Лизингга олувчида лизингни қандай ҳисобга олиш керак

Тавсияда:

– лизинг объектини олиш;
– лизинг тўловларининг ҳисоби;
– лизинг объектини таъмирлаш;
– лизингга олинган объектга капитал қўйилмалар;
– лизинг объекти амортизацияси;
– лизинг объектини қайта баҳолаш;
– лизинг объекти лизингга олувчининг мулкига ўтиши;
– лизингга берувчига объектни қайтариш;
– қайтарилган лизинг ҳисоби;
– сублизинг ҳисоби;
– лизингга олувчи томонидан тўланадиган солиқлар;
– лизингга берувчига тўланадиган фоизларга солиқ солиш.

Ижарани таснифлаш ижара муносабатлари бошланган санада амалга оширилади ва ижара шартномасига ўзгартиришлар қилинганда қайта кўриб чиқилади. Ҳисоб баҳоларидаги ўзгаришлар (масалан, таянч активнинг иқтисодий хизмат муддати ёки тугатиш қиймати бўйича ҳисоб баҳоларидаги ўзгаришлар) ёки ҳолатлардаги ўзгаришлар (масалан, ижарачининг ўз мажбуриятларини бажармаслиги) ҳисобга олиш мақсадларида ижарани қайта таснифлаш заруратини келтириб чиқармайди .

Лизинг объектини олиш қандай ҳисобга олинади

Лизингга олувчи лизингга берувчи томонидан шартнома асосида расмийлаштирилган ҳисобварақ-фактурага ва қабул қилиш-топшириш далолатномасига биноан лизинг объектини қабул қилиб олади.

Лизинг объекти сотувчи томонидан лизингга берувчини четлаб ўтиб, тўғридан-тўғри лизингга олувчига етказиб берилиши мумкин. Бу ҳолатда сотувчи лизингга олувчи учун юк хатини (қабул қилиш-топшириш далолатномасини) расмийлаштиради.

Лизингга олувчининг бухгалтерия ҳисобида лизинг актив ва мажбурият сифатида тан олиниб, қуйидагича акс...