Ички ишлар вазирининг 24.04.2026 й. 197-сон "Автомототранспорт воситаларини қайта рўйхатдан ўтказишни (қайд этишни) ташкил этиш ва амалга ошириш тартиби тўғрисидаги йўриқномага ўзгартиришлар киритиш ҳақида"ги Буйруғи (АВ томонидан 29.04.2026 й. 2050-6-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

29.04.2026 й.

N 2050-6

ЎЗБЕКИСТОН РЕСПУБЛИКАСИ

ИЧКИ ИШЛАР ВАЗИРИНИНГ

24.04.2026 й.

N 197

БУЙРУҒИ

Автомототранспорт воситаларини қайта рўйхатдан

ўтказишни (қайд этишни) ташкил этиш ва амалга

ошириш тартиби тўғрисидаги йўриқномага

ўзгартиришлар киритиш ҳақида

Ўзбекистон Республикаси Вазирлар Маҳкамасининг 2026 йил 20 январдаги 11-сон "Йўл ҳаракати хавфсизлигини таъминлаш соҳасини рақамлаштириш бўйича қўшимча чора-тадбирлар тўғрисида"ги қарорига мувофиқ БУЮРАМАН:

1. Ўзбекистон Республикаси ички ишлар вазирининг 2009 йил 13 октябрдаги 107-сон буйруғи (рўйхат рақами 2050, 2009 йил 30 ноябрь) (Ўзбекистон Республикаси қонун ҳужжатлари тўплами, 2009 й., 50-51-сон, 545-модда) билан тасдиқланган Автомототранспорт воситаларини қайта рўйхатдан ўтказишни (қайд этишни) ташкил этиш ва амалга ошириш тартиби тўғрисидаги йўриқномага иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                  А.А. Ташпулатов

Буйруққа

ИЛОВА

Автомототранспорт воситаларини қайта рўйхатдан

ўтказишни (қайд этишни) ташкил этиш ва амалга

ошириш тартиби тўғрисидаги йўриқномага

киритилаётган ўзгартиришлар

1. 8-банд қуйидаги таҳрирда баён этилсин:

"8. Рўйхатдан ўтказиш давлат рақами белгиларини қайта тиклаш, шунингдек, уларни бошқасига алмаштириш учун транспорт воситаларининг эгалари РЎваИОБларга белгиланган тартибда мурожаат қиладилар.".

2. 11-банд қуйидаги таҳрирда баён этилсин:

"11. Буюртмалар асосида яроқсиз ҳолга келиб қолган, шикастланган ёки бузилган рўйхатдан ўтказиш давлат рақами белгилари ИИВ ЖХД ЙҲХХ қошидаги "Uzavtomotoservis" масъулияти чекланган жамиятда (бундан буён матнда Жамият деб юритилади) қайта ишлаб чиқарилади. Буюртмалар Жамиятга келиб тушгандан кейин мазкур Йўриқноманинг 10-бандида кўрсатилган ҳужжатлар текширилади.".

3. 12-банддаги "Давлат унитар корхонаси" деган сўзлар "Жамият" деган сўз билан алмаштирилсин.

4. 14-2-бандда:

биринчи хатбошидаги "Давлат унитар корхонасига" деган сўзлар "Жамиятга" деган сўз билан алмаштирилсин;

иккинчи хатбошидаги "Давлат унитар корхонасида" деган сўзлар "Жамиятда" деган сўз билан алмаштирилсин.

5. 17-2-банднинг биринчи хатбошисидаги "Давлат унитар корхонасига" деган сўзлар "Жамиятга" деган сўз билан алмаштирилсин.

Қонун ҳужжатлари маълумотлари миллий базаси (www.lex.uz),

2026 йил 1 май