Ijro hujjatlari boʻyicha ish haqidan undiruvlarni qanday ushlab qolish kerak
Тавсияда:
– ижро ҳужжатларини ҳисобга олиш ва сақлаш;
– ижро ҳужжатлари бўйича ундирувлар ушлаб қолинмайдиган даромадлар;
– ижро ҳужжатлари бўйича ундирувларнинг энг юқори миқдори;
– алимент суммасини ҳисоблаш;
алиментларни индексация қилиш;
келишув асосида алиментларни ушлаб қолиш;
алиментларни олдиндан тўлаш;
– алиментларни ушлаб қолишни тугатиш.
Тавсияга қуйидагиларга мувофиқ ўзгартиришлар киритилган:
- Президентнинг 02.06.2025 йилдаги ПФ-91-сон Фармони;
- 20.10.2025 й. ЎРҚ-1089-сон Қонун;
- 23.06.2026 йилдаги ПФ-115-сон Фармон;
- 2026 йил 25 июлдан кучга кирган 13.07.2026 йилдаги ЎРҚ-1158-сон Конституциявий қонун.
Ижро ҳужжати қуйидагилар учун асос бўлади:
- ижро ишини қўзғатиш;
- давлат ижрочиси томонидан суд қарорларини, шунингдек бошқа органлар ҳужжатларини мажбурий ижро этиш бўйича ҳаракатларни амалга ошириш.
Ижро ҳужжатларини мажбурий ижро этиш Бош прокуратура ҳузуридаги Мажбурий ижро бюроси (МИБ) органлари давлат ижрочиларига юклатилган.
Ижро ҳужжатларига қуйидагилар киради
:
- ижро варақаси:
– суд томонидан бериладиган ва ундирувчининг суд ҳужжатини мажбурий ижро этиш ҳуқуқини тасдиқловчи;
– Тошкент халқаро тижорат суди қарорлари асосида суд котиби томонидан бериладиган;
– ҳакамлик судининг ҳал қилув қарорини мажбурий ижро этиш тўғрисида суд томонидан томонидан бериладиган;
– медиатив келишувни мажбурий ижро этиш тўғрисида суд томонидан бериладиган;
– хорижий судлар ва арбитражлар қарорлари асосида Ўзбекистон суди томонидан бериладиган;
- суд муҳокамасисиз судья томонидан якка тартибда чиқариладиган суд буйруғи;
- нотариал тасдиқланган алимент тўлаш тўғрисидаги келишув;
- нотариуснинг ижро ёзуви. Қарздордан пул суммаларини ундириш ёки мол-мулкни талаб қилиб олиш учун нотариус қарздорликни белгиловчи ҳужжатларга ижро ёзувларини киритади;
- меҳнат низолари комиссияси томонидан унинг қарори асосида бериладиган гувоҳнома;
- маъмурий ҳуқуқбузарликлар тўғрисидаги ишларни кўриб чиқишга ваколатли орган (мансабдор шахс)нинг қарори;
- ўзбошимчалик билан турар жойни эгаллаб олган ёки авария ҳолатида деб топилган уйларда яшаётган шахсларни маъмурий тартибда кўчириш тўғрисидаги прокурор қарори;
- давлат ижрочисининг қарори;
- бошқа органларнинг ҳужжатлари.
Қарздор-жисмоний шахсга иш ҳақи ва унга тенглаштирилган бошқа тўловларни тўлайдиган ташкилотлар томонидан ижро ҳужжатларини ижро этиш тартиби махсус Қоидалар билан белгиланган.
Давлат ижрочисига ижро этиш учун тақдим этилган ижро ҳужжатлари қарздорга иш ҳақи тўлаётган ташкилотларга ижро этиш...

Bizning Facebook
Telegram kanali @uz_buxgalter