Ўзбекистон Республикаси Президентининг 27.12.2024 й. ПФ-230-сон "Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси фаолиятининг такомиллаштирилиши муносабати билан Ўзбекистон Республикаси Президентининг айрим ҳужжатларига ўзгартиришлар киритиш тўғрисида"ги Фармони

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

27.12.2024 й.

N ПФ-230

ЎЗБЕКИСТОН РЕСПУБЛИКАСИ СОҒЛИҚНИ

САҚЛАШ ВАЗИРЛИГИ ҲУЗУРИДАГИ САНИТАРИЯ-

ЭПИДЕМИОЛОГИК ОСОЙИШТАЛИК ВА ЖАМОАТ

САЛОМАТЛИГИ    ҚЎМИТАСИ    ФАОЛИЯТИНИНГ

ТАКОМИЛЛАШТИРИЛИШИ МУНОСАБАТИ БИЛАН

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

АЙРИМ ҲУЖЖАТЛАРИГА ЎЗГАРТИРИШЛАР

КИРИТИШ ТЎҒРИСИДА

Ўзбекистон Республикаси Президентининг 2023 йил 25 январдаги "Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида"ги ПФ-14-сон Фармонига мувофиқ:

1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартиришлар киритилсин:

Санитария-эпидемиологик осойишталик ва жамоат саломатлиги хизматининг Санитария-эпидемиологик осойишталик ва жамоат саломатлиги қўмитаси деб номланиши;

Санитария-эпидемиологик осойишталик ва жамоат саломатлиги қўмитаси тизимида Санитария-эпидемиологик осойишталик ва жамоат саломатлиги соҳасида кадрларни қайта тайёрлаш ва уларнинг малакасини ошириш марказининг ташкил этилганлиги муносабати билан қонунчилик ҳужжатларини ўзаро мувофиқлаштириш.

2. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти                                   Ш. Мирзиёев

Ўзбекистон Республикаси

Президентининг

2024 йил 27 декабрдаги

ПФ-230-сон Фармонига

ИЛОВА

Ўзбекистон Республикаси

Президентининг айрим ҳужжатларига

киритилаётган ўзгартиришлар

1. Ўзбекистон Республикаси Президентининг 2020 йил 25 июлдаги "Коронавирус пандемиясини юмшатиш, аҳолининг санитария-эпидемиологик осойишталиги ва саломатлигини сақлаш тизимини тубдан такомиллаштириш чора-тадбирлари тўғрисида"ги ПФ-6035-сон Фармонида:

а) 3-банд қуйидаги таҳрирда баён этилсин:

"3. Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси (кейинги ўринларда - Санэпидқўм), унинг ҳудудий бошқармалари ва туман (шаҳар) бўлимлари ташкил этилсин.

Белгилансинки, Санэпидқўм унинг тузилмасига кирувчи ташкилотлар билан бирга яхлит тизимни ташкил қилади";

б) 4-банддаги тегишли келишикдаги "Санитария-эпидемиология хизмати" сўзлари тегишли келишикдаги "Санэпидқўм" қисқартмаси билан алмаштирилсин;

в) 5-бандда:

"а" кичик банддаги тегишли келишикдаги "Санитария-эпидемиология хизмати" сўзлари тегишли келишикдаги "Санэпидқўм" қисқармаси билан алмаштирилсин;

"б" кичик банддаги "Санитария-эпидемиология хизматига" сўзлари "Санэпидқўмга" қисқартмаси билан алмаштирилсин;

"в" кичик банддаги "Санитария-эпидемиология хизмати" сўзлари "Санэпидқўм" қисқартмаси билан алмаштирилсин;

г) 7-банднинг иккинчи хатбошисидаги "Санитария-эпидемиология хизмати" сўзлари "Санэпидқўм" қисқартмаси билан алмаштирилсин;

д) 8-бандда:

иккинчи, тўртинчи ва бешинчи хатбошилардаги "Санитария-эпидемиология хизмати" сўзлари "Санэпидқўм" қисқартмаси билан алмаштирилсин;

учинчи хатбоши қуйидаги таҳрирда баён этилсин:

"Санэпидқўмнинг бошқарув функцияларини амалга ошириш билан боғлиқ харажатларини қоплаш";

е) 12-бандда:

биринчи ва учинчи хатбошилардаги тегишли келишикдаги "Санитария-эпидемиология хизмати" сўзлари тегишли келишикдаги "Санэпидқўм" қисқартмаси билан алмаштирилсин.

