XI Бўлимга эслатма

XI Бўлимга эслатма

          

         

Изоҳлар:

1. Ушбу бўлимга қуйидагилар киритилмайди:

(а) чўткалар тайёрлаш учун ҳайвонларнинг жун ва туклари (0502-товар позицияси); от сочи ёки унинг чиқиндилари (0511-товар позицияси);

(б) одам сочи ва ундан тайёрланган буюмлар (0501-, 6703- ёки 6704-товар позицияси), фильтрловчи матодан ёки одатда мойни сиқиб олиш прессларида ёхуд шу каби мақсадларда қўлланилувчи сузгич матоларидан ташқари (5911-товар позицияси);

(в) пахта линти ёки 14-гурухнинг келиб чиқиши ўсимликка оид бўлган бошқа материаллари;

(г) 2524-товар позициясига кирувчи асбест ёки ушбу асбестдан ёхуд 6812- ёки 6813-товар позициясининг бошқа материалларидан тайёрланган буюмлар;

(д) 3005- ёки 3006-товар позициясининг буюмлари; 3306-товар позициясининг чакана савдо учун мўлжалланган алоҳида қадоқда, тиш оралиғини тозалашда ишлатиладиган иплари;

(е) 3701 - 3704-товар позицияларининг сенсибилизацияланган (ёруғликка таъсирчан материал билан қопланган) тўқимачилик материаллари;

(ж) кўндаланг кесими 1 мм дан катта бўлган моноиплар ёки эни 5 мм дан катта бўлган ясси иплар ёхуд шу каби шакллар (масалан, сунъий сомонча), пластмассадан тайёрланган (39-гуруҳ), ёки тўқилган буюмлар, ёки мато, ёки моно ипдан ёхуд ясси ипдан тўқилган бошқа саватчали ёки тўқилган буюмлар (46-гуруҳ);

(з) 39-гуруҳнинг пластмасса шимдирилган, қопланган ёки юзаси дублиринланган матолари, қўлда ёки дастгоҳда тўқилган трикотаж матолари, намат ёки фетр ёхуд нотўқима материаллари ёки улардан тайёрланган буюмлари;

(и) 40-гуруҳнинг резина шимдирилган, қопланган ёки юзаси дублиринланган матолари, қўлда ёки дастгоҳда тўқилган трикотаж матолари, намат ёки фетр ёхуд нотўқима материаллари ёки улардан тайёрланган буюмлари;

(к) 4303- ёки 4304-товар позициясидаги тук ёки жун қопламали тери (41- ёки 43-гуруҳ) ёки табиий мўйнадан буюмлар, сунъий мўйна ёки улардан тайёрланган буюмлар;

(л) 4201- ёки 4202-товар позициядаги тўқимачилик материалларидан тайёрланган буюмлар;

(м) 48-гуруҳдаги товарлар ва буюмлар (масалан, целлюлоза ватаси);

(н) 64-гуруҳдаги пойабзал ва унинг деталлари, гетрилар ёки гамашлар ёхуд шу каби буюмлар;

(о) 65-гуруҳдаги соч учун тўр ёки бош кийимлар ёки уларнинг қисмлари;

(п) 67-гуруҳ товарлари;

(р) абразив қопламали тўқимачилик материаллари (6805 товар позицияси), ҳамда 6815 товар позициясидаги углерод толалар ёки улардан тайёрланган буюмлар;

(с) шиша тола ёки улардан тайёрланган маҳсулотлар, шиша ипдан ишланиб, тагидаги фон кўриниб турадиган каштадан ташқари (70-гуруҳ);

(т) 94-гуруҳ буюмлари (масалан, мебель, кўрпа-тўшак жиҳозлари, ёриткичлар ва ёритиш ускуналари);

(у) 95-гуруҳ буюмлари (масалан, ўйинчоқлар, ўйинлар, спорт инвентарлари ва тўрлар);

(ф) 96-гуруҳ маҳсулотлари (масалан, чўткалар, тикиш учун йўл жамланмаси, қистирғич-тақилма, ёзув машинкаси учун лента, аёллар гигиеник таглиги ва тампонлари, плёнка ва тагликлар); ёки

(х) 97-гуруҳ буюмлари.

