Асосий воситалар амортизацияси қандай ҳисобланади

Тавсияда:

– АВ амортизациясини ҳисоблаш қоидалари;
– бухгалтерия ҳисоби ва солиқ солиш мақсадларида асосий воситалар  амортизацияси нормаларини қиёслаш;
– АВ амортизацияси ҳисобланадиган қиймат;
– АВ амортизациясини бухгалтерия ҳисобида акс эттириш.

Асосий воситалар амортизациясини ҳисоблаш қоидалари 

Амортизация – асосий воситалар (АВ) қийматини уларни фойдали ишлатиш муддати давомида аста-секин корхона харажатларига ўтказиш.

Амортизацияни қуйидагича ҳисобланг :

• объект АВ таркибига қабул қилинган (фойдаланишга туширилган) ойдан кейинги ойнинг биринчи кунидан бошлаб фойдаланишга топшириш далолатномасига асосан;
• ҳар бир объект бўйича ҳар ойлик, ҳисобварақларда АВ эскиришини ҳисобга олган ҳолда (0200);
• АВ объектининг амортизация қиймати тўлиқ сўндирилгунича ёки уни балансдан чиқаргунча. АВ балансдан чиқарилган ёки ўчирилган тақдирда амортизацияни охирги марта ҳисобдан ўчириш (чиқариш) ойида ҳисобланг.