2. Ўзбекистон Республикаси Президентининг 2021 йил 2 июндаги "Техник жиҳатдан тартибга солиш соҳасида давлат бошқарувини тубдан такомиллаштириш тўғрисида"ги ПФ-6240-сон Фармонининг 15-банди бешинчи хатбошисидаги "Санитария-эпидемиологик осойишталик ва жамоат саломатлиги хизмати бошлиғи" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин.

3. Ўзбекистон Республикаси Президентининг 2022 йил 17 майдаги "Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида"ги ПФ-136-сон Фармони 2-бандининг иккинчи хатбошисидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

4. Ўзбекистон Республикаси Президентининг 2022 йил 9 ноябрдаги ПФ-244-сон Фармони билан тасдиқланган Тадбиркорлик субъектлари учун тартибга солиш юкини камайтириш бўйича ишчи гуруҳ таркибининг 12-бандидаги "Санитария-эпидемиологик осойишталик ва жамоат саломатлиги хизмати бошлиғи" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин.

5. Ўзбекистон Республикаси Президентининг 2023 йил 6 сентябрдаги "Соғлиқни сақлаш вазирлиги фаолиятини янада такомиллаштириш чора-тадбирлари тўғрисида"ги ПФ-156-сон Фармонининг 8-банди қуйидаги таҳрирда баён этилсин:

"8. Қуйидагилар 2024 йил 1 январдан Тиббиётни ривожлантириш жамғармаси маблағларини шакллантириш манбалари этиб белгилансин:

а) Давлат бюджетидан ҳар йили ажратиладиган 350 миллиард сўм миқдоридаги маблағлар;

б) спинал мушак атрофияси ташхиси қўйилган болаларга тиббий-ижтимоий ёрдам кўрсатиш ва дори воситаларини бепул етказиб бериш харажатлари учун Давлат бюджетидан ажратиладиган маблағлар;

в) иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш учун Давлат бюджетидан ҳар йили ажратиладиган 50 миллиард сўм миқдоридаги маблағлар;

г) Соғлиқни сақлаш вазирлиги тизимидаги муассасалар ва ташкилотларнинг бўш турган бинолари, кўчмас мулк объектлари ва ер участкаларини оммавий савдолар (аукцион)да сотишдан тушадиган маблағларнинг Давлат бюджетига ўтказиладиган қисмининг 50 фоизи. Бунда тушумлар қуйидаги улушларда тақсимланади:

46 фоизи - Ўзбекистон Республикасининг Давлат бюджетига;

46 фоизи - Тиббиётни ривожлантириш давлат мақсадли жамғармасига;

5 фоизи - Давлат активларини бошқариш, трансформация ва хусусийлаштириш жамғармасига;

3 фоизи - Спортни қўллаб-қувватлаш жамғармасига;

д) Соғлиқни сақлаш вазирлиги тизимидаги муассаса ва ташкилотларнинг мол-мулкини ижарага беришдан тушадиган тушумларнинг маҳаллий бюджетларга ўтказиладиган қисмининг 100 фоизи. Бунда тушумлар қуйидаги улушларда тақсимланади:

40 фоизи - давлат мулкини балансда сақловчига;

25 фоизи - Тиббиётни ривожлантириш давлат мақсадли жамғармасига;

20 фоизи - Давлат мулки объектларидан самарали фойдаланиш марказига;

е) халқаро молия институтларининг, ҳукумат ва ноҳукумат ташкилотларнинг грантлари ва техник кўмак маблағлари;

ж) Ғазначилик хизмати қўмитаси томонидан Тиббиётни ривожлантириш давлат мақсадли жамғармасининг вақтинча бўш турган маблағларини тижорат банклари депозитларига жойлаштиришдан олинадиган даромадлар;

з) жисмоний ва юридик шахсларнинг ҳомийлик хайриялари;

и) қонунчилик ҳужжатларида тақиқланмаган бошқа манбалар".

