Oddiy shirkat shartnomasini qanday qilib toʻgʻri tuzish kerak

Тавсияда:

– оддий ширкат шартномасини тартибга солувчи норматив ҳужжатлар;
– оддий ширкат тушунчаси;
– оддий ширкат шартномасини тузишдан кўзланган мақсадлар;
– оддий ширкат шартномасининг ўзига хос хусусиятлари;
– шартнома тузишдан олдин маълумотларни текшириш.

Агар сиз алоҳида юридик шахс ташкил этмасдан, бирор қўшма лойиҳа учун бошқа тараф билан ресурсларни бирлаштиришни режалаштираётган бўлсангиз, оддий ширкат шартномасини қўлланг.

Тавсияда шартноманинг ҳуқуқий асослари таҳлил қилинади: ким тараф бўлишга ҳақли, қандай ҳиссалар қўшишга йўл қўйилади ва уларни қандай баҳолаш керак, иштирокчилар (шериклар) ўртасида фойда, зарар ва жавобгарлик қандай тақсимланади, шартнома бекор бўлганда нима содир бўлади.

Оддий ширкат шартномасини тартибга солувчи норматив ҳужжатлар 

Оддий ширкат шартномасини тартибга солувчи асосий норматив ҳужжатлар:

• Фуқаролик кодекси;
• Солиқ кодекси;
• «Тадбиркорлик фаолияти эркинлигининг кафолатлари тўғрисида»ги Қонун;
• «Инвестициялар ва инвестиция фаолияти тўғрисида»ги Қонун;
• «Рақобат тўғрисида»ги Қонун;
• «Бухгалтерия ҳисоби тўғрисида»ги Қонун;
• «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонун;
• Бухгалтерия ҳисобининг миллий стандартлари.

Оддий ширкат тушунчаси 

Оддий ширкат – бу икки ёки ундан ортиқ тарафнинг шартнома асосидаги ҳамкорлигидир.