Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси бошлиғининг 03.04.2026 й. 20-сон "Иссиқлик электр станцияларида ишга тушириш-созлаш ишларини бажариш ва қабул қилиш қоидаларига ўзгартиришлар киритиш ҳақида"ги Буйруғи (АВ томонидан 15.04.2026 й. 2307-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.04.2026 й.

N 2307-1

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИ ҲУЗУРИДАГИ

ЭЛЕКТР ЭНЕРГИЯСИ, НЕФТЬ МАҲСУЛОТЛАРИ

ВА ГАЗДАН ФОЙДАЛАНИШНИ НАЗОРАТ

ҚИЛИШ ИНСПЕКЦИЯСИ БОШЛИҒИНИНГ

03.04.2026 й.

N 20

БУЙРУҒИ

Иссиқлик электр станцияларида ишга

тушириш-созлаш ишларини бажариш ва қабул

қилиш қоидаларига ўзгартиришлар киритиш ҳақида

Ўзбекистон Республикаси Президентининг 2022 йил 21 декабрдаги ПФ-269-сон "Янги Ўзбекистон маъмурий ислоҳотларини амалга ошириш чора-тадбирлари тўғрисида"ги ва 2023 йил 25 январдаги ПФ-14-сон "Республика ижро этувчи ҳокимият органлари фаолиятини самарали йўлга қўйишга доир биринчи навбатдаги ташкилий чора-тадбирлар тўғрисида"ги фармонларига мувофиқ БУЮРАМАН:

1. Электр энергетикада назорат бўйича давлат инспекцияси бошлиғининг 2011 йил 25 ноябрдаги 25-сон буйруғи (рўйхат рақами 2307, 2011 йил 28 декабрь) (Ўзбекистон Республикаси қонун ҳужжатлари тўплами, 2012 й., 52-сон, 569-модда) билан тасдиқланган Иссиқлик электр станцияларида ишга тушириш-созлаш ишларини бажариш ва қабул қилиш қоидаларига иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Энергетика вазирлиги, Фавқулодда вазиятлар вазирлиги, Қурилиш ва уй-жой коммунал хўжалиги вазирлиги ҳамда Вазирлар Маҳкамаси ҳузуридаги Саноат, радиация ва ядро хавфсизлиги қўмитаси билан келишилган.

3. Мазкур буйруқ расмий эълон қилинган кундан эътиборан кучга киради.

Инспекция бошлиғи                                                     Д.А. Исақулов

Буйруққа

ИЛОВА

Иссиқлик электр станцияларида ишга тушириш-созлаш

ишларини бажариш ва қабул қилиш қоидаларига

киритилаётган ўзгартиришлар

1. Муқаддимадан "Вазирлар Маҳкамасининг 2004 йил 1 мартдаги 96-сон қарори (Ўзбекистон Республикаси қонун ҳужжатлари тўплами, 2004 йил, 9-сон, 105-модда) билан тасдиқланган Электр энергетикада назорат бўйича давлат инспекцияси ("Ўздавенергоназорат" инспекцияси) тўғрисидаги низомга мувофиқ," деган сўзлар чиқариб ташлансин.

2. 2-бандда:

иккинчи хатбошидаги "йўқ қилиниши" деган сўзлар "бартараф этилиши" деган сўзлар билан алмаштирилсин;

учинчи хатбошидаги "монтаждан олдинги" деган сўзлар "монтаж қилишдан олдинги" деган сўзлар билан алмаштирилсин.

3. 16-бандда:

тўртинчи хатбошидаги "монтаждан" деган сўз "монтаж қилингандан сўнг" деган сўзлар билан алмаштирилсин;

еттинчи хатбошидаги "орттириб" деган сўз "ошириб" деган сўз билан алмаштирилсин;

ўнинчи хатбошидаги "назорат остидаги ёки кафолатланган эксплуатация" деган сўзлар "назорат остида ёки кафолатланган эксплуатация қилиниши" деган сўзлар билан алмаштирилсин.

4. 18-банднинг иккинчи хатбошисидаги "монтаждан олдинги" ва "монтаждан" деган сўзлар тегишли равишда "монтаж қилишдан олдинги" ва "монтаж қилингандан сўнг" деган сўзлар билан алмаштирилсин.

5. 24 ва 49-бандлардаги "Қурилиши тугалланган объектларни эксплуатацияга қабул қилиш" ШНҚ 3.01.04-04" деган сўзлар "Қурилиши тугалланган объектларни фойдаланишга қабул қилиш" ШНҚ 3.01.04-19" деган сўзлар билан алмаштирилсин.

6. 25-банднинг биринчи хатбошиси ва 52-банддаги "Қурилиши тугалланган объектларни эксплуатацияга қабул қилиш" ШНҚ 3.01.04-04га" деган сўзлар "Қурилиши тугалланган объектларни фойдаланишга қабул қилиш" ШНҚ 3.01.04-19га" деган сўзлар билан алмаштирилсин.

7. 28-банднинг биринчи хатбошисидаги "монтаждан олдин" деган сўзлар "монтаж қилинишидан олдин" деган сўз билан алмаштирилсин.

8. 29-банддаги "Монтаждан" деган сўз "Монтаж қилингандан сўнг" деган сўзлар билан алмаштирилсин.

9. 32-банднинг биринчи ва иккинчи хатбошиларидаги, 34-банддаги "монтаждан" деган сўз "монтаж қилингандан сўнг" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2026 йил 16 апрель