Иш берувчи ходим билан меҳнат шартномасини тарафларнинг келишувига кўра қачон бекор қила олади

 Тавсияда:

– тарафларнинг келишувига кўра ишдан бўшатишнинг ўзига хос хусусиятлари;
– тарафларнинг келишувига кўра ишдан бўшатишдан иш берувчи кўрадиган наф;
– тарафларнинг келишувига кўра ишдан бўшатишнинг самарадорлигига оид вазиятлар;
– тарафларнинг келишувига кўра ишдан бўшатишнинг мақсадга мувофиқлиги борасида ходим учун далиллар.

Тарафларнинг келишувига кўра ишдан бўшатишнинг қандай ўзига хос хусусиятлари мавжуд 

Тарафларнинг келишуви – ходим билан меҳнатга оид муносабатларни бекор қилиш учун алоҳида асос . Меҳнат шартномасини ушбу асосга кўра бекор қилиш учун ходим ва иш берувчи меҳнатга оид муносабатларни бекор қилишнинг барча муҳим жиҳатлари юзасидан келишиб оладилар. Улар қуйидагилар бўлиши мумкин:

• меҳнат шартномаси бекор қилинадиган сана;
• якунланиши керак бўлган ишлар рўйхати;
• янги ходимни ўқитиш;
• ишларни бошқа ходимга топшириш тартиби;
• компенсация тўловлари ва ҳ.к.