Қишлоқ хўжалиги корхоналари қандай солиқларни тўлайдилар

Тавсияда: 

– ҚҚС;
– фойда солиғи;
– мол-мулк солиғи;
– ер солиғи;
– сув ресурсларидан фойдаланганлик учун солиқ;
– айланмадан олинадиган солиқ;
– бошқа солиқлар.

Солиқ солиш мақсадларида қишлоқ хўжалиги товар ишлаб чиқарувчилари деб бир вақтнинг ўзида қуйидаги шартларга жавоб берадиган юридик шахслар эътироф этилади :

• улар қишлоқ хўжалиги маҳсулотини ишлаб чиқаради ва уларни бирламчи қайта ишлашни амалга оширади. Бунда уларнинг жами даромадида ўзи ишлаб чиқарган қишлоқ хўжалиги маҳсулотини (шу жумладан, уни ўзи ишлаб чиқарган қишлоқ хўжалик хом ашёсини қайта ишлашдан олинган маҳсулотни) реализация қилишдан олинган даромадининг улуши календарь йилда жами даромаднинг камида 80%ни ташкил этса;
• ер участкаларига эга бўлган, бу ер участкалари қишлоқ хўжалиги маҳсулотларини ишлаб чиқариш учун зарур бўлса.

Қишлоқ хўжалиги маҳсулотлари жумласига биологик ресурслардан (ҳайвонлар ва ўсимликлардан) олинган маҳсулотлар ҳам киради:

• қишлоқ ва ўрмон хўжалиги ўсимликшунослиги маҳсулотлари;
• чорвачилик, паррандачилик, асаларичилик маҳсулотлари;
• ипакчилик маҳсулотлари;
• балиқчилик маҳсулотлари ва сувда етиштириладиган экинлар.