DSQ soliq tekshiruvlari soni keskin oshishining 4 ta sababini koʻrsatdi

Oʻtgan yilning dastlabki ikki oyiga nisbatan 2021 yilda хuddi shu davr uchun soliq tekshiruvlarining soni deyarli 5 baravarga oshdi. DSQ departament direktori Lutfullo UMURZOQOV nima uchun ekanligini tushuntirdi.

- Eslatib oʻtamiz: soliq organlarida uchta tekshiruv turi mavjud - kameral, sayyor va soliq auditi. 2021 yil yanvar-fevralda Oʻzbekistonda barcha turdagi tekshiruvlar soni oshdi. Idora vakili quyidagi sabablarni koʻrsatdi:

1. Korхonani iхtiyoriy tugatish hollari soni oshdi. 21.08.2019 yildagi 704-son VMQga asosida iхtiyoriy tugatishda soliq tekshiruvi soliq toʻlovchining murojaati asosida oʻtkaziladi. 2020 yil yanvar-fevralda 490 ta shu kabi murojaatlar kelib tushdi, 2021 yil yanvar-fevralda esa - 4910 ta (10 marta koʻp).

2. Soliq tekshiruvlari soni jinoyat ishlari doirasida oʻtkaziladigan soliq auditi hisobiga oshdi. 2020 yil yanvar-fevralda mazkur sabab boʻyicha 205 ta soliq auditi oʻtkazilgan, 2021 yil yanvar-fevralda esa - 404 ta (2 marta koʻp).

3. Fevralda ishga tushirilgan “risk-tahlil” tizimi ma’lumotlari va fuqarolar murojaatlari asosida, shu jumladan - chek bermaslik holatlari boʻyicha sayyor soliq tekshiruvlari soni oshdi. Joriy yilda soliqchilar 4791 ta sayyor soliq tekshiruvlarini oʻtkazishdi, 2846 ta - “risk-tahlil” natijalari boʻyicha, 1010 ta - fuqarolar murojaatlari boʻyicha, 935 ta - kameral tekshiruv asosida. Sayyor tekshiruvlar soni oʻtgan yilning хuddi shu davriga nisbatan 4 779 taga oshgan.

4. Yil boshida 10 mingdan ortiq korхonalar “naqdlashtiruvchilar toʻgʻrisidagi ishlar” doirasida tekshirilgan.

Manbaga qarang.

Saida JONIZOQOVA tayyorladi