2. (А) 50 - 55-гуруҳларга ёки 5809- ёки 5902-товар позициясига киритилган ва икки ёки ундан ортиқ тўқимачилик материаллари аралашмасидан ташкил топган товарлар, мазкур товардаги барча тўқимачилик материаллари солиштирилганда, масса бўйича бошқаларидан ортиқ бўлган тўқимачилик материали бўйича таснифланиши лозим.

Агар, бирорта ҳам тўқимачилик материали масса бўйича устунлик қилмаса, бундай товарлар кўриб чиқилаётган товар позициялари орасидан, кодларнинг ўсиш тартибида охиргисига тўғри келадиган тўқимачилик материалига кўра таснифланиши лозим.

(Б) Юқоридаги қоида қўлланилганда:

(а) от сочидан тайёрланган позумент ип (5110-товар позицияси) ва металлаштирилган ип (5605-товар позицияси) ягона тўқимачилик материали сифатида қаралиши лозим бўлиб, унинг массаси уни ташкил этувчи компонентлар массалари йиғиндисига тенг деб ҳисобланади; матолар таснифланганда металлаштирилган ип тўқимачилик материали сифатида қаралиши лозим;

(б) мақбул товар позициясини танлашда аввал гуруҳ, сўнгра ушбу гуруҳ ичидаги тегишли товар позицияси аниқланади, мазкур гуруҳга киритилмайдиган материалларни инобатга олмаган ҳолатда;

(в) 54- ва 55-гуруҳларнинг иккаласи бошқа ихтиёрий гуруҳ билан боғлиқ бўлган ҳолатларда, улар бир ягона гуруҳ сифатида қаралиши лозим;

(г) гуруҳ ёки товар позициясига турли тўқимачилик материалларидан тайёрланган товарлар кирган ҳолатларда, улар ягона тўқимачилик материали сифатида қаралиши лозим.

(В) Юқоридаги 2 (А) ва 2 (Б) изоҳларда келтирилган қоидалар қуйидаги 3 (А, Б), 4 (А, Б), 5 ёки 6 изоҳларда қайд этилган йигирилган ипни таснифлашда ҳам қўлланади.

3. (А) Ушбу бўлим доирасида, қуйида келтирилган 3 (Б) изоҳларда кўрсатилган истисноларга риоя қилган ҳолда, қуйида тавсифи келтирилган йигирилган ипни (бир ипли, кўп бурамли (эшилган) ёки бир бурамли) "бечевкалар, арқонлар, канатлар ва трослар" сифатида қараш керак:

(а) 20 000 дтекс дан юқори чизиқли зичликдаги ипак ипларидан ёки ипак чиқиндиларидан тайёрланган;

(б) 10 000 дтекс дан юқори чизиқли зичликдаги кимёвий иплардан тайёрланган (шу жумладан, 54-гуруҳдаги икки ёки ундан ортиқ моноиплардан иборат иплар);

(в) каноптола ёки зиғир толалардан тайёрланган:

(i) сайқалланган 1429 дтекс ёки ундан юқори чизиқли зичликдаги; ёки

(ii) сайқалланмаган 20 000 дтекс дан юқори чизиқли зичликдаги;

(г) кокос ёнғоғи толаларидан уч ва ундан ортиқ тахланиб олинган;

(д) бошқа ўсимлик толаларидан олинган 20 000 дтекс дан юқори чизиқли зичликдаги; ёки

(е) металлаштирилган ип билан армирланган.

(Б) Истисно:

(а) ҳайвонларнинг жунидан ёки бошқа юнглардан йигирилган ип ва қоғиздан йигирилган ип, метал иплар билан армирланган йигирилган ипдан ташқари;

(б) 55-гуруҳдаги кимёвий ипларнинг жгути ва 54-гуруҳдаги бурамсиз ёки бурамаси 5 бр/м дан кам бўлган комплекс ип;

(в) 5006-товар позициясидаги ипак қуртининг ипак ишлаб чиқарувчи безларидан толалар ва 54-гуруҳдаги моноиплар;

(г) 5605-товар позициясидаги металлаштирилган иплар; йигирилган ип, метал иплар билан армирланган, юқорида кўрсатилган 3 (А) (е) изоҳларга асосланиб киритилади.

