CIP Incoterms® 2020 atamasi qanday talqin qilinadi

Тавсияда:

– етказиб бериш ва таваккалчилик;
– транспорт тури, қадоқлаш, маркировкалаш ва харажатлар;
– суғурта;
– етказиб бериш жойи ёки пункти;
– экспорт (импорт) тозалаш;
– шартнома тарафларининг мажбуриятлари.

Етказиб бериш ва таваккалчилик 

CIP Incoterms® 2020 (carriage and insurance paid to – ташиш ва суғурта ...гача тўланган) етказиб бериш базиси (етказиб бериш жойи кўрсатилган ҳолда) товар сотувчи билан ташиш шартномасини тузган ташувчига топширилганда, таваккалчилик харидорга ўтишини англатади. 

Товар шу тарзда харидорга етказиб берилгандан сўнг, сотувчи товар белгиланган жойга яхши ҳолатда, кўрсатилган миқдорда етиб боришига ёхуд умуман етказиб берилишига кафолат бермайди. Шунга қарамай, сотувчи товар келишилган жойгача етказиб берилган пайтдан бошлаб ташиш шартномасини тузиши шарт.