Кредитор қарздорликни қандай ҳисобга олиш керак

Тавсияда:

– қуйидагиларнинг ҳисоби:
   мол етказиб берувчи ва пудратчиларга тўланадиган ҳисобварақлар;
   харидорлар ва буюртмачилардан олинган бўнакларнинг;
– қисқа муддатли ва узоқ муддатли кредитор қарздорликни акс эттириш;
– кредитор қарздорликни ҳисобдан чиқариш.

Кредитор қарздорлик ташкилотнинг бошқа шахслар олдидаги мажбуриятларини ифодалайди. Масалан, у сизда қуйидаги ҳолатларда юзага келади:

• товарлар (ишлар, хизматлар) қабул қилиб олинган, лекин уларга ҳали ҳақ тўланмаган ёхуд қисман ҳақ тўланган;
• харидор ёки мижоздан бўнаклар олинган, лекин унга ҳали товарлар етказиб берилмаган (ишлар бажарилмаган, хизматлар кўрсатилмаган) ёхуд тўлиқ ҳажмда амалга оширилмаган;
• ўз муассисларингиз, ходимларингиз ёки бошқа шахслар олдида солиқ ва йиғимлар бўйича қарзингиз мавжуд бўлган;
• олинган кредитлар ёки қарзлар (қарзлар) қоплаб берилмаган.

Қарзларни қоплаб бериш муддатига қараб улар қуйидагиларга бўлинади:

• қисқа муддатли кредитор қарздорлик – қоплаб бериш муддати, одатда, 1 йил ёки ундан кам (6000–6900-ҳисобварақлар);
• узоқ муддатли кредитор қарздорлик – қоплаб бериш муддати, одатда, 1 йилдан ортиқ (7000–7900-ҳисобварақлар).

Мол етказиб берувчи ва пудратчиларга тўланадиган ҳисобварақлар қандай ҳисобга олиниши керак

Мол етказиб берувчи ва пудратчиларга тўланадиган ҳисобварақларнинг ҳисобини тузилган хўжалик шартномаларига, тўлов учун олинган ҳисобварақлар (инвойслар), ҳисобварақ-фактуралар ва бошқа хилдаги товарларни жўнатиш ҳужжатларига (юк хати, қабул қилиш-топшириш далолатномалари ва бошқаларга) мувофиқ...