6. Ўзбекистон Республикаси Президентининг 2024 йил 12 августдаги "Иш ҳақи, пенсиялар ва нафақалар миқдорини ошириш тўғрисида"ги ПФ-108-сон Фармонининг 2-банди иккинчи хатбошисидаги "бюджет ташкилотларида ишловчи тиббиёт ходимлари" сўзлари "бюджет ташкилотларида ишловчи тиббиёт ва фармацевтика ходимлари" сўзлари билан алмаштирилсин.

7. Ўзбекистон Республикаси Президентининг 2005 йил 1 декабрдаги "Тиббиёт ходимлари меҳнатига ҳақ тўлаш тизимини такомиллаштириш тўғрисида"ги ПҚ-229-сон қарорининг 3-банди иккинчи хатбошисидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

8. Ўзбекистон Республикаси Президентининг 2010 йил 8 январдаги "Республика солиқ органлари тизимини янада модернизация қилиш чора-тадбирлари тўғрисида"ги ПҚ-1257-сон қарорининг 3-банди иккинчи хатбошисидаги "Соғлиқни сақлаш вазирлигининг санитария-эпидемиология хизмати органларига" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси органларига" сўзлари билан алмаштирилсин.

9. Ўзбекистон Республикаси Президентининг 2018 йил 25 декабрдаги ПҚ-4076-сон қарори билан тасдиқланган Ўзбекистон Республикаси Қуролли Кучларида тинчлик ва уруш даврида тиббий кўрикдан ўтказиш тўғрисидаги низомда:

а) 21-банднинг "а" кичик бандидаги "санитария-эпидемиологик осойишталик ва жамоат саломатлиги хизматининг" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг" сўзлари билан алмаштирилсин;

б) 104-банднинг тўртинчи хатбошисидаги "санитария-эпидемиологик осойишталик ва жамоат саломатлиги хизматининг" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг" сўзлари билан алмаштирилсин.

10. Ўзбекистон Республикаси Президентининг 2020 йил 27 июлдаги "Ўзбекистон Республикаси Санитария-эпидемиологик осойишталик ва жамоат саломатлиги хизмати фаолиятини ташкил қилиш чора-тадбирлари тўғрисида"ги ПҚ-4790-сон қарорида:

а) номланишидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин;

б) 1-банднинг биринчи хатбошисидаги "Санитария-эпидемиологик осойишталик ва жамоат саломатлиги хизматининг (кейинги ўринларда - Санитария-эпидемиология хизмати)" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг (кейинги ўринларда - Санэпидқўм)" сўзлари билан алмаштирилсин;

в) 2-банднинг биринчи ва тўққизинчи хатбошиларидаги "Санитария-эпидемиология хизмати" сўзлари "Санэпидқўм" қисқартмаси билан алмаштирилсин;

г) 3-банд ҳамда 1 - 3-иловалар ўз кучини йўқотган деб ҳисоблансин;

д) 4-банд қуйидаги таҳрирда баён этилсин:

"4. Белгилаб қўйилсинки:

Санэпидқўм аҳолининг санитария-эпидемиологик осойишталиги ва жамоат саломатлиги соҳасида тармоқ фаолиятини мувофиқлаштирувчи ва тартибга солувчи ҳамда тизимдаги раҳбарий фаолиятни коллегиал асосда ташкил этадиган, шунингдек, Соғлиқни сақлаш вазирлигининг ташкилий бўйсунувида фаолият юритадиган республика ижро этувчи ҳокимият органи ҳисобланади;

Санэпидқўм Соғлиқни сақлаш вазирлигининг таркибига киради, Санэпидқўмнинг раиси бир вақтнинг ўзида Бош давлат санитария врачи ҳисобланади;

Санэпидқўмнинг туман (шаҳар) бўлимлари ўз фаолиятида тегишинча Санэпидқўмнинг Қорақалпоғистон Республикаси, вилоятлар ва Тошкент шаҳар бошқармаларига, Санэпидқўмнинг Қорақалпоғистон Республикаси, вилоятлар ва Тошкент шаҳар бошқармалари эса - Санэпидқўмга бевосита бўйсунадилар ва уларнинг олдида ҳисобдордир;

Санэпидқўм ва унинг ҳудудий бўлинмалари ўз ваколатларини барча давлат органлари ва ташкилотлари, уларнинг мансабдор шахсларидан мустақил равишда амалга оширадилар;