(д) 5606-товар позициясидаги синель йигирилган ип, позумент ип ва шаклдор ҳалқали йигирилган ип.

4. (А) 50-, 51-, 52-, 54- ва 55-гуруҳларда қуйидаги 4 (Б) изоҳда кўрсатилган истисноларга риоя этган ҳолда, "чакана савдо учун қадоқланган" атамаси йигирилган ипни (бир ипли, кўп бурамли (эшилган) ёки бир бурамли) англатади:

(а) картон пластиналар, ғалтаклар, патронлар ёки шу каби ташувчиларда массаси (ташувчиси билан бирга):

(i) 85 г - ипак иплар, ипак чиқиндилар ёки кимёвий иплар учун; ёки

(ii) 125 г - бошқа йигирилган иплар учун;

(б) калава, пасма ёки моток шаклда, массаси қуйидагидан юқори бўлмаган:

(i) 85 г - ипак иплари ёки ипак чиқиндилари, чизиқли зичлиги 3000 дтексдан кам кимёвий иплар учун;

(ii) 125 г - чизиқли зичлиги 2000 дтекс дан кам бошқа йигирилган иплар учун; ёки

(iii) 500 г - бошқа йигирилган иплар учун;

(в) бир-биридан иплар билан ажратилиб, ушбу ажратилиш уларни бир-бирига боғлиқ бўлмаслигини таъминловчи бир нечта кичикроқ пасмалар ёки мотоклардан иборат пасмалар ёки мотоклар, шу билан бирга кичикроқ пасмалар ёки мотокларнинг ҳар бирининг массаси қуйидагидан ортиқ эмас:

(i) 85 г - ипак иплар, ипак чиқиндилар ёки кимвий иплар учун; ёки

(ii) 125 г - бошқа йигирилган иплар учун.

(Б) Истисно:

(а) ҳар қандай тўқимачилик маҳсулотидан тайёрланган бир иплик йигирилган ип, қуйидагидан ташқари:

(i) ҳайвонларнинг жунидан ёки ингичка толасидан йигирилган бир иплик оқартирилмаган ип; ва

(ii) ҳайвонларнинг жунидан ёки ингичка толасидан тайёрланган бир иплик йигирилган ип, оқартирилган, бўялган ёки гул босилган, чизиқли зичлиги 5000 дтекс дан юқори;

(б) кўп бурамли (эшилган) ёки бир бурамли йигирилган ип, оқартирилмаган:

(i) ипак ипларидан ёки ипак чиқиндиларидан, қадоқланган; ёки

(ii) бошқа тўқимачилик материалларидан тайёрланган, ҳайвонларнинг жуни ёки ингичка толасидан ташқари, пасмаларда ёки мотокларда;

(в) ипак ипларидан ёки ипак чиқиндиларидан кўп бурамли (эшилган) ёки бир бурамли йигирилган ип, оқартирилган, бўялган ёки гул босилган, чизиқли зичлиги 133 дтекс ёки кам бўлган; ва

(г) ҳар қандай тўқимачилик материалидан бир ипли, кўп бурамли (эшилган) ёки бир бурамли йигирилган ип:

(i) хочсимон ўрилишга эга пасма ёки мотокда; ёки

(ii) ташувчиларга ўралган ёки унинг тўқимачилик саноатида ишлатилишини кўрсатадиган бошқа усулда ўралган (масалан, пачаткаларда, эшиш патронларида ва найчаларда, конуссимон бобинларда ёки урчуқларда ёки шпинделларда ёки пилла шаклидаги кашта тикиш машиналарида).

5. 5204-, 5401- ва 5508-товар позицияларида "тикув иплари" кўп бурамли ёки бир бурамли қуйидаги йигирилган ипни англатади:

(а) ташувчига қадоқланган (масалан, найчалар, патронлар), массаси 1000 г (ташувчининг массаси қўшилганда) дан ортиқ эмас;

(б) тикув иплари сифатида қўллаш учун аппретланган; ва

(в) охирида ўнг томонга бурам берилган.

