ДСҚ солиқ текширувлари сони кескин ошишининг 4 та сабабини кўрсатди

Ўтган йилнинг дастлабки икки ойига нисбатан 2021 йилда худди шу давр учун солиқ текширувларининг сони деярли 5 бараварга ошди. ДСҚ департамент директори Лутфулло УМУРЗОҚОВ нима учун эканлигини тушунтирди.

- Эслатиб ўтамиз: солиқ органларида учта текширув тури мавжуд - камерал, сайёр ва солиқ аудити. 2021 йил январь-февралда Ўзбекистонда барча турдаги текширувлар сони ошди. Идора вакили қуйидаги сабабларни кўрсатди:

1. Корхонани ихтиёрий тугатиш ҳоллари сони ошди. 21.08.2019 йилдаги 704-сон ВМҚга асосида ихтиёрий тугатишда солиқ текшируви солиқ тўловчининг мурожаати асосида ўтказилади. 2020 йил январь-февралда 490 та шу каби мурожаатлар келиб тушди, 2021 йил январь-февралда эса - 4910 та (10 марта кўп).

2. Солиқ текширувлари сони жиноят ишлари доирасида ўтказиладиган солиқ аудити ҳисобига ошди. 2020 йил январь-февралда мазкур сабаб бўйича 205 та солиқ аудити ўтказилган, 2021 йил январь-февралда эса - 404 та (2 марта кўп).

3. Февралда ишга туширилган “риск-таҳлил” тизими маълумотлари ва фуқаролар мурожаатлари асосида, шу жумладан - чек бермаслик ҳолатлари бўйича сайёр солиқ текширувлари сони ошди. Жорий йилда солиқчилар 4791 та сайёр солиқ текширувларини ўтказишди, 2846 та - “риск-таҳлил” натижалари бўйича, 1010 та - фуқаролар мурожаатлари бўйича, 935 та - камерал текширув асосида. Сайёр текширувлар сони ўтган йилнинг худди шу даврига нисбатан 4 779 тага ошган.

4. Йил бошида 10 мингдан ортиқ корхоналар “нақдлаштирувчилар тўғрисидаги ишлар” доирасида текширилган.

Манбага қаранг.

Саида ЖОНИЗОҚОВА тайёрлади