2026 йил октябрь ойи учун бош бухгалтер режаси

2026 йил 26 сентябрь

Таътил мавсуми ортда қолди, учинчи чорак якунланмоқда, олдинда эса кузги ҳисобот марафони. 2026 йил октябрь ойида нималарни ва қайси муддатларда топшириш ҳамда тўлаш кераклиги, дам олиш кунлари туфайли қайси муддатлар кечиктирилгани ҳақида маълумот берамиз. Октябрь ойи тинч ва безовталиксиз ўтсин.

Эътибор беринг

Муддатлар ҳақида Телеграм-каналимизда олдиндан эслатиб ўтамиз.

Юридик шахслар учун солиқ тўловчи тақвими 2026 йил октябрь ойида бирорта ҳам назорат санасини ўтказиб юбормасликка ёрдам беради. Унда Ўзбекистондаги корхоналар учун солиқ ҳисоботи ва тўлов муддатлари батафсил баён этилган. Яна жадвал кўринишидаги қисқа шпаргалка (юклаб олиш учун) мавжуд. Унинг ёрдамида сиз солиқ тўловлари ва ҳисоботларни топширишнинг долзарб муддатларини осонгина текшира оласиз.

5 октябрь – сўнгги кун

2026 йил сентябрь ойида банклар томонидан норезидентларга тўланган даромадлар бўйича фойда солиғини тўлаш (дивидендлар ва фоизлар кўринишидаги даромадлар бундан мустасно).

8 октябрь – сўнгги кун

2026 йил сентябрь ойида натура шаклида тўланган даромадлардан ЖШДС ва шахсий жамғариб бориладиган пенсия ҳисобварағига бадаллар тўлаш .

Даромадлар натура шаклида тўланганда ҳисобланган солиқ суммаси ва шахсий жамғариб бориладиган пенсия ҳисобварағига бадаллар даромад тўланган ой тугаганидан кейин 5 кун ичида тўланади.

Тавсия

– ЖШДСни тўлаш ва ҳисоботни тақдим этиш тартиби;

– ШЖБПҲга бадалларни қандай ҳисоблаш ва тўлаш керак.

9 октябрь – сўнгги кун

Қуйидаги ҳуқуқлар учун 2026 йил октябрь ойи учун йиғимларни тўлаш :

– чакана савдо ва умумий овқатланиш корхоналари томонидан алкоголли маҳсулотларни сотиш;

– пиво ва пиво ичимликларининг чакана савдоси;

– тамаки маҳсулотларининг чакана савдоси.

Тавсия

– Алкоголли маҳсулотларни реализация қилиш ҳуқуқи учун йиғимларни қандай тўлаш керак;

– Пиво ва пиво ичимликлари билан чакана савдо қилиш ҳуқуқи учун йиғимни қандай тўлаш керак;

– Тамаки маҳсулотлари билан чакана савдо қилиш ҳуқуқи учун йиғимни қандай тўлаш керак.

10 октябрь – сўнгги кун

(10 октябрь шанба бўлгани учун 12 октябрга кўчирилди):

2026 йил сентябрь ойи учун акциз солиғи ҳисоботини тақдим этиш ва тўлаш ;

Тавсия

– Акциз солиғини қандай тўлаш ва ҳисобот топшириш керак.

Қимматли қоғозлар Марказий депозитарийси томонидан 2026 йил сентябрь ойи учун ўзи ва инвестиция воситачилари томонидан рўйхатга олинган акциялар билан боғлиқ битимлар тўғрисидаги маълумотларни тақдим этиш .;
айланмадан олинадиган солиқни тўламайдиган солиқ тўловчилар томонидан 2026 йил октябрь ойи учун мол-мулк солиғи бўйича бўнак тўловларини йиллик солиқ суммасининг 1/12 қисми миқдорида тўлаш ;

Тавсия

– Юридик шахсларнинг мол-мулк солиғини қандай ҳисоблаш керак;

– Минимал қийматни ҳисга олган ҳолда юридик шахсларнинг мол-мулкига солинадиган солиқни қандай ҳисоблаш керак;

– Мол-мулк солиғини қандай тўлаш ва ҳисоботни тақдим этиш керак.

