Текширувлар пайтида солиқ инспекторларининг ҳуқуқбузарликлари қандай кузатилади

Тавсияда:

– текширувнинг бориши қандай кузатилади;
– текширув материалларида қайси ҳужжатлар етишмаётганлиги қандай аниқланади;
– агар инспекторлар солиқ сирига таянган ҳолда ҳужжатларни бермасалар, нима қилиш керак;
– далиллар қандай мезонлар бўйича баҳоланади;
– тўпланган далиллар қонуний эканлиги қандай аниқланади.

Ҳузурингизга солиқ текшируви билан келган бўлсалар, нафақат икки томоннинг ҳуқуқ ва мажбуриятларини, балки уни ўтказишнинг бутун жараёнини билиш зарур. Шуни ёдда тутингки, инспекторлар томонидан сайёр текширув ва солиқ аудитини ўтказиш тартибининг бузилиши текширув натижаларини бекор қилиш ва тадбиркорлик фаолиятига ноқонуний равишда аралашганлик учун инспекторларнинг ўзини жазолаш учун асос бўлиб хизмат қилиши мумкин . Шунингдек солиқ инспекторлари сизда аниқланган ҳуқуқбузарлик фактларини қандай ҳужжатлаштиришига эътибор қаратинг.

Текширувнинг бориши қандай кузатилади  

Инспекторлар томонидан йўл қўйилган ҳуқуқбузарликларни улар ҳудудингизга кириб келган пайтдан бошлаб кузатиб бориш лозим. Текширувни тайинлаш тўғрисидаги буйруқни текширгач, уларнинг гувоҳномалари муддати ўтмаганлигига ишонч ҳосил қилинг .

Буйруқда кўрсатилмаган солиқ инспекторларининг ҳудудга киришига йўл қўйманг. Агар буйруқда кўрсатилган икки киши ўрнига беш киши келган бўлса, ортиқча одамларни иккиланмасдан корхонангизга киритманг. Ҳатто текширувчиларнинг раҳбари уларни шунчаки ўзининг ёрдамчилари деб таништирса ҳам. Текширув бошланадиган санага қаранг ва уни ўтказиш муддатлари ўтиб кетмаганлигига аҳамият беринг. Агар уни бошлаш...