Олий таълим, фан ва инновациялар вазирининг 13.05.2026 й. 201-сон "Давлат илмий дастурлари доирасида яратилган интеллектуал мулк ҳуқуқлари (патентлар)ни хорижда рўйхатдан ўтказиш ва қўллаб-қувватлаш харажатларини тўлаш тартиби тўғрисидаги низомга ўзгартиришлар киритиш ҳақида"ги Буйруғи (АВ томонидан 19.05.2026 й. 3034-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

19.05.2026 й.

N 3034-2

ЎЗБЕКИСТОН РЕСПУБЛИКАСИ

ОЛИЙ ТАЪЛИМ, ФАН ВА ИННОВАЦИЯЛАР

ВАЗИРИНИНГ

13.05.2026 й.

N 201

БУЙРУҒИ

Давлат илмий дастурлари доирасида яратилган

интеллектуал мулк ҳуқуқлари (патентлар)ни хорижда

рўйхатдан ўтказиш ва қўллаб-қувватлаш харажатларини

тўлаш тартиби тўғрисидаги низомга ўзгартиришлар

киритиш ҳақида

Ўзбекистон Республикаси Президентининг 2025 йил 25 ноябрдаги ПФ-231-сон "Қонунчиликдаги ҳуқуқий бўшлиқларни бартараф этиш ва тартибга солиш юкини камайтириш тўғрисида"ги Фармонига мувофиқ БУЮРАМАН:

1. Ўзбекистон Республикаси инновацион ривожланиш вазирининг 2018 йил 4 июндаги 14/6-сон буйруғи (рўйхат рақами 3034, 2018 йил 5 июль) (Қонун ҳужжатлари маълумотлари миллий базаси, 06.07.2018 й., 10/18/3034/1474-сон) билан тасдиқланган Давлат илмий дастурлари доирасида яратилган интеллектуал мулк ҳуқуқлари (патентлар)ни хорижда рўйхатдан ўтказиш ва қўллаб-қувватлаш харажатларини тўлаш тартиби тўғрисидаги низомга иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Фанлар академияси билан келишилган.

3. Ушбу буйруқ расмий эълон қилинган кундан эътиборан кучга киради.

Вазир                                                   К.А. Шарипов

Буйруққа

ИЛОВА

Давлат илмий дастурлари доирасида яратилган

интеллектуал мулк ҳуқуқлари (патентлар)ни хорижда

рўйхатдан ўтказиш ва қўллаб-қувватлаш харажатларини

тўлаш тартиби тўғрисидаги низомга киритилаётган

ўзгартиришлар

1. 1-банддаги "Инновацион ривожланиш ва новаторлик ғояларини қўллаб-қувватлаш жамғармасининг" деган сўзлар "Илм-фанни молиялаштириш ва инновацияларни қўллаб-қувватлаш жамғармасининг" деган сўзлар билан алмаштирилсин.

2. 3-банд, 5-банднинг иккинчи хатбошиси ҳамда 9-банддаги "илмий-тадқиқот" деган сўзлар "илмий" деган сўз билан алмаштирилсин.

3. 4-банднинг бешинчи ва олтинчи хатбошилари қуйидаги таҳрирда баён этилсин:

"табиий ресурсларни тежаш ва улардан оқилона фойдаланиш ҳамда табиатни муҳофаза қилиш қобилияти;

ижтимоий муаммолар ечимининг таъминланганлиги ва экспортга мўлжалланганлиги.".

Қонун ҳужжатлари маълумотлари миллий базаси (www.lex.uz),

2026 йил 19 май