Сайёр текширув натижалари устидан шикоят қилиш мантиқлими

Тавсияда:

– қандай қилиб қарорни қабул қилиш ва шикоятни тайёрлаш керак;
– шикоятнинг шакли, матни ва мазмуни, чақириб олиш муддатлари;
– юқори турувчи органнинг ваколатлари;
– шикоятдаги мажбурий ахборотлар.

Сайёр солиқ текшируви ўтказилди. Унинг якуни бўйича сизга далолатнома тақдим этилди. Шуни билингки, бу ҳали якуний ҳукм эмас. Солиқ текшируви далолатнома билан тугалланмайди. Уни олганингиздан сўнг юқори турувчи солиқ органига текшириш натижаларидан шикоят қилиш ва низолашиш тўғрисида қарор қабул қилишингиз мумкин. Бунда, агар юқори турувчи солиқ органининг хулосалари сизни қониқтирмаса, сизда судга мурожаат қилиш ҳуқуқи сақланиб қолади.