6. Мазкур бўлимда "юқори мустаҳкамликка эга йигирилган ип" атамаси сН/текс да (сантиньютон тақсим тексс) ўлчанадиган, қуйидагидан ортиқ нисбий узилиш кучига эга йигирилган ипни англатади:

нейлон ёки бошқа полиамидлар ёхуд полиэфирлардан тайёрланган битта иплик йигирилган ип - 60 сН/текс;

нейлон ёки бошқа полиамидлар ёки полиэфирлардан тайёрланган кўп бурамли (эшилган) ёки бир бурамли ип - 53 сН/текс;

вискоза толасидан тайёрланган битта иплик, кўп бурамли (эшилган) ёки бир бурамли йигирилган ип - 27 сН/текс.

7. Мазкур бўлимда қуйидагилар "тайёр" термини англатади:

(а) қирқилган, лекин квадратлар ёки тўғрибурчаклар шаклида эмас;

(б) фойдаланишга яроқли бўлган якуний кўринишда (ёки фақатгина ажратувчи ипларни қирқиш йўли билан ажратишни талаб қилувчи) тақдим этилган ва тикиш ёки бошқа ишлов беришлар (масалан, салфеткалар, сочиқлар, дастурхонлар, шарфлар, адёллар) талаб қилмайдиган;

(в) ўлчам бўйича қирқилган ва энг камида битта кўтарилган ёки прессланган кўринишли термик пайвандланган четки томонга эга ва бошқа четки томонлари мазкур изоҳнинг исталган бошқа бандида тавсифлангандек ишлов берилган, лекин кесилган четки томонларини тўкилишдан сақлаш фақат чатиш ёки бошқа оддий усулда ишлов берилган материаллар бундан мустасно;

(г) кесилган ёки букилган кромкали ёки исталган четки томонлари ҳалқали бахромали, лекин кесилган четки томонларини тўкилишдан сақлаш фақат чатиш ёки бошқа оддий усулда ишлов берилган материаллар бундан мустасно;

(д) берилган ўлчам бўйича кесилган ва четки томонлари ипларни чиқариш йўли билан ишлов берилган;

(е) тикилган, елимланган ёки бошқа усул билан бирлаштирилган (икки ёки ундан ортиқ бир турдаги материаллар полотносидан иборат бўлган, четки томонлари бир-бирига тикилган донали буюмлар ва икки ва ундан ортиқ тўқимачилик материалларидан иборат бўлган, қаватли шаклда бирлаштирилган, юмшоқ қаватли ёки усиз, донали буюмлар);

(ж) тўқиш машиналарида ёки қўл усулида шакли бўйича алоҳида буюмлар кўринишида ёки бир нечта бирлаштирилган буюмлар кўринишида тўқилган.

8. 50 - 60-гуруҳларга:

(а) 50 - 55 ва 60-гуруҳларга ва, агарда контексда бошқача кўрсатилмаган бўлса, 56 - 59-гуруҳларга 7-изоҳга мувофиқ тайёр ҳисобланувчи товарлар киритилмайди; ва

(б) 50 - 55 ва 60-гуруҳларга 56 - 59-гуруҳ товарлари киритилмайди.

9. 50 - 55-гуруҳ матолари бир-бирига ўткир ёки тўғри бурчаклар остида жойлашган параллел тўқимачилик иплари қаватларидан иборат матоларни қамраб олади. Бу қаватлар иплар кесишадиган жойларда елим моддалар ёки термобирлашиш билан маҳкамланган.

10. Таркибида резина иплари бўлган тўқимачилик материалларидан иборат бўлган эластик буюмлар мазкур бўлимга киритилади.

11. Мазкур бўлимдаги "шимдирилган" атамаси бўктириш усули билан ишлов беришни ҳам англатади.

12. Мазкур бўлимдаги "полиамидлар" атамаси "арамидлар"га ҳам тааллуқли.

