31-guruh. Oʻgʻitlar

31-GURUH

OʻGʻITLAR

Izohlar:

1. Ushbu guruhga quyidagilar kiritilmaydi:

(a) 0511-tovar pozitsiyasidagi hayvonlar qoni;

(b) ma’lum kimyoviy tarkibga ega boʻlgan alohida birikmalar (2 (a), 3 (a), 4 (a) yoki 5-bandlarda koʻrsatilganlar bundan mustasno); yoki

(v) 3824-tovar pozitsiyasi kiritiladigan, har birining ogʻirligi 2,5 g dan kam boʻlmagan, kaliy хloridning sun’iy ravishda oʻstirilgan kristallari (optik elementlardan tashqari); kaliy хloridning optik elementlari (9001 tovar pozitsiyasi).

2. 3102-tovar pozitsiyasiga faqat quyidagi mahsulotlar kiradi: agar ular 3105-tovar pozitsiyasida nazarda tutilgan oʻramlar yoki shakllariga qadoqlanmagan boʻlsa:

(a) quyida keltirilgan tavsiflarning biriga yoki boshqasiga mos keladigan mahsulotlar:

(i) natriy nitrati, qoʻshimcha aralashmalar bilan yoki qoʻshimcha aralashmalarsiz;

(ii) ammoniy nitrati, qoʻshimcha aralashmalar bilan yoki qoʻshimcha aralashmalarsiz;

(iii) ammoniy sulfati va ammoniy nitratining qoʻsh tuzlari, qoʻshimcha aralashmalar bilan yoki qoʻshimcha aralashmalarsiz;

(iv) ammoniy sulfati, qoʻshimcha aralashmalar bilan yoki qoʻshimcha aralashmalarsiz;

(v) qoʻsh tuzlar (qoʻshimcha aralashmalar bilan yoki qoʻshimcha aralashmalarsiz) yoki kaltsiy nitrati va ammoniy nitrati aralashmalari;

(vi) qoʻsh tuzlar (qoʻshimcha aralashmalar bilan yoki qoʻshimcha aralashmalarsiz) yoki kaltsiy nitrati va magniy nitrati aralashmalari;

(vii) qoʻshimcha aralashmalar bilan yoki qoʻshimcha aralashmalarsiz, yogʻ bilan ishlov berilgan yoki ishlov berilmagan kaltsiy sianamidi;

(viii) qoʻshimcha aralashmalar bilan yoki qoʻshimcha aralashmalarsiz, mochevina (karbamid);

(b) 2 (a) izohida koʻrsatilgan har qanday moddalarning aralashmalaridan tashkil topgan oʻgʻitlar;

(v) ammoniy хlorididan tarkib topgan yoki 2 (a) yoki 2 (b) izohlarda koʻrsatilgan, oʻgʻit boʻlmagan boʻr, gips yoki boshqa noorganik moddalar bilan aralashtirilgan har qanday boshqa moddadan iborat boʻlgan oʻgʻitlar;

(g) 2 (a) (ii) yoki 2 (a) (viii) izohlarida koʻrsatilgan mahsulotlardan yoki ushbu mahsulotlarning suvli yoki ammiak eritmasidagi aralashmalaridan tashkil topgan suyuq oʻgʻitlar.

3. 3103-mahsulot pozitsiyaga faqat quyidagi mahsulotlar kiradi‚ agar ular 3105-tovar pozitsiyada nazarda tutilgan shakllar yoki oʻramlarga qadoqlanmagan boʻlsa:

(a) quyida keltirilgan tavsiflardan biriga yoki boshqasiga mos keladigan mahsulotlar:

(i) asosiy shlak;

(ii) kaltsinatsiyalangan yoki qoʻshimcha aralashmalarni olib tashlash uchun zarur boʻlgandan yuqoriroq haroratda ishlov berilgan, 2510-tovar pozitsiyasidagi tabiiy fosfatlar;

(iii) superfosfatlar (oddiy, ikki yoki uch hissali);

(iv) quruq suvsiz mahsulotga qayta hisoblanganda ftorning kamida 0,2% massa ulushini oʻz ichiga olgan kaltsiy vodorodfosfati;

(b) 3(a) izohda koʻrsatilgan har qanday mahsulotlarning aralashmalaridan tashkil topgan oʻgʻitlar, lekin ftorning maksimal miqdorini hisobga olmaganda;

(v) 3 (a) yoki 3 (b) izohlarda koʻrsatilgan har qanday mahsulotlardan tashkil topgan, lekin ftorning maksimal miqdorini hisobga olmagan, oʻgʻit boʻlmagan boʻr, gips yoki boshqa noorganik moddalar bilan aralashtirilgan oʻgʻitlar.

4. 3104-tovar pozitsiyaga faqat quyidagi mahsulotlar kiradi: agar ular 3105-tovar pozitsiyasida nazarda tutilgan shakllar yoki oʻramlarga qadoqlanmagan boʻlmasa:

(a) quyidagi tavsiflardan biriga yoki boshqasiga mos keladigan mahsulotlar:

(i) ishlov berilmagan kaliy tuzlari (masalan, karnallit, kainit va silvit);

(ii) kaliy хloridi, qoʻshimcha aralashmalar bilan yoki qoʻshimcha aralashmalarsiz, yuqoridagi 1 (v) izohda koʻrsatilganlar bundan mustasno;

(iii) kaliy sulfati, qoʻshimcha aralashmalar bilan yoki qoʻshimcha aralashmalarsiz;

(iv) kaliy-magniy sulfati, qoʻshimcha aralashmalar bilan yoki qoʻshimcha aralashmalarsiz;

(b) yuqorida 4(a) izohda koʻrsatilgan har qanday moddalar aralashmasidan tashkil topgan oʻgʻitlar.

5. Ammoniy divodorodfosfat (monoammoniy fosfat) va diammoniy vodorod fosfat (diammoniy fosfat), qoʻshimcha aralashmalar bilan yoki qoʻshimcha aralashmalarsiz, shuningdek ularning aralashmalari 3105-tovar pozitsiyasiga kiritilishi kerak.

6. 3105-tovar pozitsiyasida "boshqa oʻgʻitlar" atamasi faqat oʻgʻit sifatida ishlatiladigan va asosiy tarkibiy qism sifatida quyidagi ozuqaviy moddalardan kamida bittasini oʻz ichiga olgan mahsulotlarni anglatadi: azot, fosfor yoki kaliy.