Бухгалтер талабномани қандай тайёрлаши лозим

Тавсияда:

– талабнома нима, у қандай мақсадни кўзлайди;
– дебиторлик қарзи учун кимга ва қандай жавобгарлик белгиланган;
– талабнома тайёрлаш учун нималар зарур;
– талабнома суммаси нималардан ташкил топади;
– талабномани тақдим этиш ва унга жавоб олиш;
– агар талабнома сизнинг ташкилотингизга тақдим этилган бўлса нима қилиш зарур;
– талабномани сақлаш.

Талабнома нима, у қандай мақсадни кўзлайди

Ташкилотдаги талабнома ишлари бошқа ташкилотлар билан низоларни тартибга солиш, уларнинг сабабларини аниқлаш ва иложи борича низоларнинг суд муҳокамаларигача чиқишининг олдини олишга қаратилган.

Катта ҳажмдаги шартномалар айланмасига эга йирик ташкилотларда талабнома-даъво ишларини тартибга солувчи тегишли ички ҳужжатни ишлаб чиқинг. Масалан, бу талабнома-даъво ишлари тўғрисидаги низом бўлиши мумкин. Кичик ташкилотларда  бундай турдаги ишлар бўйича асосий қоидалар келтирилган эслатмаларни тасдиқлашнинг ўзи етарлидир

Бундай ички  ҳужжатлар  ташкилот раҳбарияти томонидан тасдиқланади. Акциядорлик жамиятларида низом акциядорларнинг умумий йиғилиши томонидан тасдиқланиши мумкин. Кичик ташкилот ва микрофирмаларда бундай ички ҳужжатга зарурат бўлмайди. Эслатмада кўрсатиб ўтилган бир қатор қоидалар ва амалий тавсияларга риоя этилиши етарли.

Талабнома иши бўйича асосий юклама ва жавобгарлик ташкилот юристи зиммасига тушиши лозим, бироқ амалда кичик...