Қурилиш ва уй-жой коммунал хўжалиги вазирининг 27.02.2026 й. 1/2-7-сон "Ўзбекистон Республикаси Қурилиш ва уй-жой коммунал хўжалиги вазирлиги томонидан қабул қилинган айрим идоравий норматив-ҳуқуқий ҳужжатларга ўзгартириш ва қўшимчалар киритиш тўғрисида"ги Буйруғи (АВ томонидан 19.03.2026 й. 3793-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

19.03.2026 й.

N 3793

ЎЗБЕКИСТОН РЕСПУБЛИКАСИ

ҚУРИЛИШ ВА УЙ-ЖОЙ КОММУНАЛ

ХЎЖАЛИГИ ВАЗИРИНИНГ

27.02.2026 й.

N 1/2-7

БУЙРУҒИ

Ўзбекистон Республикаси Қурилиш

ва уй-жой коммунал хўжалиги вазирлиги

томонидан қабул қилинган айрим идоравий

норматив-ҳуқуқий ҳужжатларга ўзгартириш

ва қўшимчалар киритиш тўғрисида

Ўзбекистон Республикасининг Меҳнат кодекси, "Меҳнатни муҳофаза қилиш тўғрисида"ги, "Ичимлик суви таъминоти ва оқова сувларни чиқариб юбориш тўғрисида"ги қонунлари ҳамда Ўзбекистон Республикаси Вазирлар Маҳкамасининг 2025 йил 22 сентябрдаги 602-сон "Ўзбекистон Республикаси Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси фаолиятини тартибга солувчи норматив-ҳуқуқий ҳужжатларни тасдиқлаш тўғрисида"ги ва 2025 йил 24 декабрдаги 819-сон "Меҳнатни муҳофаза қилиш соҳасига оид айрим низомларни тасдиқлаш тўғрисида"ги қарорларига мувофиқ БУЮРАМАН:

1. Ўзбекистон Республикаси Қурилиш ва уй-жой коммунал хўжалиги вазирлиги томонидан қабул қилинган айрим идоравий норматив-ҳуқуқий ҳужжатларга иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                            Ш.С. Хидоятов

Буйруққа

ИЛОВА

Ўзбекистон Республикаси Қурилиш

ва уй-жой коммунал хўжалиги вазирлиги

томонидан қабул қилинган айрим идоравий

норматив-ҳуқуқий ҳужжатларга киритилаётган

ўзгартириш ва қўшимчалар

1. Ўзбекистон "Ўзкоммунхизмат" агентлиги бош директорининг 2014 йил 10 ноябрдаги 014-1/1294-сон буйруғи (рўйхат рақами 2631, 2014 йил 9 декабрь) (Ўзбекистон Республикаси қонун ҳужжатлари тўплами, 2014 й., 50-сон, 597-модда) билан тасдиқланган Буғ ва иссиқ сув қувурлари қуриш ва улардан фойдаланишда меҳнатни муҳофаза қилиш қоидаларида:

1) муқаддима қуйидаги таҳрирда баён этилсин:

"Мазкур Қоидалар буғ ва иссиқ сув қувурлари қуриш ва улардан фойдаланишда меҳнатни муҳофаза қилиш қоидаларини белгилайди.";

2) 3-банд "норматив ҳужжатлар" деган сўзлардан кейин ", шаҳарсозлик нормалари ва қоидалари, санитария қоидалари, нормалари ва гигиена нормативлари" деган сўзлар билан тўлдирилсин;

3) 4-банддаги "Меҳнат муҳофазаси бўйича ишларни ташкил этиш тўғрисидаги намунавий низомга (рўйхат рақами 273, 1996 йил 14 август)" деган сўзлар "Ўзбекистон Республикаси Вазирлар Маҳкамасининг 2025 йил 24-декабрдаги 819-сон қарори билан тасдиқланган Ташкилотларда меҳнатни муҳофаза қилиш ишларини ҳамда меҳнатни муҳофаза қилиш хизмати фаолиятини ташкил этиш тартиби тўғрисидаги низом талабларига" деган сўзлар билан алмаштирилсин;

4) 6 ва 7-бандлар қуйидаги таҳрирда баён этилсин:

"6. Ўзбекистон Республикаси "Меҳнатни муҳофаза қилиш тўғрисида"ги Қонунининг 12-моддасига мувофиқ ишлаб чиқариш фаолиятини амалга оширувчи, ходимларининг сони эллик киши ва ундан ортиқ бўлган ҳар бир ташкилотда меҳнатни муҳофаза қилиш талабларига риоя этилишини таъминлаш, уларнинг бажарилиши устидан назоратни амалга ошириш мақсадида меҳнатни муҳофаза қилиш хизмати ташкил этилади ёки меҳнатни муҳофаза қилиш бўйича тегишли тайёргарликка эга бўлган мутахассис лавозими жорий этилади. Элликта ва ундан ортиқ транспорт воситаси мавжуд бўлган ташкилотда йўл ҳаракати хавфсизлиги хизмати ҳам ташкил этилади ёки йўл ҳаракати хавфсизлиги бўйича мутахассис лавозими жорий этилади.

Ходимларининг сони эллик нафардан кам бўлган ташкилотда меҳнатни муҳофаза қилиш хизматини ташкил этиш ёки меҳнатни муҳофаза қилиш бўйича мутахассис лавозимини жорий этиш тўғрисидаги қарор иш берувчи томонидан мазкур ташкилот фаолиятининг ўзига хос хусусияти ҳисобга олинган ҳолда қабул қилинади.

7. Меҳнатни муҳофаза қилиш хизмати ва йўл ҳаракати хавфсизлиги хизмати ташкилотнинг мустақил таркибий бўлинмалари бўлиб, улар бевосита ташкилот раҳбарига бўйсунади.";

5) 9-банд "ходимлар саломатлигининг" деган сўзлардан кейин "меҳнат вазифаларини бажариш билан боғлиқ" деган сўзлар билан тўлдирилсин;

6) 11-банддаги "Меҳнат муҳофазаси бўйича ўқишларни ташкил қилиш ва билимларни синаш тўғрисидаги намунавий низомга (рўйхат рақами 272, 1996 йил 14 август)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Меҳнатни муҳофаза қилиш бўйича йўл-йўриқдан ўтказиш, ўқитиш ва билимларни текшириш, малака ошириш ҳамда қайта тайёрлаш тўғрисидаги низом талабларига" деган сўзлар билан алмаштирилсин;

7) 12-банддаги "Меҳнат муҳофазаси бўйича йўриқномаларни ишлаб чиқиш тўғрисидаги низомга (рўйхат рақами 870, 2000 йил 7 январь)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Меҳнатни муҳофаза қилиш бўйича йўриқномаларни ишлаб чиқиш тўғрисидаги низом талабларига" деган сўзлар билан алмаштирилсин;

8) 31-банд қуйидаги таҳрирда баён этилсин:

"31. Ўзбекистон Республикаси Вазирлар Маҳкамасининг 2023 йил 14 июлдаги 290-сон қарори билан тасдиқланган Ўн саккиз ёшга тўлмаган шахсларнинг меҳнатидан фойдаланилиши тақиқланган оғир ишларнинг ҳамда зарарли ёки хавфли меҳнат шароитларидаги ишларнинг рўйхатига мувофиқ, ўн саккиз ёшга тўлмаган шахслар оғир, зарарли ёки хавфли меҳнат шароитларидаги ишларга қабул қилинмаслиги лозим.";

9) 32-банд ўз кучини йўқотган деб топилсин.

10) 35-37-бандлар қуйидаги таҳрирда баён этилсин:

"35. Ташкилот раҳбарияти касаба уюшмаси қўмитаси ва соғлиқни сақлаш муассасаси билан биргаликда ҳар йили дастлабки (меҳнат шартномасини тузаётганда) ва даврий (меҳнат фаолияти давомида) мажбурий тиббий кўрикдан ўтиши лозим бўлган ходимларнинг рўйхатини тузиши ҳамда ходимларнинг тиббий кўрикдан ўтишини таъминлаши лозим.

36. Мажбурий тиббий кўриклар ташкилотга тиббий хизматлар кўрсатувчи даволаш-профилактика муассасалари томонидан, агар улар бўлмаган тақдирда ташкилот жойлашган жойдаги ҳудудий даволаш-профилактика муассасалари томонидан ўтказилади.

37. Иш берувчи мажбурий тиббий кўрикдан ўтмаган ёхуд мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товлаган шахсларни ишдан четлаштириши шарт.";

11) 41-банднинг учинчи хатбошисидаги "ҚМҚ 2.01.05-98 "Табиий ва сунъий ёритиш. Лойиҳалаштириш меъёрлари"га" деган сўзлар "ШНҚ 2.01.05-24 "Табиий ва сунъий ёритиш. Лойиҳалаштириш меъёрлари" шаҳарсозлик нормалари ва қоидалари талабларига" деган сўзлар билан алмаштирилсин;

12) 42-банддаги "ҚМҚ 2.04.05-97 "Иситиш, вентиляция ва кондиционерлаш" деган сўзлар "ШНҚ 2.04.05-22 "Иситиш, вентиляция ва кондициялаш" шаҳарсозлик нормалари ва қоидалари" деган сўзлар билан алмаштирилсин;

13) 44-банддаги "ҚМҚ II 89-80 "Саноат ташкилотларининг бош плани" деган сўзлар "ШНҚ 2.09.17-21 "Саноат корхоналарининг бош режаларини лойиҳалаш" шаҳарсозлик нормалари ва қоидалари" деган сўзлар билан алмаштирилсин;

14) 52-банд қуйидаги таҳрирда баён этилсин:

"52. Ишлаб чиқариш бинолари ва иншоотлари, ёрдамчи бинолар ва хоналар ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари" шаҳарсозлик нормалари ва қоидалари талабларига мувофиқ бўлиши лозим.";

15) 63-банддаги "12.1.003-89" ва "12.1.012-90" рақамлари тегишли равишда "12.1.003-2014" ва "12.1.012-2004" рақамлари билан алмаштирилсин;

16) 66-банддаги "ҚМҚ 2.04.05-97 "Иситиш, шамоллатиш ва кондиционерлаш" деган сўзлар "ШНҚ 2.04.05-22 "Иситиш, вентиляция ва кондициялаш" шаҳарсозлик нормалари ва қоидалари" деган сўзлар билан алмаштирилсин;

17) 2-бобнинг 14-параграфи номидаги "канализация" деган сўз "оқова сувларни чиқариб юбориш" деган сўзлар билан алмаштирилсин;

18) 72-банд қуйидаги таҳрирда баён этилсин:

"72. Сув таъминоти ва оқова сувларни чиқариб юбориш тизими ШНҚ 2.04.01-22 "Биноларнинг ички сув таъминоти ва оқова сувларни чиқариб юбориш" шаҳарсозлик нормалари ва қоидалари талабига мос келиши зарур.";

19) 75-банддаги "ҚМҚ 2.01.05-98 "Табиий ва сунъий ёритиш" деган сўзлар "ШНҚ 2.01.05-24 "Табиий ва сунъий ёритиш. Лойиҳалаштириш меъёрлари" шаҳарсозлик нормалари ва қоидалари" деган сўзлар билан алмаштирилсин;

20) 86-банддаги "ШНҚ 2.09.04-09 "Ташкилотларнинг маъмурий ва маиший бинолари" деган сўзлар "ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари" шаҳарсозлик нормалари ва қоидалари" деган сўзлар билан алмаштирилсин;

21) 97-банддаги "ҚМҚ 2.04.07-99 "Иссиқлик тармоқлари" ҳамда ҚМҚ 3.05.03-00 "Иссиқлик тармоқлари" деган сўзлар "ШНҚ 2.04.07-22 "Иссиқлик тармоқлари" сҳаҳарсозлик нормалари ва қоидалари" деган сўзлар билан алмаштирилсин;

22) 111-банддаги "ШНҚ 2.01.19-09 "Бино, хона ва ташқи қурилмаларни портлаш, ёнғин ва ёнғин хавфлилиги тоифаларини аниқлаш"га" деган сўзлар "ШНҚ 2.01.19-22 "Портлаб-ёниш ва ёнғин хавфи бўлган хоналар, бинолар ва ташқи қурилмалар тоифаларини аниқлаш" шаҳарсозлик нормалари ва қоидаларига" деган сўзлар билан алмаштирилсин;

23) 120-банддаги "Истеъмолчиларнинг электр қурилмаларидан техник фойдаланиш қоидалари (рўйхат рақами 1383, 2004 йил 9 июль) ҳамда Истеъмолчиларнинг электр қурилмаларидан фойдаланишда техника хавфсизлиги қоидалари (рўйхат рақами 1400, 2004 йил 20 август)" деган сўзлар "Ўзбекистон Республикаси Вазирлар Маҳкамасининг 2020 йил 11 ноябрдаги 712-сон қарори билан тасдиқланган Истеъмолчилар электр қурилмаларини техник эксплуатация қилиш қоидалари ва Истеъмолчилар электр қурилмаларини эксплуатация қилишда хавфсизлик техникаси қоидалари" деган сўзлар билан алмаштирилсин;

24) 136-банддаги "ҚМҚ 3.01.02-00 "Қурилишда хавфсизлик техникаси" деган сўзлар "ШНҚ 3.01.02-23 "Қурилишда хавфсизлик техникаси" шаҳарсозлик нормалари ва қоидалари" деган сўзлар билан алмаштирилсин;

25) 137-банддаги "ҚМҚ 3.01.03-97 "Иссиқлик тармоқлари" деган сўзлар "ШНҚ 2.04.07-22 "Иссиқлик тармоқлари" шаҳарсозлик нормалари ва қоидалари" деган сўзлар билан алмаштирилсин;

26) 139-банднинг биринчи хатбошисидаги "канализация" деган сўз "оқова сувларни чиқариб юбориш" деган сўзлар билан алмаштирилсин.

2. Ўзбекистон "Ўзкоммунхизмат" агентлиги бош директорининг 2014 йил 26 декабрдаги 140-сон буйруғи (рўйхат рақами 2650, 2015 йил 20 январь) (Ўзбекистон Республикаси қонун ҳужжатлари тўплами, 2015 й., 3-сон, 34-модда) билан тасдиқланган Аҳоли пунктларидаги сув таъминоти ва оқова сувни чиқариш тизимларидан фойдаланишда ишлар хавфсизлиги қоидаларида:

1) муқаддима қуйидаги таҳрирда баён этилсин:

"Мазкур Қоидалар аҳоли пунктларидаги сув таъминоти ва оқова сувни чиқариш тизимларидан фойдаланиш ташкилотлари ходимлари учун ишлар хавфсизлиги қоидаларини белгилайди.";

2) 3-банд "норматив ҳужжатлар" деган сўзлардан кейин ", шаҳарсозлик нормалари ва қоидалари, санитария қоидалари, нормалари ва гигиена нормативлари" деган сўзлар билан тўлдирилсин;

3) 4-банддаги "Меҳнат муҳофазаси бўйича ишларни ташкил этиш тўғрисидаги намунавий низомга (рўйхат рақами 273, 1996 йил 14 август)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Ташкилотларда меҳнатни муҳофаза қилиш ишларини ҳамда меҳнатни муҳофаза қилиш хизмати фаолиятини ташкил этиш тартиби тўғрисидаги низом талабларига" деган сўзлар билан алмаштирилсин;

4) 6 ва 7-бандлар қуйидаги таҳрирда баён этилсин:

"6. Ўзбекистон Республикаси "Меҳнатни муҳофаза қилиш тўғрисида"ги Қонунининг 12-моддасига мувофиқ ишлаб чиқариш фаолиятини амалга оширувчи, ходимларининг сони эллик киши ва ундан ортиқ бўлган ҳар бир ташкилотда меҳнатни муҳофаза қилиш талабларига риоя этилишини таъминлаш, уларнинг бажарилиши устидан назоратни амалга ошириш мақсадида меҳнатни муҳофаза қилиш хизмати ташкил этилади ёки меҳнатни муҳофаза қилиш бўйича тегишли тайёргарликка эга бўлган мутахассис лавозими жорий этилади. Элликта ва ундан ортиқ транспорт воситаси мавжуд бўлган ташкилотда йўл ҳаракати хавфсизлиги хизмати ҳам ташкил этилади ёки йўл ҳаракати хавфсизлиги бўйича мутахассис лавозими жорий этилади.

Ходимларининг сони эллик нафардан кам бўлган ташкилотда меҳнатни муҳофаза қилиш хизматини ташкил этиш ёки меҳнатни муҳофаза қилиш бўйича мутахассис лавозимини жорий этиш тўғрисидаги қарор иш берувчи томонидан мазкур ташкилот фаолиятининг ўзига хос хусусияти ҳисобга олинган ҳолда қабул қилинади.

7. Меҳнатни муҳофаза қилиш хизмати ва йўл ҳаракати хавфсизлиги хизмати ташкилотнинг мустақил таркибий бўлинмалари бўлиб, улар бевосита ташкилот раҳбарига бўйсунади.";

5) 9-банд "ходимлар саломатлигининг" деган сўзлардан кейин "меҳнат вазифаларини бажариш билан боғлиқ" деган сўзлар билан тўлдирилсин;

6) 11-банддаги "Меҳнат муҳофазаси бўйича ўқишларни ташкил қилиш ва билимларни синаш тўғрисидаги намунавий низомга (рўйхат рақами 272, 1996 йил 14 август)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Меҳнатни муҳофаза қилиш бўйича йўл-йўриқдан ўтказиш, ўқитиш ва билимларни текшириш, малака ошириш ҳамда қайта тайёрлаш тўғрисидаги низом талабларига" деган сўзлар билан алмаштирилсин;

7) 12-банддаги "Меҳнат муҳофазаси бўйича йўриқномаларни ишлаб чиқиш тўғрисидаги низомга (рўйхат рақами 870, 2000 йил 7 январь)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Меҳнатни муҳофаза қилиш бўйича йўриқномаларни ишлаб чиқиш тўғрисидаги низом талабларига" деган сўзлар билан алмаштирилсин;

8) 13-банддаги "17.2.3.02-78" рақамлари "17.2.3.02-2014" рақамлари билан алмаштирилсин;

9) 31-банд қуйидаги таҳрирда баён этилсин:

"31. Ўзбекистон Республикаси Вазирлар Маҳкамасининг 2023 йил 4 июлдаги 290-сон қарори билан тасдиқланган Ўн саккиз ёшга тўлмаган шахсларнинг меҳнатидан фойдаланилиши тақиқланган оғир ишларнинг ҳамда зарарли ёки хавфли меҳнат шароитларидаги ишларнинг рўйхатига мувофиқ, ўн саккиз ёшга тўлмаган шахслар оғир, зарарли ёки хавфли меҳнат шароитларидаги ишларга қабул қилинмаслиги лозим.";

10) 32-банд ўз кучини йўқотган деб топилсин;

11) 35 ва 36-бандлар қуйидаги таҳрирда баён этилсин:

"35. Мажбурий тиббий кўриклар ташкилотга тиббий хизматлар кўрсатувчи даволаш-профилактика муассасалари томонидан, агар улар бўлмаган тақдирда ташкилот жойлашган жойдаги ҳудудий даволаш-профилактика муассасасалари томонидан ўтказилади.

36. Иш берувчи мажбурий тиббий кўрикдан ўтмаган ёхуд мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товлаган шахсларни ишдан четлаштириши шарт.";

12) 40-банднинг учинчи хатбошисидаги "ҚМҚ 3.01.05-98 "Табиий ва сунъий ёритиш. Лойиҳалаштириш меъёрлари"га" деган сўзлар "ШНҚ 2.01.05-24 "Табиий ва сунъий ёритиш. Лойиҳалаштириш меъёрлари" шаҳарсозлик нормалари ва қоидалари талабларига" деган сўзлар билан алмаштирилсин;

13) 41-банддаги "ҚМҚ 2.04.05-97 "Иситиш, шамоллатиш ва кондиционерлаш" деган сўзлар "ШНҚ 2.04.05-22 "Иситиш, вентиляция ва кондициялаш" шаҳарсозлик нормалари ва қоидалари" деган сўзлар билан алмаштирилсин;

14) 43-банддаги "ҚМҚ II 89-80 "Саноат ташкилотларининг бош плани" деган сўзлар "ШНҚ 2.09.17-21 "Саноат корхоналарининг бош режаларини лойиҳалаш" шаҳарсозлик нормалари ва қоидалари" деган сўзлар билан алмаштирилсин;

15) 51-банд қуйидаги таҳрирда баён этилсин:

"51. Ишлаб чиқариш бинолари ва иншоотлари, ёрдамчи бинолар ва хоналар ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари" шаҳарсозлик нормалари ва қоидалари талабларига мувофиқ бўлиши лозим.";

16) 62-банддаги "12.1.003-89" ва "12.1.012-90" рақамлари тегишли равишда "12.1.003-2014" ва "12.1.012-2004" рақамлари билан алмаштирилсин;

17) 65-банддаги "ҚМҚ 2.04.05-97 "Иситиш, шамоллатиш ва кондиционерлаш" деган сўзлар "ШНҚ 2.04.05-22 "Иситиш, вентиляция ва кондициялаш" шаҳарсозлик нормалари ва қоидалари" деган сўзлар билан алмаштирилсин;

18) 2-бобнинг 14-параграфи номидаги "канализация" деган сўз "оқова сувларни чиқариб юбориш" деган сўзлар билан алмаштирилсин;

19) 71-банд қуйидаги таҳрирда баён этилсин:

"71. Сув таъминоти ва оқова сувларни чиқариб юбориш тизими ШНҚ 2.04.01-22 "Биноларнинг ички сув таъминоти ва оқова сувларни чиқариб юбориш" шаҳарсозлик нормалари ва қоидалари талабига мос келиши зарур.";

20) 74-банддаги "ҚМҚ 2.01.05-98 "Табиий ва сунъий ёритиш" деган сўзлар "ШНҚ 2.01.05-24 "Табиий ва сунъий ёритиш. Лойиҳалаштириш меъёрлари" шаҳарсозлик нормалари ва қоидалари" деган сўзлар билан алмаштирилсин;

21) 83-банддаги "ШНҚ 2.09.04-09 "Ташкилотларнинг маъмурий ва маиший бинолари" деган сўзлар "ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари" шаҳарсозлик нормалари ва қоидалари" деган сўзлар билан алмаштирилсин;

22) 91-банддаги "12.3.002-75" рақамлари "12.3.002-2014" рақамлари билан алмаштирилсин;

23) 105-банддаги "ШНҚ 2.01.19-09 "Бино, хона ва ташқи қурилмаларни портлаш, ёнғин ва ёнғин хавфлилиги тоифаларини аниқлаш"га" деган сўзлар "ШНҚ 2.01.19-22 "Портлаб-ёниш ва ёнғин хавфи бўлган хоналар, бинолар ва ташқи қурилмалар тоифаларини аниқлаш" шаҳарсозлик нормалари ва қоидаларига" деган сўзлар билан алмаштирилсин;

24) 111-банддаги "Истеъмолчиларнинг электр қурилмаларидан техник фойдаланиш қоидалари (рўйхат рақами 1383, 2004 йил 9 июль) ҳамда Истеъмолчиларнинг электр қурилмаларидан фойдаланишда техника хавфсизлиги қоидалари (рўйхат рақами 1400, 2004 йил 20 август)" деган сўзлар "Ўзбекистон Республикаси Вазирлар Маҳкамасининг 2020 йил 11 ноябрдаги 712-сон қарори билан тасдиқланган Истеъмолчилар электр қурилмаларини техник эксплуатация қилиш қоидалари ва Истеъмолчилар электр қурилмаларини эксплуатация қилишда хавфсизлик техникаси қоидалари" деган сўзлар билан алмаштирилсин;

25) 142-банднинг биринчи хатбошисидаги "ҚМҚ 2.04.02-97 "Сув таъминоти. Ташқи тармоқлар ва иншоотлар. Амалдаги санитария қоидаларини лойиҳалаштириш меъёрлари" деган сўзлар "ШНҚ 2.04.02-19 "Сув таъминоти. Ташқи тармоқлар ва иншоотлар" ва амалдаги санитария қоидаларини лойиҳалаштириш меъёрлари" шаҳарсозлик нормалари ва қоидалари" деган сўзлар билан алмаштирилсин;

26) 165-банддаги "ҚМҚ 2.04-02-97 "Сув таъминоти ташқи тармоқлар ва иншоотлар"нинг" деган сўзлар "ШНҚ 2.04.02-19 "Сув таъминоти. Ташқи тармоқлар ва иншоотлар" шаҳарсозлик нормалари ва қоидалари" деган сўзлар билан алмаштирилсин.

3. Ўзбекистон "Ўзкоммунхизмат" агентлиги бош директорининг 2015 йил 19 октябрдаги 107-сон буйруғи (рўйхат рақами 2729, 2015 йил 17 ноябрь) (Ўзбекистон Республикаси қонун ҳужжатлари тўплами, 2015 й., 46-сон, 586-модда) билан тасдиқланган Ортиқча босимли сув иситиш қозонлари, сув иситгичлар ва буғ қозонларини ўрнатиш ва улардан фойдаланишда меҳнатни муҳофаза қилиш қоидаларида:

1) муқаддима қуйидаги таҳрирда баён этилсин:

"Мазкур Қоидалар ортиқча босимли сув иситиш қозонлари, сув иситгичлар ва буғ қозонларини ўрнатиш ва улардан фойдаланишда меҳнатни муҳофаза қилиш қоидаларини белгилайди.";

2) 3-банд "норматив ҳужжатлар" деган сўзлардан кейин ", шаҳарсозлик нормалари ва қоидалари, санитария қоидалари, нормалари ва гигиена нормативлари" деган сўзлар билан тўлдирилсин;

3) 5-банддаги "Меҳнат муҳофазаси бўйича ишларни ташкил этиш тўғрисидаги намунавий низомга (рўйхат рақами 273, 1996 йил 14 август)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Ташкилотларда меҳнатни муҳофаза қилиш ишларини ҳамда меҳнатни муҳофаза қилиш хизмати фаолиятини ташкил этиш тартиби тўғрисидаги низом талабларига" деган сўзлар билан алмаштирилсин;

4) 7 ва 8-бандлар қуйидаги таҳрирда баён этилсин:

"7. Ўзбекистон Республикаси "Меҳнатни муҳофаза қилиш тўғрисида"ги Қонунининг 12-моддасига мувофиқ ишлаб чиқариш фаолиятини амалга оширувчи, ходимларининг сони эллик киши ва ундан ортиқ бўлган ҳар бир ташкилотда меҳнатни муҳофаза қилиш талабларига риоя этилишини таъминлаш, уларнинг бажарилиши устидан назоратни амалга ошириш мақсадида меҳнатни муҳофаза қилиш хизмати ташкил этилади ёки меҳнатни муҳофаза қилиш бўйича тегишли тайёргарликка эга бўлган мутахассис лавозими жорий этилади. Элликта ва ундан ортиқ транспорт воситаси мавжуд бўлган ташкилотда йўл ҳаракати хавфсизлиги хизмати ҳам ташкил этилади ёки йўл ҳаракати хавфсизлиги бўйича мутахассис лавозими жорий этилади.

Ходимларининг сони эллик нафардан кам бўлган ташкилотда меҳнатни муҳофаза қилиш хизматини ташкил этиш ёки меҳнатни муҳофаза қилиш бўйича мутахассис лавозимини жорий этиш тўғрисидаги қарор иш берувчи томонидан мазкур ташкилот фаолиятининг ўзига хос хусусияти ҳисобга олинган ҳолда қабул қилинади.

8. Меҳнатни муҳофаза қилиш хизмати ва йўл ҳаракати хавфсизлиги хизмати ташкилотнинг мустақил таркибий бўлинмалари бўлиб, улар бевосита ташкилот раҳбарига бўйсунади.";

5) 10-банд "ходимлар саломатлигининг" деган сўзлардан кейин "меҳнат вазифаларини бажариш билан боғлиқ" деган сўзлар билан тўлдирилсин;

6) 12-банддаги "Меҳнат муҳофазаси бўйича ўқишларни ташкил қилиш ва билимларни синаш тўғрисидаги намунавий низомга (рўйхат рақами 272, 1996 йил 14 август)" деган сўзлар "Ўзбекистон Республикаси Vазирлар Маҳкамасининг 2025 йил 24 декабрдаги 819-сон қарори билан тасдиқланган Меҳнатни муҳофаза қилиш бўйича йўл-йўриқдан ўтказиш, ўқитиш ва билимларни текшириш, малака ошириш ҳамда қайта тайёрлаш тўғрисидаги низом талабларига" деган сўзлар билан алмаштирилсин;

7) 13-банддаги "Меҳнат муҳофазаси бўйича йўриқномаларни ишлаб чиқиш тўғрисидаги низомга (рўйхат рақами 870, 2000 йил 7 январь)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Меҳнатни муҳофаза қилиш бўйича йўриқномаларни ишлаб чиқиш тўғрисидаги низом талабларига" деган сўзлар билан алмаштирилсин;

8) 32-банд қуйидаги таҳрирда баён этилсин:

"32. Ўзбекистон Республикаси Вазирлар Маҳкамасининг 2023 йил 4 июлдаги 290-сон қарори билан тасдиқланган Ўн саккиз ёшга тўлмаган шахсларнинг меҳнатидан фойдаланилиши тақиқланган оғир ишларнинг ҳамда зарарли ёки хавфли меҳнат шароитларидаги ишларнинг рўйхатига мувофиқ, ўн саккиз ёшга тўлмаган шахслар оғир, зарарли ёки хавфли меҳнат шароитларидаги ишларга қабул қилинмаслиги лозим.";

9) 33-банд ўз кучини йўқотган деб топилсин.

10) 36-38-бандлар қуйидаги таҳрирда баён этилсин:

"36. Ташкилот раҳбарияти касаба уюшмаси қўмитаси ва соғлиқни сақлаш муассасаси билан биргаликда ҳар йили дастлабки (меҳнат шартномасини тузаётганда) ва даврий (меҳнат фаолияти давомида) мажбурий тиббий кўрикдан ўтиши лозим бўлган ходимларнинг рўйхатини тузиши ҳамда ходимларнинг тиббий кўрикдан ўтишини таъминлаши лозим.

37. Мажбурий тиббий кўриклар ташкилотга тиббий хизматлар кўрсатувчи даволаш-профилактика муассасалари томонидан, агар улар бўлмаган тақдирда ташкилот жойлашган жойдаги ҳудудий даволаш-профилактика муассасасалари томонидан ўтказилади.

38. Иш берувчи мажбурий тиббий кўрикдан ўтмаган ёхуд мажбурий тиббий кўрик натижаларига кўра тиббий комиссиялар томонидан берилган тавсияларни бажаришдан бўйин товлаган шахсларни ишдан четлаштириши шарт.";

11) 42-банднинг учинчи хатбошисидаги "ҚМҚ 3.01.05-98 "Табиий ва сунъий ёритиш. Лойиҳалаштириш меъёрлари"га" деган сўзлар "ШНҚ 2.01.05-24 "Табиий ва сунъий ёритиш. Лойиҳалаштириш меъёрлари" шаҳарсозлик нормалари ва қоидаларига" деган сўзлар билан алмаштирилсин;

12) 43-банддаги "ҚМҚ 2.04.05-97 "Иситиш, вентиляция ва кондиционерлаш" деган сўзлар "ШНҚ 2.04.05-22 "Иситиш, вентиляция ва кондиционерлаш" шаҳарсозлик нормалари ва қоидалари" деган сўзлар билан алмаштирилсин;

13) 45-банддаги "ҚМҚ II 89-80 "Саноат ташкилотларининг бош плани" деган сўзлар "ШНҚ 2.09.17-21 "Саноат корхоналарининг бош режаларини лойиҳалаш" шаҳарсозлик нормалари ва қоидалари" деган сўзлар билан алмаштирилсин;

14) 53-банддаги "ҚМҚ 2.09.02-85 "Ишлаб чиқариш бинолари" талабларига, ёрдамчи бинолар ва хоналар ҚМҚ 2.09.04-98 "Ташкилотларнинг маъмурий ва маиший бинолари" деган сўзлар "ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари" шаҳарсозлик нормалари ва қоидалари" деган сўзлар билан алмаштирилсин;

15) 64-банддаги "12.1.003-89" ва "12.1.012-90" рақамлари тегишли равишда "12.1.003-2014" ва "12.1.012-2004" рақамлари билан алмаштирилсин;

16) 67-банддаги "ҚМҚ 2.04.05-97 "Иситиш, шамоллатиш ва кондиционерлаш" деган сўзлар "ШНҚ 2.04.05-22 "Иситиш, вентиляция ва кондициялаш" шаҳарсозлик нормалари ва қоидалари" деган сўзлар билан алмаштирилсин;

17) 2-бобнинг 14-параграфи номидаги "канализация" деган сўз "оқова сувларни чиқариб юбориш" деган сўзлар билан алмаштирилсин;

18) 73-банд қуйидаги таҳрирда баён этилсин:

"73. Сув таъминоти ва оқова сувларни чиқариб юбориш тизими ШНҚ 2.04.01-22 "Биноларнинг ички сув таъминоти ва оқова сувларни чиқариб юбориш" шаҳарсозлик нормалари ва қоидалари талабига мос келиши зарур.";

19) 76-банддаги "Табиий ва сунъий ёритиш" ҚМҚ 2.01.05-98" деган сўзлар "ШНҚ 2.01.05-24 "Табиий ва сунъий ёритиш. Лойиҳалаштириш меъёрлари" шаҳарсозлик нормалари ва қоидалари" деган сўзлар билан алмаштирилсин;

20) 87-банддаги "ШНҚ 2.09.04-09 "Ташкилотларнинг маъмурий ва маиший бинолари" деган сўзлар "ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш талаблари" шаҳарсозлик нормалари ва қоидалари" деган сўзлар билан алмаштирилсин;

21) 95-банддаги "12.3.002-75" рақамлари "12.3.002-2014" рақамлари билан алмаштирилсин;

22) 104-банддаги "ШНҚ 2.01.19-09 "Бино, хона ва ташқи қурилмаларни портлаш, ёнғин ва ёнғин хавфлилиги тоифаларини аниқлаш"га" деган сўзлар "ШНҚ 2.01.19-22 "Портлаб-ёниш ва ёнғин хавфи бўлган хоналар, бинолар ва ташқи қурилмалар тоифаларини аниқлаш" шаҳарсозлик нормалари ва қоидаларига" деган сўзлар билан алмаштирилсин;

23) 114-банддаги "Истеъмолчиларнинг электр қурилмаларидан техник фойдаланиш қоидалари (рўйхат рақами 1383, 2004 йил 9 июль) ҳамда Истеъмолчиларнинг электр қурилмаларидан фойдаланишда техника хавфсизлиги (рўйхат рақами 1400, 2004 йил 20 август)" деган сўзлар "Ўзбекистон Республикаси Vазирлар Маҳкамасининг 2020 йил 11 ноябрдаги 712-сон қарори билан тасдиқланган Истеъмолчилар электр қурилмаларини техник эксплуатация қилиш қоидалари ва Истеъмолчилар электр қурилмаларини эксплуатация қилишда хавфсизлик техникаси қоидалари" деган сўзлар билан алмаштирилсин;

24) 166-банддаги "ҚМҚ 2.04.13-99 "Қозонхона қурилмалари" деган сўзлар "ШНҚ 2.04.13-24 "Қозонхоналар" шаҳарсозлик нормалари ва қоидалари" деган сўзлар билан алмаштирилсин;

4. Ўзбекистон "Ўзкоммунхизмат" агентлиги бош директорининг 2016 йил 18 августдаги 99-сон буйруғи (рўйхат рақами 2825, 2016 йил 19 сентябрь) (Ўзбекистон Республикаси қонун ҳужжатлари тўплами, 2016 й., 38-сон, 452-модда) билан тасдиқланган Чиқиндиларни қайта юклаш станцияларидан техник фойдаланиш қоидаларида:

1) муқаддима қуйидаги таҳрирда баён этилсин:

"Мазкур Қоидалар чиқиндиларни қайта юклаш станцияларидан техник фойдаланиш тартибини белгилайди.";

2) 3-банддаги "норматив ҳужжатлар" деган сўзлардан кейин "шаҳарсозлик нормалари ва қоидалари, санитария қоидалари, нормалари ва гигиена нормативлари" деган сўзлар билан тўлдирилсин;

3) 37-банддаги "Экология, атроф-муҳитни муҳофаза қилиш ва иқлим ўзгариши вазирлиги органларига" деган сўзлар "Экология ва иқлим ўзгариши миллий қўмитасига" деган сўзлар билан алмаштирилсин;

4) 38-банддаги "канализация" деган сўз "оқова сувларни чиқариб юбориш" деган сўзлар билан алмаштирилсин;

5) 48-банддаги "Меҳнат муҳофазаси бўйича ишларни ташкил этиш тўғрисидаги намунавий низомга (рўйхат рақами 273, 1996 йил 14 август)" деган сўзлар "Ўзбекистон Республикаси Вазирлар Маҳкамасининг 2025 йил 24 декабрдаги 819-сон қарори билан тасдиқланган Ташкилотларда меҳнатни муҳофаза қилиш ишларини ҳамда меҳнатни муҳофаза қилиш хизмати фаолиятини ташкил этиш тартиби тўғрисидаги низом талабларига" деган сўзлар билан алмаштирилсин;

6) 50 ва 51-бандлар қуйидаги таҳрирда баён этилсин:

"50. Ўзбекистон Республикаси "Меҳнатни муҳофаза қилиш тўғрисида"ги Қонунининг 12-моддасига мувофиқ ишлаб чиқариш фаолиятини амалга оширувчи, ходимларининг сони эллик киши ва ундан ортиқ бўлган ҳар бир ташкилотда меҳнатни муҳофаза қилиш талабларига риоя этилишини таъминлаш, уларнинг бажарилиши устидан назоратни амалга ошириш мақсадида меҳнатни муҳофаза қилиш хизмати ташкил этилади ёки меҳнатни муҳофаза қилиш бўйича тегишли тайёргарликка эга бўлган мутахассис лавозими жорий этилади. Элликта ва ундан ортиқ транспорт воситаси мавжуд бўлган ташкилотда йўл ҳаракати хавфсизлиги хизмати ҳам ташкил этилади ёки йўл ҳаракати хавфсизлиги бўйича мутахассис лавозими жорий этилади.

Ходимларининг сони эллик нафардан кам бўлган ташкилотда меҳнатни муҳофаза қилиш хизматини ташкил этиш ёки меҳнатни муҳофаза қилиш бўйича мутахассис лавозимини жорий этиш тўғрисидаги қарор иш берувчи томонидан мазкур ташкилот фаолиятининг ўзига хос хусусияти ҳисобга олинган ҳолда қабул қилинади.

51. Меҳнатни муҳофаза қилиш хизмати ва йўл ҳаракати хавфсизлиги хизмати ташкилотнинг мустақил таркибий бўлинмалари бўлиб, улар бевосита ташкилот раҳбарига бўйсунади.";

7) 53-банд "ходимлар саломатлигининг" деган сўзлардан кейин "меҳнат вазифаларини бажариш билан боғлиқ" деган сўзлар билан тўлдирилсин;

8) 55-банддаги "2.09.04-09 "Ташкилотларнинг маъмурий ва маиший бинолари" деган сўзлар "ШНҚ 2.09.02-23 "Корхоналарнинг ишлаб чиқариш ҳамда маъмурий-маиший бино ва иншоотлари. Лойиҳалаш" шаҳарсозлик нормалари ва қоидалари" деган сўзлар билан алмаштирилсин.

         

              

Қонун ҳужжатлари маълумотлари миллий базаси (www.lex.uz),

2026 йил 19 март