Ички назорат тизими қандай ташкил этилади

Тавсияда:

– ички назоратнинг вазифалари ва афзалликлари;
– ички назорат тизими таркибий қисмлари;
– ташкилотда ички назоратни ташкил этиш;
– ички аудит хизмати;
– қисқача хулоса.

Ҳар қандай ташкилотнинг фаолияти таваккалчилик билан боғлиқ: бухгалтерия, солиқ ҳисоби ва ҳисоботидаги хатолар, бизнес жараёнларини ташкил этишдаги муаммолар, ресурслардан самарасиз фойдаланиш ва б. Самарали ишлайдиган ички назорат тизими (ИНТ) ташкилот фаолиятига таваккалчиликнинг таъсирини минималлаштиришда ёрдам беради.

Ички назорат – бухгалтерия ҳисобини юритишда, молиявий ва бошқа ҳисоботларни тузишда хўжалик операцияларини амалга оширишнинг қонунийлигини, иқтисодий жиҳатдан мақсадга мувофиқлигини, активларнинг бут сақланишини таъминлаш, талон-торож қилиш ҳоллари ва хатоликларнинг олдини олиш ҳамда аниқлаш мақсадида бухгалтерия ҳисоби субъектининг раҳбари томонидан қабул қилинган ҳисоб сиёсати асосида ташкил этилган чора-тадбирлар тизимидир .

Ички назорат тизими вазифалари ва афзалликлари 

Ички назоратнинг асосий вазифаларини кўриб чиқамиз.

1. Бизнес самарадорлигини ошириш.

Таваккалчиликлар мониторинги ва таҳлили хўжалик операцияларининг норматив ҳужжатларга мувофиқлигини баҳолаш, ресурсларни талон-тарож қилиш ва улардан самарасиз фойдаланилишини аниқлаш, харажатларни назорат қилиш ва корхона рентабеллигини оширишда ёрдам беради.

Тўғри ташкил этилган ИНТ ходимлар...