айланмадан олинадиган солиқни тўламайдиган солиқ тўловчилар томонидан 2026 йил октябрь ойи учун қишлоқ хўжалигига мўлжалланмаган ерлар учун ер солиғини йиллик солиқ суммасининг 1/12 қисми миқдорида тўлаш ;

Тавсия

– Юридик шахслардан олинадиган ер солиғини қандай ҳисоблаш керак;

– Ер солиғини қандай тўлаш ва ҳисобот топшириш тартиби.

2026 йил сентябрь ойи учун 16 ёшгача ногиронлиги бўлган боланинг ота-онасидан бирига қўшимча дам олиш кунини тўлаш бўйича юридик шахснинг харажатларини қоплаш учун Пенсия жамғармасидан маблағлар (нафақалар) олиш учун ариза тақдим этиш .

Ота-онадан бирига ёки 16 ёшгача бўлган ногиронлиги бўлган болани тарбиялаётган ота-она ўрнини босувчи шахсга ойига қўшимча бир кун дам олиш куни берилади. Бу кун учун иш берувчи давлат ижтимоий суғуртаси маблағлари ҳисобидан бир кунлик иш ҳақи миқдорида нафақа тўлайди .

14 октябрь – сўнгги кун

I ва II тоифадаги субъектлар томонидан 2026 йилнинг III чораги учун атроф табиий муҳитни ифлослантирганлик ва чиқиндиларни жойлаштирганлик учун компенсация тўловлари ҳисоб-китобини тақдим этиш .

III ва IV тоифадаги субъектлар Ҳисоб-китобни йилига бир марта – ҳисобот йилидан кейинги йилнинг 25 январигача топширадилар.

Тавсия

– Атроф-муҳитни ифлослантирганлик ва чиқиндиларни жойлаштирганлик учун компенсация тўловларини қандай тўлаш керак.

15 октябрь – сўнгги кун

2026 йил сентябрь ойи учун реестрларни тақдим этиш ва ШЖБПҲга бадалларни тўлаш .

Тавсия

– ШЖБПҲга бадалларни қандай ҳисоблаш ва тўлаш керак.

2025 йил учун тузатишларни ҳисобга олган ҳолда жами даромади 20 млрд сўмдан ошган солиқ тўловчилар томонидан кутилаётган фойдадан келиб чиқиб, 2026 йилнинг IV чораги учун фойда солиғи бўйича бўнак тўловлари суммаси тўғрисидаги маълумотномани тақдим этиш ;

Тавсия

– Фойда солиғини тўлаш ва ҳисоботини тақдим этиш қандай амалга оширилади;

– 2026 йил сентябрь ойи учун ЖШДС ва ижтимоий солиқ ҳисоботларини тақдим этиш ва тўлаш.

ЖШДС жисмоний шахсга даромадларни тўлаш билан бир вақтда, бироқ солиқ ҳисоботини тақдим этиш муддатларидан кечиктирмай тўланади .

Ижтимоий солиқ ҳам солиқ ҳисоботини тақдим этиш муддатларидан кечиктирмай тўланади .

Тавсия

– ЖШДСни тўлаш ва ҳисоботни тақдим этиш тартиби;

– ЖШДС ва ижтимоий солиқ бўйича ҳисоботни проактив тартибда қандай тўлдириш керак;

– Мол-мулкни ижарага беришдан олинган даромадлардан ЖШДС бўйича ҳисобот проактив тартибда қандай тўлдирилади;

– ЖШДС ва ижтимоий солиқ бўйича ҳисоботни проактив тартибда тўлдиришга мисол;

– Бажарилган қурилиш ишлари бўйича иш ҳақи ҳисобланиши юзасидан маълумотномани ҳамда ЖШДС ва ижтимоий солиқ ҳисоб-китобини қандай тўлдириш керак.

солиқ тўловчилар томонидан 2026 йил сентябрь ойи учун айланмадан олинадиган солиқ бўйича ҳисобот тақдим этиш ва тўлаш ;

Тавсия

– Айланмадан олинадиган солиқни қайси муддатларда ва қандай тўлаш керак;
– Айланмадан олинадиган солиқ ҳисоб-китобини қандай тақдим этиш керак.