13. Мазкур бўлимда ва, қаерда қўллаш мумкин бўлса, бутун Номенклатурада "эластомер ип" атамаси коплекс ипни англатади, шу жумладан, текстурланган ипдан бошқача бўлган сунъий тўқимачилик материалидан тайёрланган моноипни англатади. Бунда текстурланган ип дастлабки узунлигига нисбатан уч баробар чўзилганда, узилмайди ва дастлабки узунлигига нисбатан икки баробар чўзилиб беш дақиқа ушлаб турилганда, ўзининг дастлабки узунлигининг бир ярим баробаридан ортиқ бўлмаган узунликкача қайтади.

14. Агар контексда бошқача айтилмаган бўлса, турли товар позициялиларга тааллуқли бўлган тўқимачилик материалларидан кийим предметлари чакана савдога мўлжалланган тўпламларда тақдим этилса ҳам мос келувчи товарлар позицияларига киритилишлари шарт. Шу изоҳдаги "тўқимачилик материалларидан кийимлар предметлари" атамаси 6101 - 6114 ва 6201 - 6211-товарлар позицияларида номлари кўрсатилган кийимлар предметларини англатади.

15. Мазкур бўлимдаги 1-изоҳ қоидаларига амал қилган ҳолда қўшимча функцияларни бажарувчи, кимёвий, механик ёки электрон компонентлари бўлган, ушбу компонентлар толага ёки материал ичига ўрнатилган ёки ўрнатилмаганлигидан қатъий назар, тўқимачилик материаллари, кийимлар предметлари ва бошқа тўқимачилик буюмлари XI бўлимнинг тегишли товарлар позицияларида таснифланади, агар улар мазкур бўлим товарларининг асосий хусусиятларини сақлаб қолаётган бўлса.

Субпозицияларга изоҳлар:

1. Мазкур бўлимда ва қаерда қўллаш мумкин бўлса, бутун номенклатурада қуйида келтирилган атамалар қуйидагиларни англатади:

(а) "оқартирилмаган йигирилган ип":

(i) унинг толалари ҳосил қилувчи табиий рангга эга ва оқартириш, бўяш (массада ёки массада эмас) ёки гул босишдан ўтмаган; ёки

(ii) титилган хомашёдан тайёрланган ноаниқ рангга ("хом ип") эга.

Бундай йигирилган ип рангсиз аппрет ёки барқарор бўлмаган бўёқ (совун билан оддий ювилганда йўқ бўладиган) билан ишлов берилган, кимёвий толалар бўлганда эса, массада матирловчи восита (масалан, диоксид титан) билан ишлов берилган бўлиши мумкин.

(б) "оқартирилган йигирилган ип":

(i) оқартириш жараёнидан ўтган, оқартирилган толалардан тайёрланган ёки агар контексда бошқа нарса кўрсатилмаган бўлса, оқ рангга бўялган (массада ёки массада эмас) ёки оқ аппрет билан ишлов берилган;

(ii) оқартирилмаган ва оқартирилган толалар аралашмасидан иборат иборат; ёки

(iii) оқартирилмаган ва оқартирилган иплардан иборат бўлган, бир нечта бурамли (эшилган) ёки битта бурамли йигирилган ип.

(в) "рангли (бўялган ёки гул босилган) йигирилган ип":

(i) оқ ёки барқарор бўлмаган рангдан бошқа рангларга бўялган (массада ёки массада эмас), ёки гул босилган, ёки бўялган ёки гул босилган толалардан тайёрланган;

(ii) турли рангда бўялган толалар аралашмасидан ёхуд оқартирилмаган ёки оқартирилган толаларни бўялган толалар билан аралашмасидан (икки рангли пиликдан йигирилган ип ёки меланж йигирилган ипи) ёки нуқталар кўринишини яратиш учун оралиқларда бир ёки бир нечта рангларда гул босилган йигирилган ип;

(iii) гул босилган лента ёки пиликдан олинган; ёки

(iv) оқартирилмаган ёки оқартирилган ва бўялган йигирилган иплардан иборат бўлган кўп бурамли (эшилган) ёки бир бурамли йигирилган ип.

Юқорида келтирилган белгилашлар, тегишли ўзгартиришлар киритилганда, 54-гуруҳдаги моноиплар ва ясси ёки шу каби ипларга қўлланилади.

(г) "оқартирилмаган матолар":

оқартирилмаган йигирилган иплардан тайёрланган ва оқартириш, бўяш ёки гул босиш ишловидан ўтмаган. Бундай матолар рангсиз аппретлаш ёки барқарор бўлмаган бўёқларда бўялиши мумкин.

(д) "оқартирилган матолар":

(i) оқартирилган, ёки контексда бошқа нарса кўрсатилмаган бўлса, оқ рангга бўялган ёки оқ аппрет билан ишлов берилган, бўлакда;

(ii) оқартирилган йигирилган ипдан тайёрланган; ёки

(iii) оқартирилмаган ёки оқартирилган йигирилган иплардан тайёрланган.

(е) "бўялган матолар":

(i) оқ рангга (агар контексда бошқа нарса кўрсатилмаган бўлса) бўялгандан ташқари, сидирға бўялган матолар, ёки оқ рангдан бошқа (агар контексда бошқа нарса кўрсатилмаган бўлса) рангли аппретлашдан ўтган бўлакда; ёки

(ii) бир тусли бўялган йигирилган иплардан тайёрланган.

(ж) "турли рангдаги (гул босилган матолардан ташқари) йигирилган иплардан тайёрланган матолар":

(i) турли рангдаги йигирилган иплар ёки бир рангнинг турли тусидаги йигирилган иплардан (унинг толаларининг табиий рангидан ташқари) тайёрланган;

(ii) оқартирилмаган ёки оқартирилган йигирилган иплар ва бўялган йигирилган иплардан тайёрланган; ёки

(iii) икки рангли ёки меланж йигирилган иплардан тайёрланган.

(Барча ҳолатларда матонинг кромкасини ёки охирини хосил қилувчи иплар эътиборга олинмайди.)

(з) "гул босилган матолар":

Иплари турли рангли иплардан тайёрланган ёки тайёрланмаганлигидан қатъий назар, гул босилган матолар, бўлакда.

(Гул босилган матоларга, шунингдек, мўйқалам ёки пульверизатор билан, трафарет, флокировкалаш усули ёки батик усули ёрдамида сурат туширилган матолар ҳам киради.)

Юқорида келтирилган белгилашлар бўйича йигирилган ип ёки матоларнинг таснифига мерсеризациялаш таъсир қилмайди.

Юқорида келтирилган субпозицияларга изоҳларнинг 1 (г) - 1 (з) бандларида баён этилган белгилашлар, тегишли ўзгартиришлар киритилгани ҳолда, машинада ёки қўлда тўқилган трикотаж матоларга қўлланилади.

(и) "полотно ўрилишли матолар":

структурасида ҳар бир арқоқ ипи навбатма-навбат танда иплари устидан ва тагидан кетма-кет ўтувчи ва ҳар бир танда ипи навбатма-навбат арқоқ иплари устидан ва тагидан кетма-кет ўтувчи матодир.

2. (А) Икки ёки ундан ортиқ тўқимачилик материалидан иборат бўлган 56 - 63-гуруҳлардаги буюмлар, мазкур бўлимдаги 2-изоҳга мувофиқ келадиган тўқимачилик материалидан бутунлай иборат бўлган маҳсулот сифатида кўриб чиқилади ва 50 - 55-гуруҳларга ёки 5809-товарлар позицияларидаги тўқимачилик материалларидан иборат бўлган маҳсулотларга тааллуқли деб танланиши керак.

(Б) Юқорида келтирилган қоидалар қўлланилганда:

(а) қўллаш мумкин бўлган жойда, фақатгина Талқин этишнинг асосий қоидаларининг 3-қоидасига мувофиқ таснифлашни белгилайдиган қисми ҳисобга олинади;

(б) агар тўқимачилик буюми фон матосидан иборат бўлса ва ворсли ёки илмоқли сиртга эга бўлса, фон матоси эътиборга олинмайди;

(в) 5810-товар позициядаги кашталар ва улардан тайёрланган буюмлар учун фақат фон матолари эътиборга олинади. Бироқ, кўринадиган фонсиз кашта ва ундан тайёрланган буюмлар фақат каштадўзлик иплари бўйича таснифланиши керак.