31-гуруҳ. Ўғитлар

31-ГУРУҲ

ЎҒИТЛАР

Изоҳлар:

1. Ушбу гуруҳга қуйидагилар киритилмайди:

(а) 0511-товар позициясидаги ҳайвонлар қони;

(б) маълум кимёвий таркибга эга бўлган алоҳида бирикмалар (2 (а), 3 (а), 4 (а) ёки 5-бандларда кўрсатилганлар бундан мустасно); ёки

(в) 3824-товар позицияси киритиладиган, ҳар бирининг оғирлиги 2,5 г дан кам бўлмаган, калий хлориднинг сунъий равишда ўстирилган кристаллари (оптик элементлардан ташқари); калий хлориднинг оптик элементлари (9001 товар позицияси).

2. 3102-товар позициясига фақат қуйидаги маҳсулотлар киради: агар улар 3105-товар позициясида назарда тутилган ўрамлар ёки шаклларига қадоқланмаган бўлса:

(а) қуйида келтирилган тавсифларнинг бирига ёки бошқасига мос келадиган маҳсулотлар:

(i) натрий нитрати, қўшимча аралашмалар билан ёки қўшимча аралашмаларсиз;

(ii) аммоний нитрати, қўшимча аралашмалар билан ёки қўшимча аралашмаларсиз;

(iii) аммоний сульфати ва аммоний нитратининг қўш тузлари, қўшимча аралашмалар билан ёки қўшимча аралашмаларсиз;

(iv) аммоний сульфати, қўшимча аралашмалар билан ёки қўшимча аралашмаларсиз;

(v) қўш тузлар (қўшимча аралашмалар билан ёки қўшимча аралашмаларсиз) ёки кальций нитрати ва аммоний нитрати аралашмалари;

(vi) қўш тузлар (қўшимча аралашмалар билан ёки қўшимча аралашмаларсиз) ёки кальций нитрати ва магний нитрати аралашмалари;

(vii) қўшимча аралашмалар билан ёки қўшимча аралашмаларсиз, ёғ билан ишлов берилган ёки ишлов берилмаган кальций цианамиди;

(viii) қўшимча аралашмалар билан ёки қўшимча аралашмаларсиз, мочевина (карбамид);

(б) 2 (а) изоҳида кўрсатилган ҳар қандай моддаларнинг аралашмаларидан ташкил топган ўғитлар;

(в) аммоний хлоридидан таркиб топган ёки 2 (а) ёки 2 (б) изоҳларда кўрсатилган, ўғит бўлмаган бўр, гипс ёки бошқа ноорганик моддалар билан аралаштирилган ҳар қандай бошқа моддадан иборат бўлган ўғитлар;

(г) 2 (а) (ii) ёки 2 (а) (viii) изоҳларида кўрсатилган маҳсулотлардан ёки ушбу маҳсулотларнинг сувли ёки аммиак эритмасидаги аралашмаларидан ташкил топган суюқ ўғитлар.

3. 3103-маҳсулот позицияга фақат қуйидаги маҳсулотлар киради‚ агар улар 3105-товар позицияда назарда тутилган шакллар ёки ўрамларга қадоқланмаган бўлса:

(а) қуйида келтирилган тавсифлардан бирига ёки бошқасига мос келадиган маҳсулотлар:

(i) асосий шлак;

(ii) кальцинацияланган ёки қўшимча аралашмаларни олиб ташлаш учун зарур бўлгандан юқорироқ ҳароратда ишлов берилган, 2510-товар позициясидаги табиий фосфатлар;

(iii) суперфосфатлар (оддий, икки ёки уч ҳиссали);

(iv) қуруқ сувсиз маҳсулотга қайта ҳисобланганда фторнинг камида 0,2% масса улушини ўз ичига олган кальций водородфосфати;

(б) 3(а) изоҳда кўрсатилган ҳар қандай маҳсулотларнинг аралашмаларидан ташкил топган ўғитлар, лекин фторнинг максимал миқдорини ҳисобга олмаганда;

(в) 3 (а) ёки 3 (б) изоҳларда кўрсатилган ҳар қандай маҳсулотлардан ташкил топган, лекин фторнинг максимал миқдорини ҳисобга олмаган, ўғит бўлмаган бўр, гипс ёки бошқа ноорганик моддалар билан аралаштирилган ўғитлар.

4. 3104-товар позицияга фақат қуйидаги маҳсулотлар киради: агар улар 3105-товар позициясида назарда тутилган шакллар ёки ўрамларга қадоқланмаган бўлмаса:

(а) қуйидаги тавсифлардан бирига ёки бошқасига мос келадиган маҳсулотлар:

(i) ишлов берилмаган калий тузлари (масалан, карналлит, каинит ва сильвит);

(ii) калий хлориди, қўшимча аралашмалар билан ёки қўшимча аралашмаларсиз, юқоридаги 1 (в) изоҳда кўрсатилганлар бундан мустасно;

(iii) калий сульфати, қўшимча аралашмалар билан ёки қўшимча аралашмаларсиз;

(iv) калий-магний сульфати, қўшимча аралашмалар билан ёки қўшимча аралашмаларсиз;

(б) юқорида 4(а) изоҳда кўрсатилган ҳар қандай моддалар аралашмасидан ташкил топган ўғитлар.

5. Аммоний диводородфосфат (моноаммоний фосфат) ва диаммоний водород фосфат (диаммоний фосфат), қўшимча аралашмалар билан ёки қўшимча аралашмаларсиз, шунингдек уларнинг аралашмалари 3105-товар позициясига киритилиши керак.

6. 3105-товар позициясида "бошқа ўғитлар" атамаси фақат ўғит сифатида ишлатиладиган ва асосий таркибий қисм сифатида қуйидаги озуқавий моддалардан камида биттасини ўз ичига олган маҳсулотларни англатади: азот, фосфор ёки калий.