Санэпидқўм раиси Ўзбекистон Республикаси Президенти томонидан, унинг ўринбосарлари эса соғлиқни сақлаш вазирининг тақдимномасига кўра Вазирлар Маҳкамаси томонидан лавозимга тайинланади ва лавозимидан озод этилади;

Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази Эпидемиология, микробиология ва юқумли касалликлар илмий тадқиқот институти негизида ташкил этилади;

Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази барча давлат юқумли касалликлар шифохоналари ва диспансерлари ҳамда давлат тиббиёт ташкилотларининг юқумли касалликлар бўлинмалари фаолиятига ташкилий-методик раҳбарликни амалга оширади;

Вирусология илмий-тадқиқот институти юридик шахс мақоми сақланган ҳолда - Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт марказининг ташкилий тузилмасига киради;

Вирусология илмий-тадқиқот институти директори бир вақтнинг ўзида Республика ихтисослаштирилган эпидемиология, микробиология, юқумли ва паразитар касалликлар илмий-амалий тиббиёт маркази директорининг биринчи ўринбосари ҳисобланади;

Миллий референс лаборатория Лаборатория комплекси негизида ташкил қилинади. Бунда Миллий референс лабораторияни молиялаштиришнинг амалдаги тартиби сақлаб қолинади ва у республика ҳудудидаги барча санитария-гигиена, радиология, токсикология, бактериология, паразитология ҳамда вирусология лабораториялари натижаларини мувофиқлаштиради ва уларга амалий-услубий ёрдам кўрсатади";

е) 6-бандда:

биринчи хатбошидаги "Санитария-эпидемиология хизмати бошлиғига" сўзлари "Санэпидқўм раисига" сўзлари билан алмаштирилсин;

иккинчи хатбошидаги "Санитария-эпидемиология хизмати" сўзлари "Санэпидқўм" қисқартмаси билан алмаштирилсин;

учинчи хатбоши қуйидаги таҳрирда баён этилсин:

"Санэпидқўм фаолиятини самарали ташкил этиш, унга юклатилган вазифаларни ўз вақтида ва сифатли амалга ошириш учун бюджетдан ташқари маблағлар ҳисобидан маҳаллий ва хорижий институтлар, компаниялар, мутахассислар ва экспертларни, шу жумладан, шартнома асосида жалб қилиш ҳуқуқи берилсин";

ж) 10-банддаги "Санитария-эпидемиология хизмати" сўзлари "Санэпидқўм" қисқартмаси билан алмаштирилсин.

11. Ўзбекистон Республикаси Президентининг 2020 йил 10 ноябрдаги "Аҳолининг соғлом овқатланишини таъминлаш бўйича қўшимча чора-тадбирлар тўғрисида"ги ПҚ-4887-сон қарорида:

а) 1-илованинг 45-позицияси "Ижро учун масъуллар" устунидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин;

б) 5-илованинг 5-позицияси "Вилоят даражасида" ва "Туман (шаҳар) даражасида" устунларидаги "санитария-эпидемиология хизматининг" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг" сўзлари билан алмаштирилсин.

12. Ўзбекистон Республикаси Президентининг 2020 йил 12 ноябрдаги "Тиббий профилактика ишлари самарадорлигини янада ошириш орқали жамоат саломатлигини таъминлашга оид қўшимча чора-тадбирлар тўғрисида"ги ПҚ-4891-сон қарорида:

а) 1-илованинг 19-бандидаги "Санитария-эпидемиологик осойишталик ва жамоат саломатлиги хизмати бошлиғи" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин;

б) 2-илованинг 8-позицияси "Ташкилот" устунидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

13. Ўзбекистон Республикаси Президентининг 2020 йил 25 ноябрдаги "Биотехнологияларни ривожлантириш ва мамлакатнинг биологик хавфсизлигини таъминлаш тизимини такомиллаштириш бўйича комплекс чора-тадбирлар тўғрисида"ги ПҚ-4899-сон қарорига 3-илованинг йигирма биринчи хатбошисидаги "Санитария-эпидемиологик осойишталик ва жамоат саломатлиги хизмати бошлиғи" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин.

