Сизга 10 майга қадар акциз солиғини тўлаш учун қуйидагилар керак бўлиши мумкин:
Вазиятни аниқлаштиришни давом эттирамиз: Агар онлайн-НКМ эгаси 943-сон ВМҚга 1-илованинг 25-бандига амал қилган ҳолда фаолиятни тўхтатиш тўғрисидаги ариза билан мурожаат қилса, ТХКМ ходими нима қилиши керак.
ДСҚ ҳузуридаги “Янги технологиялар” ИАМ онлайн-НКМ ва виртуал кассалар бўлими мазкур масала бўйича ўз тушунтиришини берди. Бунда buxgalter.uz ҳозирча анча мақбул ечим мавжуд бўлмаганда ушбу тавсияларга амал қилиш мумкин, деб ҳисоблайди. Бироқ масаланинг ўзи кейинчалик қайта ишлашни ва касса онлайн-техника ва унинг ҳуқуқий асосларини такомиллаштиришни талаб қилади.
“Янги технологиялар” ИАМ тавсия қилади:
Тадбиркорлик фаолияти тўхтатилганда (шунингдек тугатилганда ёки онлайн-НКТдан фойдаланишдан воз кечилганда) 943-сон ВМҚга 1-илова 4-бобида назарда тутилган қоидаларга риоя қилиш зарур. Унда онлайн-НКМ ёки виртуал кассани рўйхатдан чиқариш тартиби белгиланган.
Агар тадбиркор фаолиятини тўхтатса, у онлайн-НКМ ёки виртуал кассани рўйхатдан чиқариши ва тасдиқловчи ҳужжатни олиши зарур. Бунинг учун:
- тадбиркор ТХКМга бевосита ташриф буюрган ҳолда онлайн-НКМ ёки виртуал кассани рўйхатдан чиқариш тўғрисида ариза билан мурожаат қилиши ва ТХКМга фискал модулни қайтариши зарур;
- ТХКМ ходими бир иш кунида онлайн-НКМ ёки виртуал кассани рўйхатдан чиқариш тўғрисидаги аризани тадбиркорлик субъекти ҳисобга олинган жойдаги солиқ органига онлайн-НКМ махсус ахборот тизими орқали юборади;
- солиқ органи онлайн-НКМ ёки виртуал кассани рўйхатдан чиқариш тўғрисида қарор қабул қилади ва бу ҳақда онлайн-НКМ ахборот тизими орқали ТХКМни хабардор қилади;
- онлайн-НКМнинг рўйхатдан чиқарилганлигининг ҳужжатли тасдиқномасини my.soliq.uz да солиқ тўловчининг шахсий кабинетида олиш мумкин.
Агар тадбиркор фаолиятини тиклашга қарор қилса, у давлат солиқ хизмати органларида онлайн-НКМ ёки виртуал кассани рўйхатдан ўтказиш тартиб-таомилидан қайта ўтиши ва фискал маълумотлар оператори хизматлари учун 1 БҲМ тўлаши керак.
Агар охирги рўйхатдан ўтказиш санасидан эътиборан бир йилдан кам вақт ўтган бўлса, у ФМОга илгари қайтарилган фискал модулни кейинчалик рўйхатдан ўтказиш учун тегишли ТХКМга бериш тўғрисида ариза билан мурожаат қилиши мумкин. Бу ҳолда ФМО хизматлари учун тўлов ундирилмайди.
Buxgalter.uz фикр-мулоҳазалари:
Бежиз 943-сон ВМҚга 1-иловада тадбиркорлик субъекти фаолиятини тўхтатиш (25-б.) тадбиркорлик субъектини тугатиш ёки онлайн-НКТдан фойдаланишдан воз кечиш ҳоллари (4-боб) учун назарда тутилган қоидалардан алоҳида турмайди. Фаолият тўхтатилган ҳолда тадбиркорлик субъекти тугатилмайди ва касса техникасидан воз кечилмайди, шунчаки баъзи вақт давомида унда онлайн-НКТ орқали ўтказиш зарур бўлган сотишлар бўлмайди. Бундай вазият реализация қилинадиган товарлар ва хизматларга талабнинг мавсумийлиги муносабати билан, масалан, таъмирлаш даврида, реконструкция ва бошқа шунга ўхшаш ҳолатларда юзага келиши мумкин.
Ҳаммага маълум бўлган мақсадга мувофиқлик нуқтаи назаридан бу ҳолларда қуйидагилар учун ТХКМ ва солиқ органларини шунчаки хабардор қилиш мумкин бўларди:
- солиқ органларида на ТХКМга, на тадбиркорга сотишлар мавжуд эмаслиги учун саволлар бўлмаслиги учун;
- тадбиркорга ТХКМга фискал модулни қайтариш зарур бўлмаслиги, фаолиятни тиклашда эса уни фискал маълумотлар операторидан талаб қилиб олиши учун;
- ТХКМ ушбу даврда вақтинча фойдаланилмаётган фискал модул учун жавоб бермаслиги учун;
- тадбиркор фаолият тикланганда ишга тушириш-созлаш учун тўловга ортиқча пул сарфламаслиги учун;
- у ортиқча сарсонгарчиликсиз ва сарф-харажатларсиз ўз фаолиятини тиклай олиши учун, масалан, бу ҳақда ТХКМ орқали солиқ органларини хабардор қилиш йўли билан.
Бироқ ушбу чораларни амалга ошириш учун нафақат НКМ эгаси, балки ТХКМ бўлган тадбиркорлик субъектларини қўллаб-қувватлаш учун ушбу чораларни амалга ошириш учун:
- 943-сон ВМҚга 1-иловага қўшимчалар киритиш, уларда тадбиркорлик субъекти фаолиятини тўхтатиш қоидаларини ёзиш;
- онлайн-НКМ махсус ахборот тизимида ўз фаолиятини тўхтатган тадбиркорлик субъектларини рўйхатдан ўтказиш учун махсус режимни яратиш зарур.
Умид қиламизки, бизнинг таклифларимиз ваколатли органлар томонидан онлайн-НКМ ва виртуал кассалар тизимини такомиллаштириш бўйича кейинги ишларда қабул қилинади.
Олег ГАЕВОЙ
