Ўзбекистонда онлайн-НКТнинг қайси моделларидан кимлар фойдаланиши мумкин

Сўнгги кунларда ижтимоий тармоқларда ва соҳага оид гуруҳларда тадбиркорларнинг улар онлайн-НКМнинг муайян русумига  ўтишга мажбурланаётганлиги юзасидан шикоятлари келиб туша бошлади. Солиқ қўмитаси муносабат билдирди: «тадбиркорлар Давлат реестрига киритилган онлайн-НКМ ёки виртуал касса моделини эркин танлашга ҳақли».

Кимлар онлайн-НКТдан фойдаланиши керак

Тўловни нақд пул ва пластик карталар орқали қабул қилувчи барча тадбиркорлик субъектлари онлайн-НКМ ёхуд виртуал кассадан фойдаланиши керак: юридик шахслар, ЯТТ, оилавий корхоналар.

Ўзини-ўзи банд қилган шахслар онлайн-НКТдан ўз хоҳишига кўра фойдаланишлари мумкин. Бироқ уларга ҳам онлайн-НКТ керак бўлиши мумкинлигини ҳисобга олиш муҳим, агар улар тўловни корпоратив карта орқали олсалар – бу ҳолатда қонунчилик касса чекини беришни талаб қилади.

Онлайн-НКТнинг қайси моделларидан фойдаланиш мумкин

Ўзбекистонда фақат белгиланган тартибда Давлат реестрига киритилган онлайн-НКМ ва виртуал кассаларни қўллашга рухсат этилади .

Давлат реестрларига қуйидаги ҳаволалар бўйича кириш мумкин:

• Онлайн-НКМ Давлат реестри;
• Виртуал кассалар Давлат реестри;
• Техник хизмат кўрсатиш марказлари Давлат реестри.

Buxgalter Proдаги тавсиялар сизга мураккаб масалалар бўйича жавоб топишда ёрдам беради:

 

• Назорат-касса техникасини кимлар қўллаши керак
• Онлайн-НКТни қандай танлаш ва уни солиқ органида қандай рўйхатдан ўтказиш керак
• Онлайн-НКМ (виртуал касса) билан қандай манзил бўйича ишлаш керак
• Қачон ва қайси турдаги онлайн НКТ тизими чекини харидорга бериш керак

 

 

Қуйидагилар:

• Давлат реестрига киритилмаган,
• касса чекларида Маҳсулотлар ягона электрон миллий каталоги идентификациялаш кодлари акс эттирилмайдиган,
• штрих-кодлар ва рақамли маркировка белгиларини эркин ўқиш қурилмалари ва сканерларни улаш имкониятига эга бўлмаган онлайн-НКМ ва виртуал кассалардан фойдаланишга йўл қўйилмайди.

Тадбиркорлар Давлат реестрига киритилган онлайн-НКМ ёки виртуал кассалар орасидан қиймати, ишлаши, фойдаланишдаги қулайлиги ва бошқа хусусиятларидан келиб чиққан ҳолда унинг моделини эркин танлашга ҳақли.

Агар сиз солиқ органлари ходимларининг муайян онлайн-НКТдан фойдаланишга мажбурлашига дуч келсангиз, бу ҳақда @dsq_anticorrupciya_bot махсус Telegram-бот орқали хабар беринг.