Норезидентларнинг даромадларидан тўлов манбаида фойда солиғини тўлаш

Тавсияда:

– солиқ агентлари;
– даромадлар рўйхати ва солиқ ставкалари;
– иккиёқлама солиқ солишнинг олдини олиш тўғрисидаги халқаро шартномалар;
– даромаднинг ҳақиқий олувчиси қандай аниқланади;
– солиқ резидентлигини тасдиқловчи ҳужжатдан қандай фойдаланилади;
– фойда солиғи ушлаб қолинмаганда солиқ органлари эътироз билдиришининг олдини олиш йўллари;
– норезидентнинг даромадларидан тўланган фойда солиғи қандай қайтарилади;
– муаллифлик ҳақи (роялти) кўринишидаги норезидентнинг даромадларига қандай солиқ солинади;
– халқаро ташишлардан норезидентнинг даромадларига қандай солиқ солинади;
– воситачилик ёки топшириқ шартномаси бўйича товарларни реализация қилишдан норезидентнинг даромадларига қандай солиқ солинади;
– халқаро шартномаларнинг қандай қоидаларига амал қилинади;
– норезидентлар харидор ёки сотувчи бўлганда Ўзбекистондаги мол-мулкни реализация қилишдан даромаддан солиқ қандай ушлаб қолинади;
– қандай қилиб норезидентнинг даромадларидан фойда солиғи тўланади ва у бўйича ҳисобот берилади.

Солиқ солиш тизимидан қатъи назар (фойда солиғи ва ҚҚС тўловчиси ёки айланмадан олинадиган солиқни тўловчи), корхонангиз солиқ агенти сифатида норезидентнинг даромадларидан фойда солиғини ҳисоблаб чиқариши ва ушлаб қолиши керак, агар:

• норезидент даромадни Ўзбекистондаги манбалардан олган бўлса;
• норезидентнинг даромад олиш бўйича фаолияти Ўзбекистон ҳудудида доимий муассасани шакллантирмаса.

Солиқни даромадларнинг ҳар бир тўлови пайтида ушлаб қолинг .

Агар Ўзбекистон билан хорижий компания резиденти бўлган давлат ўртасида иккиёқлама солиқ солишнинг олдини олиш тўғрисида халқаро шартнома амал қилса, халқаро шартнома қоидаларини қўлланг .

Норезидентларнинг даромадларидан фойда солиғи бўйича ким солиқ агенти ҳисобланади  

Қуйидагилар солиқ агентлари ҳисобланади :

• юридик шахслар, шу жумладан солиқ тўловчилар консолидациялашган гуруҳининг иштирокчилари;
• якка тартибдаги тадбиркорлар;
• фаолиятини ДМ орқали амалга оширувчи норезидентлар;
• норезидент бўлган юридик шахсларнинг Ўзбекистондаги ваколатхоналари;
• қуйидаги мол-мулкни олувчи жисмоний шахслар ва Ўзбекистон норезиденти бўлган юридик шахслар, шунингдек юридик шахс ташкил этмаган ҳолда чет эл тузилмалари (ДМ бундан мустасно):

1) акциялар (бундан фонд биржасида реализация қилинадиган акциялар мустасно), Ўзбекистон резиденти бўлган юридик шахсларнинг устав фондидаги (устав капиталидаги) улуши (пайлар);

2) Ўзбекистон ҳудудида жойлашган кўчмас мулк ёки мулк мажмуаси сифатида корхона;

3) Ўзбекистон қонунчилигига мувофиқ ташкил этилган инвестиция пай фондларининг инвестиция пайлари.

Қайси даромадларга ва қандай ставкаларда норезидентларнинг даромадларидан фойда солиғи солинади  

Хизматлар кўрсатиш (ишларни бажариш) учун импорт контракти ёки қандайдир бошқа ҳужжатлар (инвойслар, тўлов учун счётлар) бўйича норезидентга даромад тўлаётганда даромаддан фойда солиғини қуйидаги ставкаларда ушлаб қолинг :