17 февраль

• 2024 йил якуни ва 2025 йил январь учун ЖШДС ва ижтимоий солиқ бўйича ҳисоботни тақдим этиш ва тўлашнинг сўнгги куни.

ЖШДС солиқ тўловчига даромад тўланаётган пайтда, лекин солиқ ҳисоботини тақдим этиш муддатларидан кечиктирмай тўланади (СК 389-м. 1-қ. 2-б., СК 390-м.).

Ижтимоий солиқ ҳам солиқ ҳисоботини тақдим этиш муддатларидан кечиктирмай тўланади (СК 407-м. 4–5-қ.);

• 2024 йил якуни ва 2025 йил январь учун айланмадан олинадиган солиқ бўйича ҳисоботни тақдим этиш ва тўлашнинг сўнгги куни (қатъий суммада айланмадан солиқ тўловчилар бундан мустасно) (СК 470-м. 3–4-қ.).

Қатъий суммада айланмадан олинадиган солиқ тўловчилар ҳисобот тақдим этишдан озод қилинган (СК 470-1-м. 8-қ.). Бунда улар солиқни календарь ойидан кейинги ойнинг 15-санасидан кечиктирмай ҳар ойда тенг улушларда тўлайдилар (СК 470-1-м. 10-қ.);

•  Ўзбекистонда доимий муассасалар орқали фаолият юритмайдиган норезидентлар томонидан 2024 йил учун мол-мулк солиғини тўлашнинг сўнгги куни (СК 417-м. 10-қ.).

• 2025 йил февраль учун қатъий белгиланган миқдорда ЖШДСни тўлашнинг сўнгги куни.

Солиқотўловчилар тадбиркорлик субъекти сифатида давлат рўйхатидан ўтган ёки якка тартибдаги тадбиркор ёхуд оилавий тадбиркорлик субъекти билан меҳнат шартномаси тузган ойдан кейинги ойдан бошлаб қатъий белгиланган миқдорда ЖШДС тўлайдилар (СК 392-м. 1–2-қ.);

•  айланмадан олинадиган солиқ тўловчилар томонидан 2025 йил январь учун онлайн-НКТ чекларидаги техник хатоларни тузатишнинг сўнгги куни (23.11.2019 й. ВМҚ-943-сон 1-илова 38-1-б., СК 470-м. 3-қ.).

ҚҚС тўловчилар учун 2025 йил январь учун онлайн-НКТ чекларидаги техник хатоларни тузатишнинг сўнгги  куни – 2025 йил 20 февраль (23.11.2019 й. ВМҚ-943-сон 1-илова 38-1-б., СК 273-м. 1-қ.).