солиқ агентлари томонидан 2026 йил сентябрь ойи учун ЯТТ ва ўзини ўзи банд қилган шахсларнинг БҲМнинг 12 000 бараваригача бўлган даромадлари бўйича ҳисобот тақдим этилиши ва айланмадан олинадиган солиқ тўланиши ;

Эътибор беринг

2026 йил 1 июндан умумбелгиланган солиқ солиш тартибига ўтиш учун даромаднинг чекланган миқдори БҲМнинг 12 000 баравари миқдорида белгиланди .

ЯТТ ва ўзини ўзи банд қилган шахсларнинг тўлов ташкилотларининг рақамли платформалари орқали олинган товарларни (хизматларни) реализация қилишдан олинган, белгиланган чегарагача бўлган миқдордаги даромадлари бўйича тўлов ташкилотлари солиқ агенти деб эътироф этилади .

Ўзини ўзи банд қилган шахсларнинг юридик шахслардан олган даромадлари бўйича ушбу юридик шахс солиқ агенти деб эътироф этилади. Юридик шахс солиқ органларини хабардор қилиш асосида солиқни тўлов манбаида ушлаб қолади .

айланмадан олинадиган солиқ тўловчилар томонидан 2026 йил сентябрь ойи учун онлайн-НКТ чекларидаги техник хатоларни тузатиш .

Тавсия

– НКТ чекидаги хатони қандай тузатиш керак;

– Электрон ҳужжатлардаги МХИК бўйича хатоларни қандай тузатиш мумкин.

20 октябрь – сўнгги кун

2026 йил сентябрь ойи учун ҚҚС ҳисоботини тақдим этиш ва тўлаш, шу жумладан соддалаштирилган 6% ҚҚС бўйича ;

Тавсия

ҚҚС тўловчилар ва энди ҚҚС тўловчиси бўлиш арафасида турганлар учун фойдали маълумотлар:

– Товарлар ва хизматларни сотишда ҚҚСни қандай ҳисоблаш керак;

– ҚҚС тўлашга қандай ўтиш мумкин;

– Қандай қилиб ҚҚС ҳисоботини тўлдириш ва тўлаш керак.

«Соддалаштирилган» ҚҚС бўйича тавсиялар.
2026 йил сентябрь ойи учун ҚҚС тўловчи солиқ агентлари томонидан ҚҚС ҳисоботини тақдим этиш ва тўлаш :

– чет эллик шахслардан сотиб олинган товарлар (хизматлар) учун ;
– давлат мулки билан боғлиқ операцияларга, давлат мулкини, шу жумладан қишлоқ хўжалигига мўлжалланмаган бўш турган ер участкаларини мулк ҳуқуқи асосида сотиш операциялари бундан мустасно .

ҚҚСни тўламайдиган солиқ агентлари ҳисоботларни солиқ тўланган ойдан кейинги ойнинг 20-кунидан кечиктирмай тақдим этадилар .

Тавсия

– Чет эллик шахслар қачон ҚҚС тўлайди;

– Чет эллик шахслардан товарлар (хизматлар) сотиб олишда солиқ агентига ҚҚСни қандай ҳисоблаш керак;

– Давлат мулки билан боғлиқ операциялар бўйича солиқ агенти ҚҚСни қандай ҳисоблайди.

жисмоний шахсларга электрон шаклда хизматлар кўрсатувчи чет эллик юридик шахслар томонидан 2026 йилнинг III чораги учун ҳисобот тақдим этиш ва ҚҚС тўлаш .

Чет эл юридик шахслари томонидан юридик шахсларга, шу жумладан Ўзбекистонда фаолият юритувчи норезидентларга электрон хизматлар кўрсатилганда, ҚҚСни солиқ агентлари – бундай хизматларни сотиб олувчилар тўлайдилар ва ҳисобот тақдим этадилар .

2026 йилнинг III чораги учун ҳисобот тақдим этиш ва фойда солиғини тўлаш .

