Полезное для бухгалтера в ноябре:
ҚҚС бўйича имтиёзларнинг бекор қилиниши: тез-тез бериладиган 3 та саволга жавоблар
2024 йил 1 апрелдан бошлаб айрим товарлар ва хизматларга нисбатан ҚҚС бўйича имтиёзлар бекор қилинди ва энди уларга 12% ставка бўйича солиқ солинади. Солиқ қўмитасининг мутахассислари энг кўп бериладиган 3 та саволга жавоб беришди.
Телеграм-каналда материалларимизни кузатиб боринг.
– Бекор қилинган имтиёзлар МХИК бўйича берилган. 1 апрель ҳолатига кўра электрон ҳисобварақ-фактуралар ва онлайн-НКТ тизимини қайта созлашни амалга ошириш керакмиди? Агар қайта созлаш ўз вақтида амалга оширилмаган бўлса, ҳозир нима қилиш керак?
– Ҳа, бекор қилинган имтиёзлар МХИК бўйича берилган, уларнинг қўлланилиши энг юқори даражада автоматлаштирилган эди ва қўллашнинг асосий шартларидан бири – тўғри МХИКдан фойдаланиш бўлган. 1 апрелдан бошлаб имтиёзлар бекор қилинди, бироқ МХИК аввалгидек қолдирилди. Яъни, энди ушбу товарлар ва хизматларга автоматик тарзда 12% ставка бўйича ҚҚС солинади.
Ҳисобварақ-фактураларда тегишли МХИК кўрсатилганда энди “имтиёз” устуни тўлдирилмасдан қолдирилади, “ҚҚС ставкаси” устунида эса автоматик тарзда 12% акс эттирилади ва тегишинча ушбу кўрсаткичларга боғлиқ бўлган бошқа устунлар тўлдирилади.
Онлайн-НКТ билан боғлиқ вазият ўзгача – бу ерда қайта созлаш лозим. Чекларда илгаригидек “ҚҚСсиз” ёки “0%” эмас, балки 12% ҚҚС ставкаси акс эттирилиши лозим.
Сиз ҳануз керакли созламаларни амалга оширмаган бўлсангиз:
- буни имкон қадар тезроқ амалга оширинг, акс ҳолда бутун апрель ойи учун ҳисобварақ-фактуралар ва чекларга тузатиш киритишга тўғри келади;
- 1 апрелдан бошлаб 12% ставка бўйича ҚҚС ҳисобга олинмаган ҳолда расмийлаштирилган чеклар ва ҳисобварақ-фактураларга тузатиш киритинг.
❖
Аввал биз ўлчов бирлигидаги хато мисолида онлайн-НКТ чекини қандай тузатишни тушунтирган эдик, ҚҚСни тузатишда ҳам шу қоидаларни қўллаш мумкин.
– 2024 йил 1 апрелдан бошлаб имтиёз бекор қилинган товарлар қолдиқларини реализация қилишда ЭҲФни қандай тўғри расмийлаштириш керак?
– Агар 2024 йил 1 апрель ҳолатига кўра ташкилотда ҚҚС бўйича имтиёз бекор қилинган товарлар қолдиқлари мавжуд бўлса, ушбу товарларни реализация қилишда ЭҲФ ҚҚС билан расмийлаштирилади 
.
Собиқ имтиёзга эга бўлганлар билан ҳисоб-китобларнинг ўзига хос жиҳатларини тушунишга қуйидаги тавсиялар ёрдам беради:
- Товар ва хизматлар реализация қилинганда ҚҚС қандай ҳисобланади;
- ҚҚС бўйича солиқ базасига қачон тузатиш киритиш мумкин;
- Товарлар импортида ҚҚС;
- Солиқ солинадиган ва озод этилган айланма мавжуд бўлганда ҚҚС қандай ҳисобга олинади;
- Ҳисобга олиш учун қабул қилинган ҚҚСга қандай қилиб тузатиш киритиш мумкин.
– Агар 2024 йил 1 апрель ҳолатига кўра товарлар имтиёзсиз (ҚҚС билан) кирим қилинган бўлса, товарлар қолдиқлари бўйича ҚҚС суммасини ҳисобга олиш мумкинми?
– Ҳа, мумкин. ҚҚС бўйича имтиёз бекор қилинган тақдирда солиқ тўловчи имтиёз бекор қилинган санада балансда мавжуд бўлган ТМЗ қолдиқлари бўйича ҚҚС суммаларини ҳисобга олишга ҳақли .
Buxgalter PROда экспертлар тушунтиришди:
