Полезное для бухгалтера в ноябре:
1 ноябрдан бошлаб электрон ҳисобварақ-фактуралар тизими барча қоидалар бўйича ишлашни бошлайди. Хусусан, сотиб олувчи томонидан ўз вақтида қабул қилинмаган ва рад этилмаган ҳисобварақ-фактураларни автотасдиқлаш функцияси ишга туширилади.
Buxgalter.uz илтимосига биноан ДСҚ ҚҚС маъмурчилиги бошқармаси бошлиғи ўринбосари Фурқат ҚЎШЧОНОВ бу ҳақда батафсил гапириб берди:
– "2020 йил 1 ноябрдан бошлаб барча ҳисобварақ-фактуралар Ҳисобварақ-фактураларнинг шакллари ҳамда уларни тўлдириш, тақдим этиш ва қабул қилиш тартиби тўғрисида низомнинг 4-7-бандларида ва 59-бандида назарда тутилган муддатларда қатъий тақдим этилиши керак.
Ҳозирги кунда, агар қандайдир сабабга кўра бу муддат ўтказиб юборилган бўлса, кечиктириб тақдим этилган ҳисобварақ-фактура битим амалга оширилган ой учун ҳисоботга киритилади. Яъни агар бухгалтер сентябрь ойи ҳисобварақ-фактурасини, масалан, 20 октябрдан кейин тақдим этган бўлса, барибир у сентябрь ойи ҳисоботига киритилади.
1 ноябрдан бошлаб муддати ўтказиб юборилган ҳисобварақ-фактуралар улар тақдим этилган ойда ҳисобга олинади. Яъни ҳисобварақ-фактура ноябрда тақдим этилган бўлса, ноябрда ҳисоб-китобларда ҳисобга олинади.
Шунингдек, 2020 йил 1 ноябрдан бошлаб ЭҲФ тизимида Ҳисобварақ-фактураларнинг шакллари ҳамда уларни тўлдириш, тақдим этиш ва қабул қилиш тартиби тўғрисида низомда назарда тутилган барча нормалар техник жиҳатдан амалга оширилади.
Масалан, Низомнинг 63-бандида шундай дейилган: “сотиб олувчи томонидан тақдим этилган пайтдан эътиборан 10 кун муддатда тасдиқланмаган ёки рад этилмаган электрон ҳисобварақ-фактура тасдиқланган ҳисобланади”. Бугунги кунда ЭҲФ тизимида ушбу муддат ўтгач кўриб чиқилмаган ҳисобварақ-фактуралар билан ҳеч нарса рўй бермайди, “уйғонган” сотиб олувчи уларни рад этишнинг техник имкониятига эга.
1 ноябрдан бошлаб бундай имконият мавжуд бўлмайди".
Олег ГАЕВОЙ тайёрлади