Бюджет ташкилотлари ва нодавлат нотижорат ташкилотлари фойда солиғи бўйича солиқ ҳисоботини фақат солиқ даври (календарь йили) якунлари бўйича тақдим этадилар, матлубот кооперативлари бундан мустасно. Агар ўтган солиқ даври якунлари бўйича солиқ тўловчининг жами даромади мавжуд бўлмаса, солиқ ҳисоботини тақдим этиш шарт эмас .

Хусусий амалиёт билан шуғулланувчи нотариуслар солиқ ҳисоботини тақдим этадилар ва фойда солиғини йилига бир марта – ўтган солиқ давридан кейинги йилнинг 1 мартидан кечиктирмай тўлайдилар;

Тавсия

– Фойда солиғи ҳисоб-китоби қандай тузилиши керак;

– Фойда солиғини тўлаш ва ҳисоботини тақдим этиш қандай амалга оширилади.

солиқ даври учун солиқ суммаси БҲМнинг 200 бараваридан ошадиган, айланмадан олинадиган солиқ тўловчиси бўлмаган юридик шахслар томонидан 2026 йил октябрь ойи учун сув ресурсларидан фойдаланганлик учун солиқ бўйича бўнак тўловларини йиллик солиқ суммасининг 1/12 қисми миқдорида тўлаш .

Солиқ даври учун айланмадан олинадиган солиқ суммаси БҲМнинг 200 бараваридан кам бўлган айланмадан олинадиган солиқни тўламайдиган юридик шахслар, шунингдек айланмадан олинадиган солиқни тўловчилар ва ЯТТлар сув ресурсларидан фойдаланганлик учун солиқ бўйича бўнак тўловларини ҳар чорак учинчи ойининг 20-кунидан кечиктирмай йиллик солиқ суммасининг 1/4 қисми миқдорида тўлайдилар;

Тавсия

– Сув ресурсларидан фойдаланганлик учун солиқ бўйича бўнак тўловларини қандай тўлаш керак.

солиқ агентлари томонидан 2026 йил сентябрь ойи учун норезидентларнинг даромад солиғи бўйича ҳисоботларни тақдим этиш .

Солиқ норезидентга даромадлар тўланган кундан кейинги кундан кечиктирмай тўланади .

Тавсия

– Норезидентларнинг даромадларидан тўлов манбаида фойда солиғини тўлаш.

солиқ агентлари томонидан 2026 йил сентябрь ойи учун дивидендлар ва фоизлар солиғи бўйича ҳисоботларни тақдим этиш .

Солиқ дивидендлар ва фоизлар тўланган санадан кечиктирмай тўланади.

Тавсия

– Дивидендлар ва фоизлар кўринишидаги даромад солиғи бўйича ҳисоботни қандай тўлдириш керак.

юридик шахслар томонидан 2026 йил июль ойи учун ер қаъридан фойдаланганлик учун ҳисобот тақдим этиш ва солиқ тўлаш ;

Тавсия

– Ер қаъридан фойдаланганлик учун солиқни ким ва қандай тўлайди;

– Ер қаъридан фойдаланганлик учун солиқ ҳисоб-китобини қандай тўлдириш керак.

2026 йилнинг III чораги учун фойдали қазилмаларни қазиб олиш бўйича махсус рента солиғи юзасидан ҳисобот тақдим этиш ва уни тўлаш (солиқ базаси – рента даромади мавжуд бўлган тақдирда) .

Рента зарари мавжуд бўлган тақдирда ҳисобот йилига бир марта, солиқ давридан кейинги йилнинг 1 мартидан кечиктирмай тақдим этилади.

Тавсия

– Фойдали қазилмаларни қазиб олганлик учун махсус рента солиғини қандай ҳисоблаш керак;

– Махсус рента солиғи қандай тўланади ва ҳисобот қандай тақдим этилади.

ҚҚС тўловчилар томонидан 2026 йил сентябрь ойи учун онлайн-НКТ чекларидаги техник хатоларни тузатиш .

Тавсия

– НКТ чекидаги хатони қандай тузатиш мумкин;

– Электрон ҳужжатлардаги МХИК бўйича хатоларни қандай тузатиш мумкин.

