Бухгалтер билиши керак бўлган барча ахборот – Buxgalter Pro да:
Давлат унитар корхонасида йил якунида солиқларни тўлагандан кейин тақсимланмаган фойда қолди. Уни қандай мақсадлар учун ва қандай шартларда фойдаланишни buxgalter.uz илтимосига биноан юрист Икром АБДУЛҚОДИРОВ тушунтирди:
- Давлат корхонасининг даромадларини тақсимлаш тартиби унинг мол-мулки мулкдори томонидан белгиланади МК 179-м.
ДУКнинг солиқлар тўлангандан сўнг, соф фойдасидан Давлат бюджетига ва муассисга ажратмалардан кейин соф фойдаси - корхона ихтиёрида қолади ва ундан муассиснинг қарорига биноан фойдаланилади ЎзР ВМ 16.10.2006 й. 215-сон қарорига 1-илова. 24-м. Хусусан, у ДУКнинг устав фондига ўтказилиши мумкин Ўзбекистон Республикасининг 30.08.1996 й. 279-I-сон .
Муассис давлат корхонасининг молиявий йил якунлангач 6 ойдан кеч бўлмаган муддатда тақсимланадиган соф фойдасининг бир қисмини - Давлат бюджетига соф фойданинг 30%и миқдорида ажратмаларни ҳисобга олган ҳолда олиш ҳуқуқига эга.
Эътибор беринг!
Давлат корхоналари ҳамда устав капиталида 50% ва ундан ортиқ давлат улуши мавжуд бўлган юридик шахслар томонидан 2021 йилнинг 1 июлига қадар 2020 йил якунлари бўйича ўз соф фойдасининг 50%идан кам бўлмаган миқдорда Давлат бюджетига тегишли равишда ажратмалар ва давлат улуши бўйича дивидендларни 2021 йилнинг 1 сентябридан кечиктирмасдан тегишли даражадаги бюджетларга ўтказилади Ўзбекистон Республикасининг 25.12.2020 й. ЎРҚ-657-сон. 12-м.Юқорида баён этилганларни инобатга олган ҳолда, корхона ихтиёрида қоладиган тақсимланмаган фойдадан у ёки бошқа мақсадлар учун фойдаланиш тўғрисидаги қарорни унинг муассиси қабул қилади. Бунда, бундай фойдадан фойдаланиш мақсадлари ушбу давлат корхонаси фаолиятининг мақсадлари ва мол-мулкнинг мақсадига зид келмаслиги керак МК 178-м.
Эътибор беринг!
Дивидендларни қандай ҳисобга олиш ва тўлаш ҳақида МВ департементи директори ўринбосари Асал ХАШИМОВА ва «Норма» эксперти Олег ЦОЙнинг тавсияларида ўқинг.
