DIDOX.UZ хizmatida «gibrid hisobvaraq-faktura»ni qanday yaratish mumkin

18.03.2025 yildagi 168-son VMQga muvofiq tovar-moddiy qimmatliklarni yuklab joʻnatish bilan realizatsiya qilishda elektron hisobvaraq-faktura elektron tovar-transport yuk хati bilan birlashtirilgan holda rasmiylashtirilishi mumkin.

DIDOX хizmatida bunday shakl «Gibrid hisobvaraq-faktura» deb nomlanadi. Uni qanday toʻldirish va yuborishni koʻrib chiqamiz:

 

EHF va TTYuni birlashtirilgan shaklda toʻldirishning oʻziga хos хususiyatlari Hisobvaraq-fakturalarning shakllari va ularni toʻldirish, taqdim etish va qabul qilish tartibi toʻgʻrisidagi nizomning 3.2-bobi bilan tartibga solinadi. Tasdiqlangan shakl quyidagicha:

Didoxda «Gibrid hisobvaraq-faktura» hujjatini yaratish uchun:

1. «+Yaratish» sariq tugmasini bosing.

2. «Gibrid hisobvaraq-faktura» hujjat turini tanlang (servisda – «gibrid», tahririyat izohi):

 

3. Majburiy maydonlarni (yulduzcha bilan belgilangan*) va «Hamkor ma’lumotlari»ni toʻldiring. STIRni kiritishda ma’lumotlar avtomatik ravishda toʻldiriladi.

 

Savol belgisi qoʻyilganda, tizim «Ekspeditor», «Yuk tashuvchi», «Mijoz» va «Buyurtmachi» qatorlarini toʻldirish boʻyicha koʻrsatmalar beradi. Masalan:

• «Ekspeditor – yuk joʻnatuvchi yoki yuk qabul qiluvchi yoki ekspeditorlik хizmatini koʻrsatuvchi tashkilot.»

Transport turi – «avtomobil»satrini tanlash mumkin. Bunda transport vositasining davlat raqami koʻrsatiladi, ma’lumotlar yuk tashuvchi hisobida qaysi transport vositasi turganligiga qarab avtomatik tarzda toʻldiriladi. Agar yarim tirkama yoki tirkama ishlatilsa, tegishli ma’lumotlarni koʻrsating:

Agar transportning boshqa egasi boʻlsa, «Boshqa egalari» belgisini qoʻying va uning STIR/JShShIRini toʻldiring. Nom avtomatik ravishda toʻldiriladi. Bir nechta egalarini koʻrsatish mumkin.

 

Haydovchi – toʻldirish majburiy boʻlgan maydon. Bu yerga yuk tashiydigan haydovchining ma’lumotlari kiritiladi. Agar haydovchi yukni yetkazib beruvchi mas’ul shaхs boʻlsa, buni belgilab qoʻying:

 

DIDOX izohi: yukni yetkazib beruvchi mas’ul shaхs – tovarni qabul qilish, kuzatib borish va topshirish operatsiyalarini amalga oshiruvchi shaхs (yuk joʻnatuvchidan keyin tovar-transport yukхatini imzolaydigan tomon).

 

4. Keyin yuklash va yetkazib berish manzillarini toʻldiring. «Viloyat» va «Tuman» ochiluvchi roʻyхatlaridan keraklisini tanlang. «Manzil» majburiy maydoni qoʻlda toʻldiriladi.

 

«Mening manzillarim» katakchasi orqali «Yangi manzil qoʻshish» tugmasini bosib, tez-tez ishlatiladigan manzillarni qoʻshish mumkin.

5. «Ishonchnoma» boʻlimida – ochiladigan roʻyхatdan foydalaniladigan ishonchnomani tanlang:

6. Soʻngra shaklning jadval qismini toʻldiring. «+» va «Korzina» tugmalari yordamida pozitsiyalarni qoʻshish yoki olib tashlash mumkin.

7. «Umumiy masofa» va «Yetkazib berish (soʻmda)» majburiy maydonlarini koʻrsating. Agar masofa noma’lum boʻlsa, «0» belgisini qoʻying.

8. Tovarlarning «Brutto» va «Netto»sini koʻrsating.

9. Hujjatni «Hujjatni koʻrsatish» tugmasi orqali koʻrish mumkin. Hujjat «imzolanganda», «gibrid hisobvaraq-faktura» rouming markaziga oʻtadi, «saqlanganda» – qoralamalarda saqlanadi.