23 октябрь – сўнгги кун

2025 йил учун тузатишларни ҳисобга олган ҳолда жами даромади 20 млрд сўмдан ошган солиқ тўловчилар томонидан 2026 йил октябрь ойи учун фойда солиғи бўйича бўнак тўловларини тўлаш .

Агар ойлик бўнак тўлови суммаси манфий ёки нолга тенг бўлса, тегишли чоракда бўнак тўловлари тўланмайди.

Жорий чорак давомида жами даромади 20 млрд сўмдан ошган солиқ тўловчилар, шу жумладан янги ташкил этилган солиқ тўловчилар ҳар ойлик бўнак тўловларини ушбу чорак тугагандан сўнг тўлайдилар .

Тавсия

– Фойда солиғини тўлаш ва ҳисоботини тақдим этиш қандай амалга оширилади;

– Фойда солиғи бўйича ортиқча тўловни нима қилиш керак.

25 октябрь – сўнгги кун

(25 октябрь – якшанба бўлганлиги сабабли 26 октябрга кўчирилди)

2026 йил сентябрь ойи учун Пенсия жамғармасининг боқувчисини йўқотганлик, меҳнатда майибланиш ёки ходимларнинг меҳнат вазифаларини бажариши билан боғлиқ касб касаллиги оқибатида ногиронлик бўйича тайинланган пенсиялари бўйича харажатларини қоплаш учун маблағлар тўлаш .

❖

Жадвал: Юридик шахслар учун 2026 йил октябрь ойида ҳисобот ва тўловларни топшириш муддатлари

Маълумот учун:

1. Муддатлар кунларда кўрсатилган бўлса, улар қандай ҳисобланади?

Агар муддат кунларда белгиланган бўлса ва календарь кунлар назарда тутилгани тўғридан-тўғри кўрсатилмаган бўлса, у иш кунларида ҳисобланади.

Қонунчиликка мувофиқ дам олиш ва (ёки) ишланмайдиган байрам куни деб эътироф этилмайдиган кун иш куни ҳисобланади.

2. Муддатнинг охирги куни дам олиш кунига тўғри келса, нима қилиш керак?

Агар муддатнинг охирги куни қонун ҳужжатларига мувофиқ дам олиш ва (ёки) ишланмайдиган кун деб эътироф этиладиган кунга тўғри келса, дам олиш ва (ёки) ишланмайдиган кундан кейинги иш куни муддатнинг тугаш куни ҳисобланади

3. Ўзбекистонда 2026 йилда солиқлар (йиғимлар)ни тўламаганлик ва кечиктирганлик ҳамда ҳисоботларни ўз вақтида топширмаганлик учун жарималар

Солиқлар ва йиғимларни тўламаслик ёки тўлиқ тўламаслик Солиқ кодексининг 224-моддаси бўйича жавобгарликка сабаб бўлади – тўланмаган солиқ ва йиғим суммасининг 20 фоизи миқдорида жарима солинади.

Солиқлар ва йиғимларни кечиктириб тўлаганлик учун ҳар бир кечиктирилган кун учун Марказий банкнинг амалдаги қайта молиялаштириш ставкасининг 1/300 баравари миқдорида, тўланмаган солиқ суммасидан фоизларда пеня ҳисобланади.

Солиқ тўловчи томонидан хизмат кўрсатувчи банкка солиқлар ва йиғимларни тўлаш учун тўлов топшириқномасини тақдим этмаслик ёки ўз вақтида тақдим этмаслик БҲМнинг 5 баравари миқдорида жарима солишга сабаб бўлади.

Солиқ ҳисоботини ўз вақтида тақдим этмаслик (микрофирмалар ва кичик корхоналар бундан мустасно) фуқароларга БҲМнинг 1 баравари, мансабдор шахсларга эса 10 баравари миқдорида жарима солишга сабаб бўлади.

Микрофирмалар ва кичик корхоналар томонидан солиқ ҳисоботини ўз вақтида тақдим этмаслик БҲМнинг 3 баравари миқдорида жарима солишга сабаб бўлади.