининг тўғри режалаштирилиши бухгалтериянинг функционал мажбуриятларини ўз вақтида бажаришида акс этади (нафақат масофалар, балки маълумотларни узатиш учун етарли алоқа билан таъминлаш имкониятининг ўзи назарда тутилади);
• бошқа жойга жойлаштириш (асбоб-ускуналар, материаллар ва ходимларни ташиш, йўлларни ташкил этиш) харажатлари ҳамда технологик жараённинг моддий-техник таъминоти учун транспорт харажатлари ҳисобини алоҳида юритиш ва ишлар объектлари (лойиҳалар) бўйича тақсимлаш зарур;
• маҳаллий бюджетга келиб тушадиган солиқлар туманлар бўйича тўланади;
• маҳсулот тақсимоти, махсус иқтисодий...