14. Ўзбекистон Республикаси Президентининг 2021 йил 25 майдаги "Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида"ги ПҚ-5124-сон қарорининг 14-банди саккизинчи хатбошисидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

15. Ўзбекистон Республикаси Президентининг 2021 йил 16 июндаги "Аҳолининг жисмоний тайёргарлик даражасини баҳолаш тизимини жорий этишнинг ташкилий чора-тадбирлари тўғрисида"ги ПҚ-5148-сон қарорининг 7-банди "г" кичик бандидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

16. Ўзбекистон Республикаси Президентининг 2022 йил 26 январдаги ПҚ-102-сон қарори билан тасдиқланган 2022-2024 йилларда республика аҳолисига эндокринология ёрдами кўрсатишни ривожлантириш дастурининг 25-позицияси "Ижрочилар" устунидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

17. Ўзбекистон Республикаси Президентининг 2022 йил 16 майдаги "Айрим долзарб вирусли инфекциялар тарқалишига қарши курашиш чора-тадбирларини такомиллаштириш тўғрисида"ги ПҚ-243-сон қарорида:

а) 13-банддаги "Санитария-эпидемиологик осойишталик ва жамоат саломатлиги хизмати раҳбари" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин;

б) 1-иловада:

4-позициянинг "Чора-тадбирлар" устунидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин;

9, 10, 13, 14 ва 19-позицияларнинг "Масъул ижрочилар" устунидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин;

16-позицияда:

"Чора-тадбирлар" устунидаги "Санитария-эпидемиологик осойишталик ва жамоат саломатлиги хизматида" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасида" сўзлари билан алмаштирилсин;

"Амалга ошириш механизми" устуни 1-бандидаги "Санитария-эпидемиологик осойишталик ва жамоат саломатлиги хизматининг" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг" сўзлари билан алмаштирилсин.

18. Ўзбекистон Республикаси Президентининг 2022 йил 11 августдаги "Санитар тозалаш ишларини ташкил этиш ва аҳоли пунктларида тозаликни таъминлаш бўйича қўшимча чора-тадбирлар тўғрисида"ги ПҚ-349-сон қарорига 10-илованинг ўн иккинчи хатбошисидаги "Санитария-эпидемиологик осойишталик ва жамоат саломатлиги хизмати раҳбари" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин.

19. Ўзбекистон Республикаси Президентининг 2022 йил 18 ноябрдаги "Болаларнинг дам олишларини тизимли ташкил этиш ва соғломлаштириш ишларини янада такомиллаштиришга доир қўшимча чора-тадбирлар тўғрисида"ги ПҚ-427-сон қарорига 3-илованинг "2-ишчи гуруҳ. "Болаларга малакали тиббий хизмат кўрсатиш, оромгоҳларда озиқ-овқат маҳсулотлари сифатини, санитария-гигиена талабларига риоя этилишини назорат қилиш" бўлими тўртинчи хатбошисидаги "Санитария-эпидемиологик осойишталик ва жамоат саломатлиги хизмати бошлиғи" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси" сўзлари билан алмаштирилсин.

20. Ўзбекистон Республикаси Президентининг 2023 йил 20 январдаги ПҚ-14-сон қарори билан тасдиқланган Аҳоли орасида ОИВ инфекцияси тарқалишига қарши курашиш самарадорлигини оширишга доир 2023-2027 йилларга мўлжалланган комплекс чора-тадбирлар дастурининг 13 ва 15-позициялари "Масъул ижрочилар" устунидаги "Санитария-эпидемиологик осойишталик ва жамоат саломатлиги хизмати" сўзлари "Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси" сўзлари билан алмаштирилсин.

21. Ўзбекистон Республикаси Президентининг 2023 йил 20 июндаги "Маъмурий ислоҳотлар доирасида соғлиқни сақлаш соҳасида давлат бошқарувини самарали ташкил қилиш чора-тадбирлари тўғрисида"ги ПҚ-197-сон қарорига 4-илованинг матни қуйидаги таҳрирда баён этилсин:

"Ўзбекистон Республикаси

Соғлиқни сақлаш вазирлиги ҳузуридаги

Санитария-эпидемиологик осойишталик ва

жамоат саломатлиги қўмитасининг

ТАШКИЛИЙ ТУЗИЛМАСИ

         

          

*) Ҳар бир туман (шаҳар)да биттадан бирлик".

        

               

Қонун ҳужжатлари маълумотлари миллий базаси (www.lex.uz),

2024 йил 30 декабрь