Асосий воситалар амортизацияси қандай ҳисобланади
Тавсияда:
– АВ амортизациясини ҳисоблаш қоидалари;
– амортизацияни қайси қийматга ҳисоблаш лозим;
– амортизацияни бухгалтерия ҳисобида акс эттириш;
– амортизацияни бухгалтерия ҳисоби ва солиқ солиш мақсадларида ҳисоблаш тартибидаги асосий фарқлар.
Асосий воситалар амортизациясини ҳисоблаш қоидалари
Амортизация – асосий воситалар (АВ) қийматини уларни фойдали ишлатиш муддати давомида аста-секин корхона харажатларига ўтказиш.
Амортизацияни қуйидагича ҳисобланг :
- объект АВ таркибига қабул қилинган (фойдаланишга туширилган) ойдан кейинги ойнинг биринчи кунидан бошлаб;
- ҳар бир объект бўйича ҳар ойлик, ҳисобварақларда АВ эскиришини ҳисобга олган ҳолда (0200);
- АВ объектининг амортизация қиймати тўлиқ сўндирилгунича ёки уни балансдан чиқаргунча. АВ балансдан чиқарилган ёки ўчирилган тақдирда амортизацияни охирги марта ҳисобдан ўчириш (чиқариш) ойида ҳисобланг.