Fevral oyida ekspertlarning materiallari siz uchun foydali boʻladi:
Statistika agentligi 2024 yil 1 maydan boshlab minimal iste’mol хarajatlari (MIX) miqdorini bir oyga kishi boshiga 648 ming soʻm miqdorida belgiladi (2024 yil yanvar oyidan 1 mayga qadar ushbu koʻrsatkich 621 ming soʻmni tashkil etdi).
Yangiliklarni oʻtkazib yubormaslik uchun bizning telegram-kanalimizga obuna boʻling.
Eslatib oʻtamiz, ushbu miqdor homiladorlik va tugʻish nafaqasining davlat tomonidan toʻlanadigan qismini hisob-kitob qilish uchun zarur.
Xususiy tashkilotlarda ishlaydigan, oхirgi 6 oy davomida uzluksiz mehnat stajiga ega boʻlgan ayollarga homiladorlik va tugʻish nafaqasi Iqtisodiyot va moliya vazirligi huzuridagi Ijtimoiy sugʻurta jamgʻarmasi mablagʻlari hisobidan – MIXning 4 baravari miqdorida toʻlanadi. Nafaqaning qolgan qismini ish beruvchi Mehnat kodeksiga muvofiq oʻz hisobidan toʻlaydi.
Shu tariqa, 2024 yil 1 maydan boshlab nafaqaning davlat tomonidan toʻlanadigan qismi – 2 mln 592 ming soʻmga teng.
Quyidagilarni oʻqishni tavsiya qilamiz
